Ediyarade5
Eyen Erọñ Ye Ikpa Ñwed
1Ndien ami mma ñkut ikpa ñwed ke ubọk nnasia Enyemi etiede ke ebekpo; ema ewet ñkpọ eyọhọ ke edem mbiba, ndien eda ufik ñkpọ itiaba efik.2Ndien ami mma ñkut okop odudu enjel kiet, emi okofioride ke ọkpọsọñ uyo ete, “Anie owo odot ndidiañade mme ufik ñkpọ oro ñnyuñ ñkubọde ikpa ñwed emi?”3Edi ikọduhọ owo baba kiet ke enyọñ, mme ke isọñ, mme ke idak isọñ, emi ekekemede ndikubọde ikpa ñwed emi ñnyuñ nse esit esie.4Ami mma ntua eyet eti eti koro ikekemeke ndikut owo ndomokiet emi okodotde ndikubọde ikpa ñwed emi mme ndise esit esie.5Do ke adaidaha kiet ọkọdọhọ mi ete, “Kutua. Sese! Ekpe emi otode ubon Juda, Oduñ emi otode ubon Defid, akan ke ekọñ. Ndien enye ekeme ndidiañade mme ufik ñkpọ itiaba oro ñnyuñ ñkubọde ikpa ñwed emi.”6Do ndien ke ami ñkokut Eyen erọñ nte adade ke ufọt ebekpo oro, ndien mme odu uwem ñkpọ inañ oro ye mme adaidaha ekan enye ekuk. Eketie nte ewowot Eyen erọñ oro. Enye ekenyene mme nnuk itiaba ye mme enyin itiaba, emi edide mme Spirit Abasi itiaba emi esiode edọñ ke ofuri iso isọñ.7Eyen erọñ ama aka ọkọbọ ikpa ñwed ke ubọk nnasia Enyemi eketiede ke ebekpo.8Nte Enye akanamde ntem, mme odu uwem ñkpọ inañ oro ye mme adaidaha edip ye inañ oro ema eduọñọ ke isọñ ke iso Eyen Erọñ. Mmọ kiet kiet ema ekama mbutu ye mme usan gold emi ekesinde mme enem ufuọñ ñkpọ eyọhọ, emi edide mme akam ikọt Abasi.9Mmọ ema ekwọ obufa ikwọ ete:“Afo omodot ndibọ ikpa ñwedye ndinyuñ ndiañade ufikñkpọ esiekoro ema ewot Fi,ndien oto ke ñkpa Fo, Afo ama edep mme owo ọnọ Abasi,oto ke kpukpru idut, ye usem, ye obio.10Afo amanam mmọ edi obio ukara mme okundinam ñkpọ nnọ Abasi,ndien mmọ eyekara mi ke isọñ.”11Mma ntọñọ ntak nse, ndien ami mma ñkop uyo ediwak mme enjel emi ekesimde mme tọsin ye anana ibat! Mmọ ema eda ekanade ebekpo oro ekuk, ye mme odu uwem ñkpọ inañ oro ye mme adaidaha,12ndien ema ekwọ ke ọkpọsọñ uyo ete, “Eyen erọñ emi ekewotde omodot ndibọ odudu, inyene, ikike ye odudu, ukpono, ubọñ, ye itoro!”13Ndien mma ñkop kpukpru mme odu uwem ñkpọ, ye ke isọñ, ye ererimbot ke idak isọñ, ye kpukpru odu uwem ñkpọ ke akpainyañ, kpukpru se idodu uwem ke ofuri ekondo, ndien kpukpru ke ekekwọ ikwọ ete, “Yak enyemi etiede ke ebekpo, ye Eyen Erọñ ọbọ itoro ye ukpono, ubọñ, ye odudu, ke nsinsi nsinsi!”14Mme odu uwem ñkpọ inañ oro ema ebọrọ ete, “Amen,” ndien mme adaidaha emi ema eduọñọ ke isọñ enyuñ etuak ibuot ke ukpono.Biblica, Inc.