Jems2
Kunyene Mma Ñkan Ñkpọ
1Nditọ Ete mi! Nte mme andinim Ọbọñ ñnyin Jisọs Kraist ke akpanikọ, kpa Ọbọñ Ubọñ, ikpanaha mbufo enam ñkpọ ye mme owo ke nsio nsio usuñ etiene nte mmọ etiede ke enyọñ idem.2Edieke owo inyene emi esinede ñkpanuen gold ye mme ndiye ọfọñidem edide mbono mbufo, ndien eyen ubuene emi esinede ntaha ọfọñ onyuñ edi ñko.3Edieke mbufo ewutde esine ediye ọfọñ oro ukpono, ete enye, “Da ata eti itie emi”, ndien edọhọ eyen ubuene oro ete, “Dada, mme tetie mi ke isọñ ke ukot mi.”4Ke edinam ntem, ikpe obiom fi ke nditọ ubahade ke otu mbufo ye ke ndibiere ñkpọ nto ukwañ ekikere.5Ekpañ utọñ, ndima nditọ ete mi! Nte Abasi imekke mme mbon emi edide ubuene ke enyin mbon ererimbot man mmọ edi mbon emi Enye ọkọñwọñọde edi imọ ke mbuotidem enyuñ eda obio ubọñ emi enyene?6Edi mbufo ikponoke nditọ ubuene! Mme anie edi mme mmọ emi efikde mbufo enyuñ eduride mbufo eka iso ekpe ikpe? Edi mbon inyene!7Edi mmọ etiñ idiọk ikọ edian eti enyiñ emi ema ekenọ mbufo.8Edieke mbufo esukde ibuot enọ mme ibet Ọbọñ nte ewetde ke ñwed Abasi ete, “Ema mbọhọiduñ mbufo nte emade idem mbufo,” mbufo emenam ọfọn.9Edi edieke mbufo enamde ñkpọ ye mme owo etiene nte mbufo ekutde mmọ ke enyọñ idem, mbufo emenam idiọkñkpọ, ndien ibet etip mbufo ikpe nte mme abiat ibet.10Owo ekededi emi abiatde ibet kiet ke otu mme ibet eken edue isop ke ndibiat kpukpru mme ibet.11Koro kpa enyemi ọkọdọhọde ete, “Kusin efibe,” edi enye ñko ọdọhọ ete “Kuwot owo.” Okposuk edi nte afo musinke efibe, afo emedue ibet edieke afo owotde owo.12Etiñ ikọ enyuñ enam ñkpọ nte mme mmọ emi edidade ibet emi ọkpọkde mme owo ayak ekpe ikpe ye mmimọ.13Koro Abasi idiwutke mbọm ke ini emi enye ekpede ikpe owo emi mikenyeneke esit mbọm, edi mbọm akan utib ikpe.Mbuọtidem Ye Utom
14Nditọ ete mi, nso ufọn idu ke owo ndidọhọ ete, “Ami menyene mbuọtidem,” edieke edinam esie misọñọke ikọ esie? Nte utọ mbuọtidem emi ekeme ndinyaña enye?15Edieke nditọ ete iren ye iban edude emi enanade ọfọñ idem, ye se ediade,16nso ufọn idu ke afo ndidọhọ mmọ ete, “Abasi ọdiọñ mbufo, ekop ufiop enyuñ edia ñkpọ eyuhọ,” edieke afo munọhọ mmọ se inanade mmọ ke uwem?17Kpa ntre ke edi ye mbuọtidem, edieke mbuọtidem adade ikpọñ ndien inyeneke utom idian do, akpa.18Edi owo eyedọhọ ete “Owo kiet enyene mbuọtidem, enye eken enyene utom!” Ibọrọ edi, “Wut mi nte owo ndomokiet ekemede ndinyene mbuọtidem emi misañake ye utom ami ñyewut fi mbuọtidem mi nto ke utom mi.”19Nte afo emenim ke akpanikọ nte ke Abasi kiet odu? Ọfọn eti eti. Mme idiọk spirit enim ke akpanikọ enyuñ enyek ye ndik.20Afo owo ndisime, nte afo oyom ewut fi ete ke mbuọtidem emi misañake ye utom iwọrọke ñkpọ?21Ekenam ete ñnyin Ebraham enen iso ye Abasi didie? Okoto ke ntak utom esie, ke ini enye akawade Aisik eyen esie ke itie uwa.22Nte afo ekemede ndikut mbuọtidem ye utom esie ekenam utom ọtọ kiet; mme utom esie ekenam mbuọtidem esie ọfọn ama.23Ndien ikọ Abasi akabade edi akpanikọ emi ọdọhọde ete, “Ebraham ama enim Abasi ke akpanikọ, ndien ke ntak mbuọtidem esie Abasi ama ada enye nte Edinen owo.” Ndien ke ntre, ema ekot Ebraham ufan Abasi.24Afo emekeme ndikut ndien ete, ke owo edinen ke iso Abasi oto ke se enye anamde, idighe ke ntak mbuọtidem esie ikpọñ ikpọñ.25Ekedi kpa ntre ye ñwan akpara oro, Rehab. Enye ekenen iso ye Abasi oto ke utom esie, ke emi enye akadarade onyuñ edipde mme mbio uyep mme Ju, onyuñ añwam mmọ ke ndinam mmọ esaña ke usuñ efen eñyọñọ.26Kpa nte ikpọkidem emi minyeneke spirit akpade, ntre ñko, ke mbuọtidem emi minyeneke utom akpa.Biblica, Inc.