Filemọn1
1Ñwed emi oto Pọl owo ñkpọkọbi ke ntak Kraist Jisọs, ye Timoti. Iwet ñwed emi inọ ufan ñnyin ye nsaña utom ñnyin Filemọn2ye ufọk Abasi emi esobode ke ufọk fo; ye eyen eka ñnyin añwan, Apfia, ye owo nsaña ekọñ ñnyin Akipọs:3Yak Abasi Ete ñnyin ye Ọbọñ Jisọs Kraist ọnọ fi mfọn ye emem.
Pọl Ebeñe Mfọnido
4Kpukpru ini emi ami mbọñde akam, eyen ete mi Filemọn, ami nsasiak enyiñ fo ñnyuñ nnọ Abasi mi ekọm.5Koro ami mokop mbaña ima emi afo enyenede abaña kpukpru ikọt Abasi, ye mbuọtidem emi afo enyenede ke Ọbọñ Jisọs.6Akam mi edi yak ebuana emi ñnyin inyenede ye afo nte mme andinim ke akpanikọ ada ntọtuñọ ediyarade edi emi otukde kpukpru edidiọñ emi ñnyin inyenede ke uwem ñnyin ke Kraist.7Ima fo, edima eyen ete mi, ama ada akamba inemesit ye uwak idọñesit ọsọk mi. Afo amanam esit ofuri ikọt Abasi ekop idara.8Ke ntak emi ami mekeme ndinyene uko emi ekemde, nte eyen ete fo ke Kraist, ke ndidọhọ fi anam se anade nte afo anam.9Edi ima enyik mi ndibeñe. Ami nnam ntem okposuk edi emi edide ami Pọl, isuñutom Kraist Jisọs, ke emi ndide owo ñkpọkọbi ke ntak Esie.10Do ami nnam ebeñe nnọ fi kabaña Onesimọs, emi edide eyen mi ke Kraist, koro ini emi ami ñkodude ke ufọk ñkpọkọbi ke ami ñkedi ete esie ke se iketukde ñkpọ spirit.11Enyene ini emi enye mikọwọrọke ñkpọ inọ fi, edi idahaemi enye enyene udori ọnọ fi ye ami nde.12Ami ke nnam enye afiak ebine fi, ndien esit mi asaña ye enye.13Ami ñkpamama ndinam enye odu mi ye ami, kadaña emi ami ndude ke ñkpọkọbi, ke ntak Eti Mbuk emi, man otodo enye ekeme ndidi uñwam nnọ mi ke ibuot fo.14Nte ededi, ami ñyomke ndinyenyik fi ndiñwam mi; edi ñkpoyom fi anam ntre oto ke ima esit fo. Ke ntem ami ndinamke ñkpọ ndomokiet tutu afo enyime.15Ekeme ndidi nte Onesimọs ọkọkpọñ fi ke esisit ini, man afo ọkpọtọñọ ntak enyene enye kpukpru ini.16Ndien idahaemi, enye idighe ofin ikpọñ, enye edi se ikande ofin: enye eyedi edima eyen ete ke Kraist. Ñkemeke nditiñ se enye edide ọnọ mi, ye se enye edidide inọ fi, nte ofin ye eyen ete ke Ọbọñ.17Do edieke afo ekerede abaña mi nte nsaña utom fo, fiak da enye nyene kpa nte afo akpadade mi.18Edieke enye ekeduede fi mme akanamde fi ñkpọ kiet ekededi, bat nọ mi.19Ami ñwet emi ke ubọk ñwed mi: Ami Pọl ñyekpe fi. (Ikpanaha ami nti fi nte ke afo amakama mi isọn ofuri uwem fo).20Ke ntre, eyen ete mi; nam ufọn emi nọ mi, ye ke ntak Ọbọñ, nam esit mi adat, nte eyen ete ke Kraist.21Ami menim ke akpanikọ, nte ke ndiwet ñwed emi, ke afo eyenam se mbeñede fi — ke ofuri akpanikọ, nte ke ndiwet ñwed emi, ke afo eyenam akan se mbeñede fi oro.22Ñkpọ efen ñko, ami ñyom fi etim ubet kiet enim ọnọ mi, koro ami menim ke akpanikọ nte ke Abasi eyeyere akam mbufo, onyuñ afiak ayak mi ọnọ mbufo.23Epafras emi odude ke ñkpọkọbi ye ami ke ntak Kraist Jisọs ọnọ ekọm esọk fi,24kpa ntre ñko, ye mme nsaña utom mi, Mak Aristakọs, Demas, ye Luk.25Yak mfọn Ọbọñ Jisọs Kraist odu ye spirit fo.Biblica, Inc.