2 Vatesalonike3
1Nondee, vakolo, mutulumbile kwa Nguluvi neke unanzi va Mtwa ugine kulutala kisatu na kuwanukwa kwa uginyage ngita fila peigehe pagati penu,2neke Nguluvi atulowe na vanu vahofu na vanjanganifu, kwakuva se vonda vevidikila unanzi ugu.3Ila Mtwa idikilwa na dakuvakangamalicha na kuvadima unofu na yula munu muhofu.4Na nefwe tukumuhuvila Mtwa kwa njowo chemuchigita na damwiendelela kugita gala gyetuvalongiye.5Mtwa achilongoche numbula chenu mu lukelo va Nguluvi na luhuvililo veuhuma kwa Kilisito.6Vakolo vetu, tukuvalagilicha kwa litawa lya Mtwa vetu Yesu Kilisito, muyinenge na vakolo vonda yevavali vagata na sevagita malagilicho getuvagavile.7Mwavene mwichela kuva mung'ang'wa kugita ngita nefwe. Kwakuva petugehe na nyenye setukali vagata,8se tukaliye kyakuliya kwa munu yeyonda bila kumuhomba. Tukagitle kasi kwa kugangamala na kugudika pamunyi na pamiye neke tubihile kuva mchigo kwa munu yeyonda pagati penu.9Tukagitile kasi se kwakuva tulema kutangwa na nyenye, ila tung'ang'a mugite ngita nefwe petugitile.10Petugehe pamwi na nyenye tukali tukuvalongiye, “Munu yeyonda yeilema kugita kasi na abihile kuliya kyakuliya.”11Tulonga njowo ichi kwakuva tupulike kuva pagati penu vagehe vagata na sevagita kyokyonda, ila vene ndwangamlomo hela.12Kwa litawa lya Mtwa vetu Yesu Kilisito tukuvaswitilicha na kuvayakilila vanu avo valeke kundwangamlomo na vagite kasi neke vapatile kyakuliya kyao.13Ila nyenye vakolo vetu, mbihile kufwahila kugita manofu.14Ngita kugehe na munu seidikila malagilicho gyetu gegagehe mubalua iyi, mumlolele hilo munu uyo. Mbihile kugita kasi pamwi na mwene, neke awone nyoni.15Mbihile kumlola munu uyo ngita mchwindama, ila mumlakilile ngita mkolo venu.16Mtwa mwene ndi uvangilo va lutengamaso, avagavile lutengamaso figono fyonda kwa kila namuna yoyonda. Mtwa aveche na nyenye vonda.17Kwa liwoko lyangu yune, ndisimba endee, luhungilo kuhuma kwa Paulo! Iyi ndi saini lyangu kila pendisimba baluwa.18Tukuvang'ang'ila vonda usangi va Mtwa vetu Yesu Kilisito.
The Word for the World International