Ediyarade12
Ñwan Oro Ye Eyen Esie
1Se ikadianade ekedi utibe idiọñọ emi ọkọwọrọde ke ikpa enyọñ. Eyenañwan emi ekesinede eyo nte ọfọñ idem onyuñ odori ukot ke ọfiọñ, ndien ayara anyanya emi edade ntantaọfiọñ itiaba enam.2Enye akada ke idaha uman ndien ubiak uman ama anam enye osio ñkpo eyet.3Utibe idiọñọ efen ama ọwọrọ ke ikpa enyọñ. Emi ekedi ata akwa ndat ndat enyene ndik unam emi edide urukikọt emi enyenede mba, enyene ibuot itiaba ye nnuk duop, ye anyanya ke mme ibuot esie kiet kiet.4Enye ama ada isim esie oduri ubak kiet ke mbahade ita mme ntantaọfiọñ osio ke ikpaenyọñ onyuñ ọduọñọ mmọ ke isọñ. Enye ama ada ke iso añwan emi okoyomde ndiman eyen, man otodo enye ata eyen emi ñwan oro edimande.5Ñwan emi ama aman eyen erenowo, emi edikarade kpukpru mme idut ke ọkpọsọñ ubọk. Edi ema ewamade eyen oro ebọ ndien emen esọk Abasi ke ebekpo Esie.6Ñwan oro ama efehe aka ke isọñ utatan, ke ebiet emi Abasi ekebeñede enim ọnọ enye, ebiet emi edikamade enye ke usen tọsin kiet ye ikie iba ye ata.7Ndien ekọñ ama ọtọñọ ke enyọñ. Maikel ye mme enjel esie ema eñwana ye urukikọt enyene mba oro, emi okonyuñ añwanade usiene ye mme enjel esie;8edi, ema ekan urukikọt enyene mba emi; ndien ikenyimeke enye ye mme enjel esie etọñọ ntak edu aba ke enyọñ.9Ema etop urukikọt enyene mba emi eduọk! Enye edi akani urukikọt oro, ekotde defil mme setan, emi akabiañade ofuri ererimbot. Ekesio enye etop eduọk ke ererimbot, ye kpukpru mme enjel esie.10Ndien ami mma ñkop ọkpọsọñ uyo nto enyọñ emi ọkọdọhọde ete,“Ke emi edinyaña Abasi edi! Ke emi, Abasi owut odudu Esie nte Ọbọñ!Ke emi Kraist Esie owut ukara Esie!Koro andidori mme nditọ ete ñnyin ikọ,emi akadade ke iso Abasi ndidori mmọ ikọ ke uwemeyo ye okoneyo,esio enye efep ke enyọñ.11Mme nditọ ete ñnyin ekekan enye ke ekọñ emi oto ke iyip Eyen Erọñ,ye ke akpanikọ emi mmọ ekwọrọde;ñko, mmọ ema enyime ndiyak uwem mmọ ñnyuñ ñkpa.12Ke ntre, edara mme enyọñ ye kpukpru mbufo emi eduñọde ke esit.”Edi edinyene ndik adaña didie ye ererimbot ye inyañ ibom!Koro Setan oro ọmọsuhọde edi etiene mbufo.Ndien enye ọyọhọ ye ufiop ufiop iyaresit,koro enye ọfiọkde ete ke esisit ini ọsuhọ ọnọ imọ.13Ke ini emi urukikọt enyene mba emi ọkọdiọñọde ete ke ema esio imọ eduọk ke isọñ, enye ama ọtọñọ ndibine ñwan oro akamande ekpri eyen eren oro.14Ema enọ eyenañwan emi ikpọ mba ntrukpom iba man enye ekeme ndife ñka ke ebiet iduñ esie ke isọñ utatan ke ebiet emi edikamade enye ke ini iba ye ubak, nte urukikọt oro midisimeke enye ituk ubọk.15Urukikọt emi ama ọkpọghi ọtọ mmọñ inyañ ke inua esie, man ọkọtọ emen eyenañwan emi ke odudu ufehe mmọñ.16Edi isọñ ama añwam ñwan emi ke ndikubọde inua esie ñnyuñ ññwọñ mmọñ emi okotode ke inua urukikọt enyene mba emi.17Esit ama ayat urukikọt enyene mba emi ye eyenañwan emi eti eti, ndien enye adahada ọtọñọ ndiñwana eñwan ye oruk añwan emi, kpukpru mme mmọ emi esukde ibuot enọ mme ibet Abasi enyuñ ebuọtde idem ye akpanikọ emi Jisọs ayararede. Ndien urukikọt enyene mba emi ama akada ke mben akpainyañ.Biblica, Inc.