1 Vakolindo12
1Suwe, vakolo vangu, ndisaka muchele unofu makani gya fupo kuhuma kwa Muhe va Nguluvi.2Muchela kuva pemukali mwave kumudikila Kilisito, mukalongochwe kugundamila ming'omong'omo chechihela uwumi.3Suwe, muchele kuva munu yoyonda yeilongochwa na Muhe va Nguluvi seivesa kulonga. “Yesu akotolwe!” Ndeni ndeni munu yeyonda seivesa kulonga “Yesu nde Mtwa,” Nga sealongochwe na Muhe va Nguluvi.4Suwe, kugehe na fupo cha ayina cholofu na yeakuvagila vanu fupo icho ndi Muhe va Nguluvi.5Ila kugehe na ng'asi chongofu cha kumgundamikila, ila Mtwa ndi yumwi.6Kangi, kugehe na ng'asi chongofu, ila Nguluvi yuyula yeagita kasi chonda kwa vanu vonda.7Muhe va Nguluvi akumtanga kila munu kugita kasi lyake neke vanu vangi vapate lutango.8Kwakuva Muhe va Nguluvi umgavila munu yumwi unanzi va uginyange na yungi unanzi va luchelo, ngita peikela yumwene.9Muhe va Nguluvi yuyula akumgavila munu yungi fupo lwa ludikilo na yungi fupo lwa kuvecha na umwimike lwa kunanicha.10Muhe va Nguluvi yula yula akumgavila munu yungi umwimike va kugita umanyitu na yungi fupo lwa uvichi va Nguluvi, yungi akumgavila umwimike va kuchela fupo lwa Muhe va Nguluvi. Vangi fupo lwa kulonga ng'ombelu chingi na yungi fupo lwa kuganula ng'ombelo.11Ago gonda ndi kasi cha Muhe yuyula va Nguluvi yumwi, yeakumgavila kila munu ngita peikela yumwene.12Muvili va munu yumwi ugehe na fiwungo fyolofu, fiwungo ifyo ndi fya muvili wumwi, nde igehe ndeni kwa muvili va Kilisito.13Kwakuva nefwe vonda ndi Vayawudi awu vanu se Vayawudi awu vasutu awu vanu vapekesu, vonda tubatiswe na Muhe yumwi na kugavilwa Muhe umwi neke tuveche muvili umwi.14Ila muvili sekiwungo kimwi hela, ila ugehe na fiwungo fyolofu.15Ngita ligulu lilonga, “Kwakuva nene seliwoko nene sepono lya muvili,” Wuli, kwakuva lya ilyo ligulu sepono lya muvili?16Ngita lisigicha ngalilongile, “Kwakuva nene seliho, nene sepono lya muvili,” Wuli, kwakuva lya ilyo lisigicha sepono lya muvili?17Ngita muvili vonda ngauvechile liho, munu ngaapulike wuli? Ngita muvili vonda ngaugehe lisigicha munu ngaanusile wuli?18Ila Nguluvi avikile fiwungo mumvili, kila kimwi ngita peakeliye yumwene.19Ngita fiwungo fyonda ngauvechile kiwungo kimwi, muvili ngaugehe kwiya?20Undakyene ndi kuva, fiwungo fya muvili ndi fyongofu, ila muvili ndi umwi.21Suwe, liho selivesa kulilongela liwoko, “Sendikukela” Vala kituwe sekivesa kugalongela magulu, “Sendikuvakela nyenye.”22Kuchumba ago fiwungo fya muvili fyefiwoneka kuva nde visosovafu fyefyitakilwa hilo.23Kangi, fila fiwungo fyefiwoneka fya kubedwa ifyo nde tukufigavila uginyange, ila fiwungo fya muvili fyefiwoneka fileta nyoni nde tukufigubika unofu.24Ila fiwungo sefileta nyoni sefing'ang'wa kugubikwa ngita fiwungo fingi. Ila Nguluvi yumwene awuvikile unofu fiwungo mumvili na akafigavile uginyange hilo fila fiwungo fyefibedilwe,25ndena kubihile kuvecha na kwinenga mumvili, fiwungo fyonda fitangane pamwi.26Ngita kiwungo kimwi kilemela fiwungo fyonda filemala pamwi na kila kyekilemala. Kiwungo kimwi kikinjumwa fiwungo fyonda fikeduka pamwi na chene.27Suwe, nyenye vonda ndi muvili va Kilisito, kila yumwi venu ndi kiwungo kya muvili ugo.28Mulipinga lya vanu vevamudikiye Kilisito, Nguluvi avikile vakwanja vanjagila na vangi vavichi va Nguluvi kangi vawulanichi, baho avikile vala vene fupo lya kunanicha na kutanga na vilongochi na vevilonga ng'ombelo cha ugenji.29Vonda sevanjagila na vonda sevavichi va Nguluvi na vonda sevawulanichi na vonda sevene fupo lya kugita umanyitu.30Vonda nde vana fupo lya kunanicha, vonda ndi vene fupo lya kulonga ng'ombelo lya ugenji, vonda viganula ng'ombelo31Ndena, muveche na ludoboko lwa kuwanuka fupo chechigehe nofu hilo.
Nene ndikuvawonesa ng'asi nofu ngita petuichumbile nefwe.
Nene ndikuvawonesa ng'asi nofu ngita petuichumbile nefwe.
The Word for the World International