2 Timoti2
Kop Odudu To Odudu Kraist
1Ama edi afo, eyen mi, kop nsọñidem to mfọn emi enyenede ñnyin oto ke edidiana ñnyin kiet ye Kraist Jisọs.2Da mme ikọ emi afo okokopde mi ñkwọrọde ke iso ata ediwak mme ntiense, ndien yak mmọ nọ mme owo emi afo ọbuọtde idem ye mmọ, mme mmọ emi edikemede ndikpep mme mmọ efen ñko.3Bọ udeme fo ke ukut, nte eti añwana ekọñ Kraist Jisọs emi anamde akpanikọ.4Añwana ekọñ emi odude ke idak utom, oyom ndinem ada iso ekọñ esie esit, ndien enye ibuakke idem esie ke mme mbubehe ikpuikpu owo emi midighe mbio ekọñ.5Efehe itọk emi amiade mbuba itọk ikemeke ndibọ ñkpọ ke ebede enye osuk ibuot ọnọ mme ibet itọk.6Ọtọ iñwañ emi anamde ọkpọsọñ utom, enyene ndibem iso ndia akpa mbuñwum iñwañ esie.7Kere baña se ami ñkade iso nditiñ, koro Abasi eyeñwam fi ndidiọñọ kpukpru mmọ.8Ti baña Jisọs Kraist, emi ekemenerede ke ñkpa; emi okotode ke ubon Defid, nte etiñde ke Eti Mbuk emi ami ñkwọrọde.9Ami ñkut ukut koro ami ñkwọrọde Eti Mbuk emi, ndien ekọbi mi ke ñkpọkọbi nte anam idiọkñkpọ. Edi owo ikọbike ikọ Abasi ke ñkpọkọbi,10ke ntak emi ami ñyọ kpukpru ñkpọ ke ntak mme mmọ emi Abasi emekde, man otodo mmọ ñko ekpenyene edinyaña emi odude ke Kraist Jisọs, ye nsinsi ubọñ.11Ikọ emi edi akpanikọ: Edieke ñnyin ikakpade ye Enye, ñnyin ñko iyedu uwem ye Enye.12Edieke ñnyin ikade iso ndiyọ, ñnyin ñko iyekara ye Enye. Edieke ñnyin ikañde Enye, Enye ñko eyekañ ñnyin.13Edieke ñnyin minamke akpanikọ, Enye eyekaka iso ndinam akpanikọ, koro Enye mikemeke ndisin idem Esie.Kuneni Idiọk Eneni
14Ti ikọt mbufo ñkpọ emi, ndien nyuñ duri mmọ utọñ ke iso Abasi, mmọ ekuñwana eñwan ye ikọ Abasi. Emi inamke ufọn ndomokiet edi etimede mme mmọ emi ekpañde utọñ.15Nam ofuri ukeme fo ndisio idem fo ñwut ke iso Abasi ke idak unyime Esie nte anamutom emi mikopke but ke utom esie, enye emi ekpepde etop akpanikọ emi otode Abasi ke usuñ emi enende.16Diañade idem fo fep ke mme nneme emi midaha ubọñ inọ Abasi, ye mme ndisime ebuana ikọ emi ebinde bin mme owo adiañade ọkpọñ Abasi.17Se mmọ ekpekpep eyetie nte ana iñwañ unan emi ama akata obukidem abiat. Owo iba ke otu mme ekpep uduot ukpep emi edi Aimenius ye Filetọs.18Mmọ ema ekpọñ usuñ akpanikọ, ndien ke etimede mbuọtidem ubak mme mmọ emi enimde ke akpanikọ, ke edidọhọ ete, ke ediset ke ñkpa ñnyin ama adada itie.19Edi ọkpọsọñ itiat idak isọñ emi Abasi ekesinde owo ikemeke ndinyeñe, ndien ewet mme ikọ emi ke esit: “Abasi ọdiọñọ mme mmọ emi edide Esie,” “Owo kiet ekededi emi ọdọhọde ete ke imọ idi eke Abasi enyene ndidiañade nsaña ñkpọñ edinam idiọkñkpọ,”20Ke akwa ufọk, mme usan ye bọwut edu kutọ kutọ: Ubak eda sidibe (silfa) ye gold enam, eken eda eto ye ndom enam, enim ubak mmọ enọ mme akpan usen ñkpọ ntibe, ndien ekama ubak mmọ didie didie.21Edieke owo kiet ekededi anamde idem esie asana onyuñ adiañarede nsaña ọkpọñ kpukpru mme ndiọiñkpọ emi, eyeda enye enam ñkpọ ke ata asaña asaña usuñ, koro enye adiañarede idem esie enim ọnọ eteufọk esie ndida enye nnam kpukpru nti utom.22Diañade kpọñ mme idiọk udọñ ini uyen, edi ñwana eti eti kabaña edinen ido, mbuọtidem, ima, ye emem, diana kiet ye mme mmọ emi ekotde Abasi ke edisana esit.23Edi kubuana ke ndisime ye eneni unana ibuot, koro afo ọmọdiọñọ ete ke ñkpọ ntem ọkọsuñọ ke utọk.24Isuñutom Abasi inyeneke ndidi owo utọk. Enye enyene ndifọn ido ye kpukpru owo, enye enyene ndidi eti andikpep emi enyenede ime,25emi enyenede suñsuñ ido uwem ke ini emi enye eneñerede mme mbon emi enenide eneni ye enye. Man otodo mme Abasi eyenọ mmọ ifet nditua ñkpọfiọk ñnyuñ ndiọñọ akpanikọ.26Ndien mmọ eyefiak ediọñọ idem mmọ, ndien ebọhọ afia Setan, emi ekemumde mmọ onyuñ anam mmọ esuk ibuot enọ uduak esie.Biblica, Inc.