Vabulaniya1
1Dahila, Nguluvi akalongile na vagogolo vetu kuchumbila vavichi vake mala chongofu na kwa ng'asi chongofu,2ila mufigono ifi fya mwiso ilonga na nefwe kuchumbila Mwana vake. Kuchumbila mwene, Nguluvi akawumbile inyi na amuhaguwe neke finu fyonda fiveche fyake.3Mwana ndi lung'ali lwa ukomi va Nguluvi na iwonesa kuva Nguluvi peagehe. Igita finu fyonda fiveche pamwi ngita pefigehe kwa luchowo lwake lwelugehe na ludali. Peamalile kuvang'alicha na kuvahechelela vanu sambi chawo, akahelele kukala ukoya kuluhano mulubali lwa luwoko lwa ndewo lwa Nguluvi.4Ndeni, Mwana va Nguluvi ndi mkomi kuchumba vandumindumi va kuluhano kwa Nguluvi, ngita litawa lyeagavilwe na Nguluvi liwonesa mwene ndi mkomi kuchumba vonda.5Kwakuva Nguluvi seakamlongiye ng'odo ndumindumi vake yumwi, “Veve ndi Mwana vangu, neng'uli ndilonga nene ndivechile Daada vako.” Nguluvi seakalongile ng'odo na ndumindumi yeyonda, “Nene dandivecha Daada vake, na mwene daivecha Mwana vangu.”6Ila Nguluvi peamlagiche Mwana vake mlongola mkigosi muinyi akalongile, “Ndumindumi vangu vonda vakuluhano vamgundamile mwene.”7Ila kwa njowo cha ndumindumi vake va kuluhano akalongile kuva, “Ndikuvagalambula ndumindumi vangu kuvecha lukala, na vanyigendwa vangu va kuluhano kuvecha lwenge lwa lyoto.”8Ila kwa Mwana vake, Nguluvi akalongile kuva, “Veve Nguluvi ung'achale vako seusila, Veve dautavala ngita peing'ang'wa.9Veve ukela magito gyeging'ang'wa na kuvipila unjanganifu. Kwakuva Nguluvi, Nguluvi vako akuhaguwe na kukubaka mafuta manofu, neke uveche mkomi na kugavilwa lukeduko na uginyange, kuchumba vayago vonda.”10Baho akalongile, “Mtwa veve dahila ukawumbile inyi, na kwa mawoko gyako ukawumbile luhano.11Finu ifi dafiyaganika, ila veve dawisigala mbepali, fyonda dafisakala ngita myenda.12Daukugibandabanda ngita koti veusakiye, na chene dachigalambilwa ngita mwenda. Ila veve ndi yula yula mbepali, na miyaka gyako dasegivecha na mwiso.”13Nguluvi seakamlongiye ata yumwi va ndumindumi vake va kuluhano, “Wikale lubali lwangu lwa luwoko lwa ndewo, mbaka ndivavike vachindwama vako vaveche kigoda kya kuvikila magulu.”14Wuli, ndumindumi va kuluhano kwa Nguluvi nde vaani? Ndumindumi va kuluhano kwa Nguluvi ndi muhe vevakumgumbanikila Nguluvi na vevilagichwa kuvatanga vala daviwanuka ulowola.
The Word for the World International