Hibru10
Edomo Akani Ye Obufa Ese
1Mbet mme Ju idighe ata ọyọhọ mbiet idem ata ñkpọ. Enye edi mbukpọñ nti ñkpọ emi edidide. Ewa ukem uwa ke nsinsi, isua ke isua. Ibet ekeme didie ndien, ke ntak mme uwa emi ndinam mme mmọ emi edide etiene Abasi efọn ema?2Edieke ekpenamde mme mmọ emi etuakde ibuot enọ Abasi esana ke akpanikọ, ekpọñ idiọkñkpọ mmọ, mmọ ikpokopke ndik ndudue ibaña idiọkñkpọ aba, ndien kpukpru oruk uwa ekpetre.3Nte emi edide ntem, mme uwa emi ekam eti mme owo ebaña idiọkñkpọ mmọ kpukpru isua.4Koro iyip ñyara enañ ye eke mme ebot ikemeke ndimen idiọkñkpọ mfep.5Ke ntak emi, ke ini emi Kraist okoyomde ndidi ererimbot, Enye ama ọdọhọ Abasi ete, “Afo uyomke uwa ye mme enọ, edi afo ama etim ikpọk idem Enim ọnọ mi”.6Ukopke inemesit kabaña mme ufene emi efọpde ofuri ke itie uwa, mme ye mme uwa edimen mme idiọkñkpọ mfep.7Do ke Ami ñkọdọhọ nte, “Se ami mi Abasi mi, ndinam se Afo oyomde mi nnam kpa nte ewetde ebaña mi ke ñwed ibet Moses.”8Ke akpa itie Enye ọkọdọhọ ete, “Afo uyomke unyuñ ukopke inemesit ke mme uwa ye mme enọ, mme ke mme ufene emi efọpde ke itie uwa, ye mme uwa ndimen mme idiọkñkpọ mfep.” Enye eketiñ emi, okposuk edi nte ekenamde mme uwa esaña nte mbet Moses eketemede.9Do ke Enye ọkọdọhọ ete, “Se Ami mi, Abasi, ndinam se Afo oyomde Mi nnam.”Do Abasi ama abiat kpukpru mme ñkani uwa eken, ndien emen uwa Kraist enim ke itie mmọ.10Koro Jisọs Kraist akanamde se Abasi okoyomde Enye anam, emenam ñnyin kpukpru isana ke idiọkñkpọ oto ke uwa emi Enye akadade idem Esie anam, ini kiet ye ofuri ofuri.11Oku mme Ju kiet kiet esinam mme utom esie kpukpru usen onyuñ awa ukem uwa ediwak ini. Edi mme uwa emi ikemeke ndimen mme idiọkñkpọ mfep.12Kraist akanam uwa inikiet kabaña idiọkñkpọ, uwa emi ọfọnde ama ke nsinsi, ndien Enye ọsuhọde etie ke ubọk nnasia Abasi.13Do ke Enye ebet idahaemi tutu Abasi esin mme asua Esie nte ñkpọ udighi ukot ke idak ukot Esie.14Ke uwa inikiet ndien, Enye amanam kpukpru mmọ emi esanade ekpọñ idiọkñkpọ efọn ema.15Ndien Edisana Spirit ñko, ọnọ ñnyin ikọ ntiense Esie. Ke akpa Enye ọdọhọ ete,16“Emi edi ediomi emi Ami ndinamde ye mmọ ke mme usen emi edidide, Ọbọñ ọdọhọ. Ami ñyesin mme ibet Mi ke esit mmọ, ndien ñnyuñ ñwet mmọ ke ikike mmọ.”17Ndien enye ọdọhọ ete, “Ami nditighi mme idiọkñkpọ mmọ, ye mme oburobut ido mmọ aba.”18Ke ntem ke ema ekefen emi ema, owo idiyomke aba uwa edimen mme ndiọiñkpọ mfep.19Ñnyin imenyene ndien, nditọ ete, ọyọhọ ifet ndiduk Ata Edisana Ebiet oto ke ñkpa Jisọs.20Enye emeberede obufa usuñ ọnọ ñnyin, odu uwem usuñ, usuñ uwem, ebe ke ikpehe, oro edi, ebe ke idem Esie.21Ñnyin imenyene akwa oku emi akarade ufọk Abasi.22Eyak ñnyin isaña ikpere Abasi ndien ke esit akpanikọ ye ọyọhọ mbuọtidem, ye esit emi ema ekenam asana ọkpọñ ubiomikpe, ye mme ikpọk idem eyetde ke edisana mmọñ.23Eyak ñnyin isọñọ imum idorenyin emi ñnyin inyenede, koro ñnyin imekeme ndinim Abasi ke akpanikọ ke ndinam eñwọñọ Esie.
Sọñọda Ke Edinam Eti
24Eyak ñnyin ikere ibaña kiet eken, ndiñwam kiet eken ndiwut ima ñnyuñ nam nti ñkpọ.25Yak ñnyin ikuyak ido edisobo idem ọtọ kiet iduọk, nte mme usuk owo ekade iso ndinam. Utu koro eyak ñnyin ikọkọrọ iñwam kiet eken, ke kpukpru usuñ, sia ñnyin ikutde ite ke usen Ọbọñ ke asaña ekpere.26Koro uwa iduhọ aba emi ekemede ndimen idiọkñkpọ mfep edieke ñnyin ikoidekoi ika iso ndinam idiọkñkpọ ke ini ema ekeyarade akpanikọ enọ ñnyin.27Utu ke oro, kpukpru se isuhọde, edi ndikop ndik mbaña se iditibede, ikpe ye enyene ndik ikañ emi edisobode mme mmọ emi esọñde ibuot ye Abasi28Owo kiet ekededi emi abiatde ibet Moses ewot enye, owo ikopke enye mbọm, ke ema etip enye ikpe eto ke inua ntiense iba mme ita.29Nso ndien iditibe ye owo emi esinde Eyen Abasi ke ndek? Enye emi adade iyip ediomi Abasi emi eyetde enye asana osio ke idiọkñkpọ, nte mbaha urua ñkpọ? Enye emi omiomde Spirit mfọn Abasi? Tim kere ufen emi enye edibọde nte edikponde.30Koro ñnyin idiọñọ Enyemi ọdọhọde ete, “Ami ñyesio usiene, Ami ñyekpe utib,” ye Enyemi okonyuñ ọdọhọde ete, “Abasi eyekpe ikọt Esie ikpe”.31Edi ata enyene ndik ñkpọ owo ndiduọ nduk ke ubọk odu uwem Abasi.32Ti nte eketiede ye afo ke mme usen emi ekebede. Ke mme usen oro ke ini uñwana Abasi akayamade ọnọ fi, afo ama okut ukut ke mme ediwak ñkpọ, edi ukuyakke eñwan oro akan fi.33Ema esisuñi fi añwa añwa, enyuñ etuhọde fi, ndien ke mme ini efen ama esidu ke mbeñeidem ndika ñkabuana ye mme mmọ efen emi eketuhọrede ke uduot usuñ emi.34Mbufo ema etiene ebuana ke ukut mbio ñkpọkọbi, ndien ke ini ekebọde mbufo kpukpru mme inyene mbufo ke ñkanubọk, mbufo ema eyọ ntakurua mbufo ke inemesit, koro mbufo ema efiọk ete ke mmimọ ke ikenyenyene ñkpọ emi ọfọnde akan oro enọ idem mbufo, emi edibighide ke nsinsi.35Ekukop ndik, koro emi eyeda akamba utib ọsọk mbufo.36Mbufo enyene ndinyene ime, man oto do ekeme ndinam uduak Abasi ñnyuñ mbọ se Enye ọkọñwọñọde.37Koro, nte ñwed Abasi etiñde, “Ke ata esisit ini, ndien Enyemi anade nte edi eyedi, Enye idibiatke ini.38Mme ndinen ikọt Mi, nte ededi, eyenim ke akpanikọ, enyuñ edu uwem. Edi edieke owo mmọ ndomokiet afiakde edem, Ami ndikopke inemesit ye enye.”39Ñnyin idighe mme mmọ emi efiakde edem ndien etak. Utu ke oro, ñnyin imenyene mbuọtidem ndien enyuñ enyaña ñnyin.Biblica, Inc.