1 Vakolindo16
1Nondee, kutigila kuvagavila sendi vanu va Nguluvi vevagehe ku Yelusalemu, mugite ngita pendivalagiliche lipinga lya vanu vevamudikiye Kilisito va ukoya ku Galatia.2Kila kigono kya kutulula kila yumwi avike pono lya sendi chake cheapatile, neke pendikwacha kubihile kulundaswa kangi sendi.3Pendikwacha kwa nyenye ndikuvalagicha vala dandikuvahagula mugati lyenu vasindike baluwa na fupo chenu mumwani va ku Yelusalemu.4Ngita daing'ang'wa na nene kuhelela na nyenye ukoya, datwihelela pamwi.5Pendivecha ndihelela ku Makedoniya, dandichumbila kwa nyenye kwakuva ndisaka kuhelela ku Mekodoniya.6Pendikwacha dandikala kwa nyeye kwa chipindi kidodo, chipindi chonda cha ng'ala, neke muwese kunitanga kuendelela na lugendo lwangu poponda pendihelela.7Sendikela kuchumba kwa nyenye kisatu na kwendelela na lugendo, ngita Mtwa daikela, ndihuvilala kukala kwa nyenye kwa chipindi chidodo.8Ila kwa chipini ichi, dandisigala baha mumwani va Ifeso, mbaka pekikwacha kigono kya Pendikosite.9Kwakuva Nguluvi anigavile chipindi chinofu va kugita kasi ngomi, mumwani ugu, ata ngita vagehe vanu volofu vevakunipinja.10Ila Timotewo peikwacha kwa nyenye, mumuwanuke unofu neke abihile kuvecha na uwogofi, kwakuva mwene igita kasi lya Mtwa ngita pendigita nene.11Nondee, munu yeyonda abihile kumbeda, ila mumtange ayendelele na lugendo vake kwa lutengamaso, neke ache kwa nene, kwakuva nene na vadikila vangi tukumchindila.12Kutigila lukolo lwetu Apolo, ndimusukile hilo ache kwa nyenye pamwi na vadikila vangi, ila seikela kwacha nondee, ila daikwacha pala peipatila fwasi.13Mwilolele na mugangamale muludikilo lwenu na muveche vakakatima na vene ludali.14Makani genu gyonda mugagite mulukelo.15Vakolo vangu, mwichela kuva Setefani na vanu va kaye lyake, vawo ndi vanu va kwanja kumudikila Yesu Kilisito, mumwani va Akaya, navo vayihechile kuvatanga vanu vevamudikiye Kilisito. Nondee, ndikuvasuka hilo,16muvapulikiche hilo vanu ngita avo na vangi vonda vevigita kasi iyi pamwi na vene.17Ndikeduka hilo kuva Setefani na Fotinato pamwi na Akaiko pevafikile, kwakuva ava vanigavile gala gendipwemuke kwakuva lya nyenye semukali baha.18Kwakuva vandikedusile numbula lyangu na numbula chenu ndeni. Ndeni, vanu ngita ava ving'ang'wa kuginywa.19Mipinga ga vanu vevamudikile Kilisito muinyi va Asia vakuvahungila. Akula na Pilisika, pamwi na vadikila va Kilisito, lyelitang'ana mukaye lyao, vakuvahungila mulitawa lya Mtwa.20Kangi, vakolo vonda vevagehe baha vakuvahungila.
Mwihungile mwavene kuwonesa lukelo lwenu kwa Yesu Kilisito.21Nene Pauli ndisimbile baluwa iyi kwa liwoko lwangu mwene, ndikuvahungila.22Munu yeyonda yeseakumkela Mtwa na akotolwe. Mtwa vetu, wache!23Ndikumsuka Mtwa vetu Yesu avagavile usanzi vake.24Ndikuvakela nyenye vonda yemumdikiye Yesu Kilisito.
Mwihungile mwavene kuwonesa lukelo lwenu kwa Yesu Kilisito.21Nene Pauli ndisimbile baluwa iyi kwa liwoko lwangu mwene, ndikuvahungila.22Munu yeyonda yeseakumkela Mtwa na akotolwe. Mtwa vetu, wache!23Ndikumsuka Mtwa vetu Yesu avagavile usanzi vake.24Ndikuvakela nyenye vonda yemumdikiye Yesu Kilisito.
The Word for the World International