1Timotewo3
1Luchowo ulu nde lwa undakyene, mvaha va lipinga lya vanu va Nguluvi vevamwidikiye Kilisito, nde munu yeigumbanikila makani gya vanu, ikela kasi nofu.2Suwe, kilongochi va lipinga lya vanu va Nguluvi vevamwidikiye Kilisito, ing'ang'wa kuvecha munu yeihela nongwa na vanu, ing'ang'wa aveche na mdala yumwi na aveche na kigelo na munya uginyange na munu va kuvawanuka vanu pakaye lyake na yeiwesa kuwulanicha,3abihile kuvecha munyuwa ugimbi vala munu va ndewo, ila aveche mfokomasi, yeikela lutengamaso, abihile kuvesa munu yeikela sendi,4ing'ang'wa kuvecha munu yeilongocha unofu kaye lyake na kuvagita vana vake vawe vakumuidikila kwa uginyange vonda.5Kwakuva ngita munu se iwesa kulongocha unofu kaye lyake iwesa wuli kulongocha lipinga lya vanu va Nguluvi vevamwidikiye Kilisito?6Abihile kuva munu yeamuidikile Nguluvi pepi, iyi iwesa kumgita aveche na kidada. Baho iwesa kuhigwa nongwa kwa kidada kyake ngita peahigilwe Setani.7Ing'ang'wa aveche munya njuma nofu pagati pa vanu vesevamwidikie Kilisito, neke vabihile kung'ong'olikiwa na kubedwa na kugomela mu litego lya Setani.8Vatanga mulipinga lya vanu va Nguluvi vevamwidikiye Kilisito ving'ang'wa kuvecha vevigita makani ganofu, vabihile kuvecha vafyangu vabihile kuvecha vanu vevinyuwa ugimbi hilo awu vene kudoboka sendi,9Ving'ang'wa kugita kwa undakyene magito gya Nguluvi.10Ving'ang'wa vagechwe tandi, ngita dahaviwoneka vagehe na udikilo, suwe iwesa kuva kilongochi va lipinga lya vanu vevamuidikiye Kilisito.11Vadala vawo ving'ang'wa kuvecha na uginyange, vabihile kuvaheha vanu, vaveche na kigelo na vadikilwe kwa makani gyawo gyonda.12Mtanga mulipinga lya vanu va Nguluvi vevakumuidikila Kilisito ing'ang'wa aveche na mdala yumwi, yeivesa kuilongocha unofu kaye lyake.13Kwakuva vatanga vevigita kasi chao unofu, vakwipatila njuma nofu na viwesa kulonga bila wogofi pakyanya lya udikilo lyao kwa Kilisto Yesu.14Ndikusimbiliya baluwa iyi, ndikiva na luhuvilo lwa samba kwacha kwa veve.15Ila ngita ndikichelevechwa, suwe, baluwa iyi ikulongela njowo cheching'ang'wa kwikala mukaye lya Nguluvi yeagehe wumi na nde lipinga lya vanu va Nguluvi vevamwidikiye Kilisito, lyene nde lisimbili na msingi va undakyene.16Kwa undakyene lupwepo lwa makani gya Nguluvi nde makomi hilo. Akawonekine ngita munu, akachelichwe na Muhe va Nguluvi kuva nde va undakyene, akawonike na ndumindumi va Nguluvi. Kadalikwa kwa vanu va inyi yonda, akadikilwa na vanu vonda, akawanukwe muukomi va Nguluvi.
The Word for the World International