2 Vakolindo6
1Nefwe tukigita kasi pamwi na Nguluvi, tukuvasuka hilo usanzi va Nguluvi vemuuwanuke ubihile kuyaga hela.2Nguluvi ilonga ndena mumasimbo gyake, “Muchipindi chechitakilwa ndikakupulike, mukigono kya ulowolwa ndikavatangile. Sewe, nondee ndi chipindi chene nde neng'uli ndi kigono kya kukombolilwa!3Nondee tubihile kugita lolonda lyeligehe ngingamo kwa vangi, neke uchulila vetu ubihile kulongwa uwofu.4Pambele lyake, tung'ang'wa kwiwonesa kuva ndakyene nefwe ndi vandumindumi va Nguluvi kwa kuhuvilila utatala na magudo na utumama.5Tukatovilwe, tukawopilwe mukiwopo na tukayovelechwe kwa vanu na tukagitile kasi ngajila kutulula na kwikala ngajila kuliya.6Kangi tukayiwonesa kuva nefwe ndi ndumindumi va Nguluvi kwa kukala kwa kumkelesa Nguluvi, kwa numbula nofu na luchelo na kwa luhuvililo na usanzi, kwakulongochwa na Muhe va Nguluvi na kwa lukelo va undakyene,7na kwa unanzi va undakyene vetukuulanducha na kugita gala gye gya kumkelesa Nguluvi. Undakyene ndi kyalukilo yeitumila kutovanila na kwidima.8Tuginywa na kubedwa, tuligwa na kunjumwa. Tuwoneka kuva vadesi ila tulonga undakyene,9ngita vanu setuchelanike, ila kuno tuchelanika na vanu vonda, ngita vanu vefafuwe ila tugehe wumi. Tukatovilwe ila setukafuwe.10Tukivecha ngita vanu vevagehe na uswingwimo ila figono fyonda tukeduka, ngita vanu vahangala ila tukuvagavila umosi vanu volofu, ata ngita tuwoneka tuhela kinu ila tuwoneka tugehe na kila kinu.11Vakolo vangu va Kolindo! Tukavalongile wachi wachi na tukuvawonesa tukavakela hilo.12Ila nefwe setulekile kuvakela nyenye, ila nyenye mulekile kutukela nefwe.13Nondee ndilonga na nyenye ngita fila vana vangu. Muveche na lukelo lukomi ngita nefwe petugehe.”14Mubihile kwiwunga na vanu sevamudikiye Nguluvi. Wuli, usanzi na uwofu fiwana? Welu na kisi fiwesa kwikala pamwi?15Kilisito iwesa wuli kunjengakaya na Setani? Nondee, iwesekana wuli munu yeamudikiye Kilisito na munu yeseamudikiye Kilisito kuvecha vaganja?16Kaye lya Nguluvi iwesa wulikuvecha kinu kimwi na ling'omong'omo cha udesi? Kwakuva nefwe ndi kaye lya Nguluvi yeagehe wumi. Ngita Nguluvi yumwene pealongile, “Dandikala navo, na kugenda pamwi navo. Dandivecha Nguluvi vawo, navo davavecha vanu vangu.”17Nondee, Mtwa ilonga, “Muhege pagati lyenu, mukayinenge navo, mubihile kukolela finu sefiidikilwa mukumfunya Nguluvi, nene dandikuvawanuka.18Nene dandivecha Daada venu. Na nyenye damuvecha vana vangu vakigosi kwa vakidala. Ndi nene Mtwa Nguluvi, Mwene ludali chonda yendilonga.”
The Word for the World International