2 Vakolindo2
1Ndeni, ndilamuwe sendikuvagendeliye kangi neke ndibihile kuvaswingwimika.2Kwakuva ndikivaswigwimicha nyenye, ndi ani daakunikedusa? Nyenye vanu yendivaswigwime.3Nde kwakuva ndivasimbiliye baluwa iyi, neke pendikwacha kwa nyenye ndibihile kuswigwima na vanu vala vala vevang'ang'ilwe kunikedusa. Ndichela kuva nene ndikikeduka na nyenye ndeni ndeni mwikeduka.4Mubaluwa yila, ndikavasimbiliye ndikiva na uswingwimo kuno nding'ung'ula na kuvemba, sending'ang'ile kuvaswigwimicha, ila kuvawonesa kuva ndikuvakela hilo.5Ngita kuna munu amswigwimiche muyage, seakuniswigwimicha nene hela, ila akuvaswigwimicha nyenye vonda, nene ndilema kuvecha mng'ali hilo.6Lihigo yeahigilwe munu uyo na vanu volofu, imkwiliye.7Kyekisigaliye nondee, mumuwonele lusungu nongwa chake na kumgangamicha neke abihile kuswigwima hilo na kutwinyika ludoboko.8Ndeni ndikuvasuka hilo, muwonese kuva mukumkela.9Ndikavasimbiliye baluwa yila, kwakuva ndikasakile kuchela kuva mukunipulikicha mukila kinu kyendilonga.10Pemumuwonela lusungu munu yoyonda nongwa chake, ndeni ndeni nene ndikumuwonela lusungu nongwa chake, kwakuva pendikimuwonela lusungu munu nongwa chake, ngita ndakyene kugehe na kyokyonda kya kuwonela lusungu, ndikumuwonela lusungu pautalo lya Kilisito kwakuva lyenu,11neke tubihile kumuleka Setani atuchange, kwakuva twichela kyeakela kugita.12Pendifikile mumwani va Tiloa kuvadalikila vanu Njowo Nofu cha Kilisito, Mtwa akavagitile vanu vewese kunipulikicha.13Ila ndikali ndihela lutengamaso, kwakuva sendikamwene mkolo vangu Tito. Ndeni ndikavalagile vanu ndikahele ku Makedoniya.14Ila tukumuhongecha Nguluvi yeakutugita twilongochane kwa usindi tukivecha twiwungane na Kilisito. Mwene akutugita tudalika njowo cha kumchela Kilisito ngita manung'ililo manofu gegilutala kila pono.15Kwakuva nefwe ndi ngita manung'ililo manofu ga ubani ambago Kilisito akumuhechela Nguluvi, manung'ililo manofu yikuvafikila vonda, kwa vala vevilowolwa na kwa vala veviyaga.16Kwa vala veviyaga, nefwe ndi manung'ililo ginung'a gyegiletela kufua, ila kwa vala vevilowolwa, nefwe ndi manung'ililo manofu gyegiletela uwumi. Nde ani yeing'ang'wa kugita kasi iyi?17Nefwe sengita vanu vangi vevigitile Njowo Nofu lya Nguluvi ngita kinu kyakuguchwa, nefwe kwa kwiwunga na Kilisito, tulonga undakyene pautalo lwa Nguluvi, ngita vanu yetulagichwe na Nguluvi.
The Word for the World International