VAGALATIA1
1Nene Paulo mnjagila yendikemeliwe na Nguluvi na sekwakuhaguliwa na vanu, ila kwa umwimike va Yesu Kilisito na va Nguluvi Daada yeamchulubuwe Yesu,2na lukolo vonda vevakali pamwi na nene tukugahungila mapinga lya vanu vevamudikiye Kilisito ukoya Galatia.3Ndikumsuka Nguluvi daada na Mtwa vetu Yesu Kilisito avagavile usanzi na lutengamaso.4Ajihechile usembe kwakuva lya kuhecha sambi chetu neke apatile kutuwokola kuhuma mu inyi ugu va ino muwofu, savasava na lukelo lwake mwene Nguluvi na Daada vetu.5Nguluvi ndi mkomi ing'ang'wa kunjumwa mbepali na mbepali! Ndakyene.6Ndiduduvala hilo, kwa chipindi kidodo hela kichumbile, nyenye mukumuleka Nguluvi kisatu yeavakemele kwa usanzi va Kilisito na mufwata njowo nofu cha udesi.7Ila kuhela, “Njowo nofu cha udesi,” Undakyene ndi kuva kugehe na vanu vevakuvahanganya nyenye, kangi avo vasaka kusedusa Njowo nofu cha Kilisito.8Ila kwa nefwe awu ndumindumi yeahumile kuluhano ikwacha na kuvadalikila njowo nofu yingi, sechiwana na Njowo nofu chetuvadalikile nefwe, munu uyo akatoliwe!9Ngita petulongile daha, nondee ndilonga kangi, ngita munu yeyonda akuvadalikila njowo nofu yingi, yeseiwana na yila yemuwanuke suwe, munu uyo akotoliwe!10Wuli, mwihocha pendilonga makani aga ndisaka kuvakelesa vanu? Se ndakyene, ila ndikela kumkelesa Nguluvi na sekuvakelesa vanu. Ngita ndikali kugecha kuvakelesa vanu, senganivechile ng'odo mnyigendwa va Kilisito.11Lukolo vangu, mwing'ang'wa kuchela kuva Njowo nofu yendivadalikile nene seikahumile kwa vanu.12Nene sendiwanuke kwa munu ng'odo, vala sendiwulanichwe na munu. Yesu Kilisito mwene nde yeandigubutuliye nene.13Nyenye mupulike suwe pendikali ndikwikala na kuihecha hilo mung'asi lya kumfunya Nguluvi lya Kiyawudi, pendigudise lipinga lya vanu vevamudikiye Kilisito na kusaka kulihananga.14Ndikachidikile unofu malagilicho ga Vayawudi kuchumba Vayawudi vayangu veviwana na nene, kwakuva ndikali ndigangamala kuchikolela mawulanicho ga vagogolo vetu.15Ila kwa usanzi va Nguluvi, akanihagule pendave kubabwa, anikemelie ndimkumbanikile,16Nguluvi akamuwonesa Mwana vake kwa nene, neke ndiwese kudalika Njowo nofu chake kwa vanu se Vayawudi. Nguluvi peandihaguwe nene kugita ndeni, nene sendikalongiye munu yoyonda lukani ulo,17vala sendikahele ku Yelusalemu kuvalolela vala vevakali va kwanja kuvecha vanjagila, ila ndikahele tandi ku Alabuni, pambele ndikawuyile ku Damesiki.18Baho, pegichumbile miyaka gidatu ndikahele ku Yelusalemu kutang'ana na Peteli, ndikakalile kwa mwene figono kyumi na gihano.19Ukoya sendikamwene mnjagila yungi ila Yakobo, lukolo va Mtwa Yesu.20Nguluvi ichela sendilonga udesi na gendikuvasimbiliya ndi undakyene.21Pambele ndikahele pono cha Silia na Kilikia.22Muchipindi chila nene mwene ndikali sendichelwa kwa lipinga lya vanu vevamudikiye Kilisito ukoya ku Yudea.23Chevakali vichela ndi chila njowo hela chevakali vipulika, “Munu yula yeikali akutugudisa pamwandi, nondee akuvadalikila vanu ludikilo lula lula lweakali igecha kuihananga.”24Suwe, navo vakamnjuma Nguluvi kwakuva lya nene.
The Word for the World International