1 Vakolindo14
1Mugangamale muveche na lukelo. Ndeni ndeni mwigangamale kuvecha na fupo fingi cha Muhe va Nguluvi. Hilo fupo lya kulandula unanzi va Nguluvi.2Munya kulonga ng'ombelo lya ugenji seilonga na munu, ila ilonga na Nguluvi kwakuva kuhela munu yeichela. Mwene, ilonga kwa ludali lwa Muhe va Nguluvi finu fyefifyahamile.3Ila munya fupo lya kulandula unanzi va Nguluvi, ilonga na vanu njowo cha kuvagangacha muludikilo na kuvakolela mawoko.4Munya kulonga ng'ombelo lya ugenji akwikangamacha yumwene. Ila munya kulanducha unanzi va Nguluvi, akulikangamicha lipinga lya vanu vevamudikiye Kilisito.5Suwe, na nene ndikela nyenye vonda mulonge kwa ng'ombelo lya ugenji, ila ngandikeliye hilo nyenye mulanduche unanzi va Nguluvi. Kwakuva munu yeilanducha unanzi va Nguluvi ndi ngiba hilo kuchumba yula munya kulonga ng'ombelo cha ugenji, ila ngakoyuli munu yeiwesa kuganula gala makani gyegilongwa, neke lipinga lya vanu vevamudikiye Kilisito vawese kutangwa na kugangamala muludikilo.6Nondee, vakolo vangu ngita ndikwacha kwa nyenye na kulonga kwa ng'ombelo lya ugenji, wuli, ikuvatanga liki? Daseikuvatanga kyokyonda. Ila ngandikuvalongela gala Nguluvi anigubutuliye neke mugachele na kuvawulanicha luchowo lwa Nguluvi, baho dandivecha ndivatangile.7Nde peigehe mufinu fyefihela uwumi pefihumicha lichwi ngita fila mululi awu ligombo. Munu daichela wuli lusambo lweutovwa ngita finu ifyo sevihumicha lichwi ngita peing'ang'wa.8Ngita lingalapi pelivemba ngajila kulonga lichwi lyake selichelwa unofu, ani daakwivika unofu kwa fita?9Ngita mwilonga njowo sechichelwa nde ani daichela chechilongwa?10Chigehe ng'ombelo cholofu muinyi, kwihela ata imwi yeseihela mana.11Ila nene ngita sendichela ng'ombelo yeiywanga munu tunga, nene nde mgenji kwa mwene na mwene nde mgenji kwa nene.12Ndeni ndeni na nyenye mugehe na ng'elu lya kwanuka fupo lya Muhe va Nguluvi, mwigangamale hilo kwipatila fupo lwa Muhe fyefitanga kulichenga lipinga lya vanu vevamudikiye Kilisito.13Kwakuva munya kulonga ng'ombelo lya ugenji amusuke Nguluvi neke aveche kuganula kila kyeilonga.14Kwakuva pendisuka kwa Nguluvi kwa ng'ombelo lya ugenji muhe va nene nde usuka kwa Nguluvi, ila luhala lwangu selugita kinu kyokyonda.15Nondee ndigite liki? Dandifunya kwa muhe va nene na kangi dandifunya kwa luhala lwangu, dandisomola kwa muhe vangu na kangi dandisomola kwa luhala lwangu.16Ngita ukumjuma Nguluvi kwa muhe hela, munu yungi yeseichela ng'ombelo yeuywanga, ivesa wuli kulonga, “Ena” ngita seichela kyeulonga?17Lusuko lwako lwa kumuhongecha Nguluvi ivesa ndakyene hilo, ila uyo yungi daseikumtanga kinu muludikilo.18Ndukumuhongecha Nguluvi kuva nene ndilonga kwa ng'ombelo miya kuchumba nyevonda.19Ila mulipinga lya vanu vevamudikiye Kilisito ndikela hilo kulonga makani mahanu kwa luhala lwangu, neke ndivawulaniche na vangi kuliko kulonga makani elufu kyumi gya ng'ombelo cha ugenji.20Vakolo vangu, mubihile kuhocha ngita fyali, ila muveche muhocha ngita vanu vakomi, ila munjow cha sambi muveche ngita fyali.21Mumasimbo ga Nguluvi isimbilwe, “Dandilonga na vanu ava kuchumbila vagenji vautali, vevilonga ng'ombelo lya ugenji, ata ndeni dasevakundipulikicha.”22Suwe, fupo lya kulonga ng'ombelo lya ugenji sekimanyilo kya vanu vevamudikiye Kilisito, ila kwa vala vanu sevamudikiye Kilisito. Ila fupo lya umwimike va kupulika na kulonga unanzi va Nguluvi ndi kwa vala vanu vevamudikiye Kilisito na sekwa vala sevamudikiye Kilisito.23Suwe, lipinga lyonda lyelimudikiye Kilisito pelitang'ana pamwi na vonda kuvanga kulonga ng'ombelo genji, leke vikwacha vanu sevamudikiye Kilisito. Wuli, sevilonga kuva nyenye nde muna lukwale?24Ila vonda vakiva vilandula unanzi va Nguluvi, baho, ngaikwacha munu yeseamudikiye Kilisito awu munu mpufi, ila gyonda daipulike, dagikumuwonesa kuva agitile sambi, kangi daileka kugita sambi,25na njowo cha lupwepo munumbula chake dachiwoneka na dafugamila na kumgundamila Nguluvi, kuno akilonga, “Ndakyene Nguluvi agehe pamwi na nyenye.”26Vakolo vangu, ndigehe na mana iyi, pemwitang'ana, yumwi isomola msambo na yungi awulaniche na yungi aveche ipulika na kulonga unanzi va Nguluvi na yungi aveche kulonga kwa ng'ombelo lya ugenji na yungi avaganulile. Gyonda gaveche kwakuva lya kumgita kila yumwi venu akule muludikilo.27Ngakogali vanu vakulonga ng'ombelo cha ugenji, valonge vavili awu vadatu, sekugina hilo, kangi yumwi yumwi na aveche munu va kuganula ago gegilongwa.28Ila nga kwihela yeivesa kuganula, suwe mubihile kulonga ng'ombelo lya ugenji pemutang'anila, ayilongele yumwene na Nguluvi vake.29Kutigala vala vene fupo lya kulanducha unanzi va Nguluvi, valonge vavili awu vadatu na vangi vevapulikiche kwa undakyene njowo chawo.30Ila ngita munu yumwi peilonga na yungi yeipulikicha apatile ugubutulo kuhuma kwa Nguluvi, suwe yula yeilonga achike.31Kwakuva nyenye vonda mwiwesa kulanducha unanzi va Nguluvi yungi, neke nyenye vonda muveche kwiwulanicha na kwigangamacha.32Fupo lya kulanducha unanzi va Nguluvi ing'ang'wa kulongochwa na yula munya fupo.33Kwakuva Nguluvi se Nguluvi va ndewo, ila ndi Nguluvi va lutengamaso.
Ngita peigehe mumapinga gyonda ga vanu vevamudikiye Kilisito,34vadala vachike mumtang'ano va vanu vevamudikiye Kilisito. Seving'ang'wa kulonga, ila ving'ang'wa kwidikila ngita Nguluvi peilonga mulagilicho gake.35Nga vagehe na mahucho gya kuhucha, vavahuche vagosi vawo kukaye, kwakuva nde nyoni kwa mudala kuywanga mulipinga lya vanu vevamudikiye Kilisito.36Wuli, mwihocha lichwi lya Nguluvi lihumile kwa nyenye awu lyachile kwa nyenye hela?37Ngita munu yeyonda ihocha kuva mwene ndi mnanzi va Nguluvi awu agehe na fupo lya Muhe va Nguluvi, achele kuva aga ndi ndivasimbiliye nyenye ndi lulagilicho kuhuma kwa Mtwa.38Ila munu yeagehe mpufi mumakani ago na aveche mpufi.39Ndeni, vakolo vangu mwing'ang'wa kuvecha na ng'elu lya kulanducha unanzi va Ngulivi. Ila mubihile kumukanicha munu kulonga kwa ng'ombelo lya ugenji.40Ila gyonda gagitwe kwa unofu na ngita peing'ang'wa.
Ngita peigehe mumapinga gyonda ga vanu vevamudikiye Kilisito,34vadala vachike mumtang'ano va vanu vevamudikiye Kilisito. Seving'ang'wa kulonga, ila ving'ang'wa kwidikila ngita Nguluvi peilonga mulagilicho gake.35Nga vagehe na mahucho gya kuhucha, vavahuche vagosi vawo kukaye, kwakuva nde nyoni kwa mudala kuywanga mulipinga lya vanu vevamudikiye Kilisito.36Wuli, mwihocha lichwi lya Nguluvi lihumile kwa nyenye awu lyachile kwa nyenye hela?37Ngita munu yeyonda ihocha kuva mwene ndi mnanzi va Nguluvi awu agehe na fupo lya Muhe va Nguluvi, achele kuva aga ndi ndivasimbiliye nyenye ndi lulagilicho kuhuma kwa Mtwa.38Ila munu yeagehe mpufi mumakani ago na aveche mpufi.39Ndeni, vakolo vangu mwing'ang'wa kuvecha na ng'elu lya kulanducha unanzi va Ngulivi. Ila mubihile kumukanicha munu kulonga kwa ng'ombelo lya ugenji.40Ila gyonda gagitwe kwa unofu na ngita peing'ang'wa.
The Word for the World International