Vaefesu4
1Suwe, nene ndi ndigehe mukiwopo kwakuva lya kumkumbanikila Mtwa ndikuvasuka hilo mveche na kyanda yeiwana na kwikala kwa nyenye.2Chipindi chonda muveche vakwikwisa na vasosovafu na kwa kuhongechana kwa lukelo.3Mwigangamiche kuvika umwi veukwacha na Muhe va Nguluvi kwa kwikala pamwi kwa lutengamaso.4Nefwe vonda tuwungine ngita fiwungo fya muvili umwi, kangi tugehe na Muhe va Nguluvi yumwi. Ndeni, Nguluvi akatukemeliye na kutuvikila luhuvililo umwi va lukemelo vetu.5Agehe Mtwa yumwi, ludikilo lumwi na ubatiso umwi.6Agehe Nguluvi yumwi na Daada va vonda, yeitavala vanu vonda na yeigita kasi mugati lya vanu vonda na akwikala mugati lya vonda.7Ila kila yumwi vetu agavilwe fupo lya Kilisito, kila yumwi akagavilwe ngita peikela yumwene Kilisito kuvagavila.8Ngita masimbo ga Nguluvi pegilonga, “Peakang'ie kuelela kuluhano kukyanya hilo, akavanyamula vawopwa volofu, akavagavila vanu vake fupo.”9Suwe, peilongwa kuva “Peakakang'ie kukyanya ukoya kuluhano,” Ndi liki? Ndi endena pamwandi akaikile mbaka panyi muinyi.10Suwe, uyo yeakaikile baha muinyi nde yeakakang'ie kuluhano neke aveche kila pono lya inyi.11Mwene nde yeavagavile vanu fupo, akavagitile vangi kuvecha vanjagila na vangi vavichi na vangi vaveche vadalika Njowo Nofu na vangi vakwamila va vanu na vawulanichi.12Avahaguwe neke vavatange vanu vonda va Nguluvi vavese kugita kasi lyake, neke vanu vevakumdikiya Kilisito veveche vakangafu ngita peugehe mvili va Kilisito yani lipinga lya vanu lyelikumdikila Kilisito,13likani ulo likwendelela mbaka nefwe vonda petuvecha pamwi mukudikila kwetu na mukumchela Mwana va Nguluvi tuvecha vanu vevakangiye na tuvecha ngita Kilisito mwene peagehe.14Ndena setuvecha kangi ngita fyali, petutagwa kuno na kuno na kunyamulwa na kila lukala lwa mawulanicho givilonga vanu vadesi, neke vavachange vangi kwa udesi.15Ila petulongelana undakyene kwa lukelo na kukula mumakani gyonda, ata tumfikile mwene yeagehe kilongochi vetu mwene nde Kilisito.16Panyi lya ulongochi vake fiwungo fyonda fya mivili fivecha pamwi na mivili gyonda ugelanichwa kwa lutango lwa kila kiwungo. Muvili vonda ukula na kwigelanicha mulukelo, chipindi kila kiwungo pekigita kasi lyake.17Suwe, kwa litawa lya Mtwa, ndikuvalakilila mbihile kwikala kangi ngita vanu sevakumchela Nguluvi, mawocho gyao gavechile upufi ng'ani,18vanu avo luhala chawo chigehe mukisi. Vagehe kutali na uwumi va Nguluvi kwakuva lya upufi veugehe munumbula chao.19Vanu avo vihela nyoni kangi na pevigita magito gya unjanganifu na vikwendelela kugita makani mawofu neke kwikelesa vavene.20Ila pemwiwulaniche makani gya Kilisito semkayiwulaniche kugita makani ngita ago.21Ndakyene kuva mukapulike unofu njowo chake, kuno mkali vachulila va Yesu, mukawulanichwe undakyene peugehe mu Yesu.22Suwe, mwileke kwikala ngita pamwandi, ula umunu venu va pamwandi veukali uhanangwa kwa ludobokelo lwake lwa kuchanga.23Suwe, mung'ang'wa kugitwa umiya munumbula chenu na mumahocho gyenu,24muveche na uwumi umiya ngita ndeni Nguluvi peavawumbile muwanane na mwene, pemugita makani gegakumkelesa Nguluvi ngajila nogwa.25Kwa ndena muuleke udesi. Kila yumwi ing'angw'a kumlongela mweyage undakwene, kwakuva kila yumwi vetu nde kiwungo kya mvili va Kilisito.26Ngita mkivipa, mbihile kwidikila luvipo lwenu ivagite mugite sambi na mbihile kwikala na luvipo kigono kyonda.27Mbihile kumgavile fwasi Setani avawese.28Yeakali ihicha, abihile kuhicha kangi ila avange kugita kasi nofu, neke aveche na kinu kya kumtanga munu muhangala.29Njowo njanganifu chibihile kupulikika kangi mugati lyenu. Kila chipindi machowo gyenu gaveche manofu gegakuvatanga vangi, na gyegikuvagelanicha vala vevikuvapulika venu.30Mbihile kumgita Muhe va Nguluvi avipe, kwakuva mwene ndi gumba lya Nguluvi kwa nyenye. Yeiwonesha kuva nyenye nde vanu va Nguluvi mbaka kigono kila kya Nguluvi dapeakutukombola.31Suwe, muleke uvavi munumbula chenu na mubilile kulonga kwa kuvipa na mubihile kulonga kyokyonda kyekikuvalemacha vangi. Mbihile kugita kyokyonda kinjanganifu.32Muveche vasanzi na mwiwonele lusungu. Kila yumwi na amulekelele mweyage ngita Nguluvi peakuvalekelela nyenye kuchumbila Kilisito.
The Word for the World International