2 Vakolindo11
1Ndikeliye ngita ngamundihuvilile ludodo, ata ngita nene ndilonga upufi! Nondee, munihuvilile ludodo.2Ndikuvawonela wifu, ila wifu va Nguluvi, kwakuva nyenye ndi ngita mkigoli yeahechiliwe njachika kwa mgosi yumwi hela nde Kilisito.3Ila ndiwogofya kuva ngita liyoka peamchangile Eva kwa uwofu vake, nyenye damchanga na kuleka kumkela Kilisito kwa numbula chenu chechigehe nofu.4Kwakuva munu yeyonda yeikwacha kwa nyenye na kuvadalikila unanzi va Kilisito seuwanile na wula tukavadalikile nefwe, nyenye mukamuwanuke kwa mawoko mavili awu mukaidikiye Muhe yungi, baho mukawanuke unanzi wungi na se Njowo Nofu yetukavadalikile.5Sendihocha kuva nene ndi mdodo kuchumba avo veviyikemela, “Vanjagila vakomi.”6Pangi nene sendiwesa kulonga unofu, ila luchelo ndi nalyo, lukani ulu tuligitile lichelwe kwa nyenye kila pono na figono fyonda.7Nene ndikavadalikile Njowo Nofu cha Nguluvi ngajila kusuka mahombo, ndikayikwise neke ndipatile kuvakang'icha nyenye. Wuli, ndikagitile nongwa?8Pendikagitile kasi pagati lyenu, finu fyolofu ndikagavile na mapinga gangi gya vanu vevamwidikiye Kilisito, kwa kugita ndeni ndi ngita fila ndivanyagile finu fyawo neke ndipatile kuvagundamikila nyenye.9Nene pendikali na nyenye, pendipwemwike na kinu chochonde, sendikasakile kuvagavila utumama, kwakuva vakolo vevahumile ku Makadoniya vakandigawiye kila kinu. Ndeni sendikasakile kuvasuka kinu kyokyonda, ata nondee ndigita ndeni.10Ngita ndeni undakyene va Kilisito veugehe mugati lyangu, kwihela munu yeyonda muinyi lya Akaya yeiwesa kunikanila kwidumbila lukani ulu.11Ndilonga ndeni sekwakuva sendikuvakela? Hamu, Nguluvi yumwene ichela kuva nene ndikuvakela hilo!12Dandikwendela kugita ndena ngita pendigita nondee, neke vanjagila vala veviyikemela vakomi vabihile kwidumba kuva vigita kasi ngita nefwe.13Vanu ava ndi vanjagila va udesi, vigita kasi lya kuvachanga vanu, vakwigita vene kuva vanjagila va Kilisito.14Mubihile kududuva, ata Setani yumwene iwesa kwiyigita ngita ndumindumi va welu!15Kwa ndeni, selukani lwa kududuva, ngita vandumindumi va Setani vakwigita vene kuva vandumindumi vasanzi kwa Nguluvi, ila umalilo vawo daviwanuka mahombo gyawo ngita pevagitile kasi.16Ndilonga kangi, munu yeyonda abihile kuhocha kuva nene ndi mpufi, Ila ata ngita mukichela ndeni muniwanuke ngita mpufi neke na nene ndipatile kwinjuma ata ngita kwa ludodo.17Kyendilonga nondee sekila kyealagiliche Mtwa ndikilonge, ila kutigila lukani ulu lwa kwidumba nene ndilonga ngita mpufi.18Kwakuva vanu volofu vakwidumba ngita vanu va muinyi iyi na nene ndeni ndikwidumba.19Nyenye mukwilola mugehe na luhala, nde kwakuva mukuvahuvilila vanu vapufi.20Mukumuhuvilila ata munu yeakuvagita nyenye vasutu, munu yeakuvaichila na kuvanyaga finu fyenu, kangi akwinjuma na kuvabeda na yeakuvatova mumeho!21Tuwona nyoni kulonga kuva nefwe tuvasosovafu kugita ndeni.
Ngita vene vawesile kwidumba ata nene nganiwesile kwidumba ila ndilola ndi upufi hela.22Ngita vene ndi Vaibulaniya? Na nene ndeni ndeni Muibulania. Ngita vene ndi Vaisilaeli? Na nene ndeni ndeni ndi Muisilaeli. Ngita vene ndi ulelo va Ibulahimu? Na nene ndeni ndeni ndihuma muulelo va Ibulahimu.23Wuli, vene ndi vandumindumi va Kilisito? Na nene ndilonga ngita munya lukwale, nene ndi mnyigendwa mnofu va Kilisito kuchumba vene. Nene ndigita kasi ng'angafu kuchumba vene, nene ndikawopilwe mukiwopo mala chongofu na nditovilwe mala chongofu na ndikali pepi kufuwa mala chongofu.24Mala chihano ndikatovilwe ndomondo kyumi chidatu na nyigonza na Vayawudi.25Ndikatovilwe ndomondo mala chidatu na Valoma na ndikatovilwe maganga mala yimwi neke vanidocha na mala chidatu ndikadenyekiwe na wato muinyanza na ukoya ndikakalile meho muinyanza lumiye lyonda na kuhuwa pamuyi lyonda.26Mulugendo lwangu, ndikali pepi kufuwa kwa kusung'wa na malenga ga ulava, ndikali pepe kufuwa na vang'oko na ndikalipepi kufuwa kuhumila na lukolo vangu Vayawudi kuhumilana na kumdikila Kilisito na ndikali pepi kufuwa mumwani vangu na ndikali pepi kufuwa lya mudasi na ndikali pepi kufuwa muinyanza na ndikali pepi kufuwa kwa kugudiswa na vakolo va udesi.27Ndikagitile kasi ng'angafu na kugudika na ndikakalile ngajila kugona mala cholofu na ndikakali na njala na ng'elu mala chongofu, mala chongofu ndiyimile kuliya, mala cholofu ndikakalile mung'ala na sendikali na myenda gya kwigubika mung'ala.28Pamwi na ago gyonda, kila kigono ndihocha pakyanya lya mapinga gyonda gya vanu vevamudikiye Kilisito.29Ngita munu yeyonda ndi musosovafu, nene ndeni ndeni ndivecha musosovafu, ngita munu yoyonda akumgita sambi na nene ndeni ndeni ndivipa.30Ngita ndikwidumba, suwe, ndikwidumbila gala makani gegiwonesa usosovafu vangu.31Nguluvi Daada va Mtwa Yesu, anjumwe mbepali, mwene ichela kyendilonga, sendilonga udesi.32Pendikali ku Damasiko, mukomi va mwani yeakali panyi lya ng'achale Alete, akavikile vadima mumilyangilo gya mwani, neke andibate.33Ila ndikavikilwe mugati lya kindilu kikomi, ndikakwisilwe kuchumbila fwasi weukali mulukanji, ndikatolwike kuhuma kwa mwene.
Ngita vene vawesile kwidumba ata nene nganiwesile kwidumba ila ndilola ndi upufi hela.22Ngita vene ndi Vaibulaniya? Na nene ndeni ndeni Muibulania. Ngita vene ndi Vaisilaeli? Na nene ndeni ndeni ndi Muisilaeli. Ngita vene ndi ulelo va Ibulahimu? Na nene ndeni ndeni ndihuma muulelo va Ibulahimu.23Wuli, vene ndi vandumindumi va Kilisito? Na nene ndilonga ngita munya lukwale, nene ndi mnyigendwa mnofu va Kilisito kuchumba vene. Nene ndigita kasi ng'angafu kuchumba vene, nene ndikawopilwe mukiwopo mala chongofu na nditovilwe mala chongofu na ndikali pepi kufuwa mala chongofu.24Mala chihano ndikatovilwe ndomondo kyumi chidatu na nyigonza na Vayawudi.25Ndikatovilwe ndomondo mala chidatu na Valoma na ndikatovilwe maganga mala yimwi neke vanidocha na mala chidatu ndikadenyekiwe na wato muinyanza na ukoya ndikakalile meho muinyanza lumiye lyonda na kuhuwa pamuyi lyonda.26Mulugendo lwangu, ndikali pepi kufuwa kwa kusung'wa na malenga ga ulava, ndikali pepe kufuwa na vang'oko na ndikalipepi kufuwa kuhumila na lukolo vangu Vayawudi kuhumilana na kumdikila Kilisito na ndikali pepi kufuwa mumwani vangu na ndikali pepi kufuwa lya mudasi na ndikali pepi kufuwa muinyanza na ndikali pepi kufuwa kwa kugudiswa na vakolo va udesi.27Ndikagitile kasi ng'angafu na kugudika na ndikakalile ngajila kugona mala cholofu na ndikakali na njala na ng'elu mala chongofu, mala chongofu ndiyimile kuliya, mala cholofu ndikakalile mung'ala na sendikali na myenda gya kwigubika mung'ala.28Pamwi na ago gyonda, kila kigono ndihocha pakyanya lya mapinga gyonda gya vanu vevamudikiye Kilisito.29Ngita munu yeyonda ndi musosovafu, nene ndeni ndeni ndivecha musosovafu, ngita munu yoyonda akumgita sambi na nene ndeni ndeni ndivipa.30Ngita ndikwidumba, suwe, ndikwidumbila gala makani gegiwonesa usosovafu vangu.31Nguluvi Daada va Mtwa Yesu, anjumwe mbepali, mwene ichela kyendilonga, sendilonga udesi.32Pendikali ku Damasiko, mukomi va mwani yeakali panyi lya ng'achale Alete, akavikile vadima mumilyangilo gya mwani, neke andibate.33Ila ndikavikilwe mugati lya kindilu kikomi, ndikakwisilwe kuchumbila fwasi weukali mulukanji, ndikatolwike kuhuma kwa mwene.
The Word for the World International