ቲቶ1
1የሱስ ክርስቶስ ኪቴዳ ታን ጳዉሎስ፥ ጾሳ አይል፥ ሀ ዳብዳቢያ ጻፋይ። ጾሳይ ዶሬዳ አሳዉ አማኑ ደአናዳንነ ጾሳ ቱማተ ኤራኮ ኡንቱንታ ካለናዳን ታን ዶረታደ ኪተታድ።2ዎርዶተና ጾሳይ ኑዉ ሀ መና ደኡዋ ዳሮ ዎድያፐ ካሰ እማና ጌዳ።3ጾሳይ ኑና አሽያዌ ልከ ዎድያን ባረ ቃላን ሀዋ ቆንጭሴዳ፤ እ ሀዳሪደ ታና አዛዜዳዋዳን፥ ታን አ ቃላ ኦዳይ።4አማኑዋ እትፐተን ታ ቱሙ ናኣ ነዉ ቲቶ፥ ጾሳ አዉዋፐነ ኑና አሽያ የሱስ ክርስቶሳፐ፥ አ ኬካተይ፥ ማሮተይነ ሳሮተይ ግዶ።
ቲቶ ቃርጼሳን ኦያ ኦሱዋ
5ታን ኔና ቃርጼሳን አጋደ ዬዳዌ፥ ኔን አቶዋ ጊግሳናሳነ፥ ታን አዛዜዳዋዳን፥ ካታማ ኡባን ዎሳ ጎልያ ጭማቱዋ ዶራናሳ።6ጭማይ ቦረተናዋነ እት ማቻት ጻላላይ ደእያዋነ አማንያ ናናይ ደእያዋ ግዳናዉ በሴ፤ አ ናናይ ሻሉዋ ባይዝያባንነ ዎይ አዛዘተናን እጽያባን አሳይ አማሳለናዋንታ ግዳናዉ በሴ።7አያዉ ጎፐ፥ ሄ ጭማይ ጾሳ ኦሱዋ አዛዝያ ካፑዋ ግዲደ፥ ፖክሰናዋ፥ ኦቶረተናዋነ ኤለ ሀንቀተናዋ ግዳናዉ በሴ፤ ቃይ ማተናዋ፥ ሱገናዋነ ዮራተናዋ ግዳናዉ በሴ።8ሽን እማ ሞክያዋነ ሎኦባ ዶስያዋ ግዳናዉ በሴ፤ ቃይ አኬካንቻ፥ ጽሉዋ፥ ጌሻነ ባረና ናግያዋ ግዳናዉ በሴ።9አማነትያ ደኡ ቤትያ ትምርትያና ጊግያ ቃላ እ ሎይ ኦይቆ። ያቶፐ ሀራቱዋ ቱሙ አማኑዋ ታማርስያዋን መንናዉነ ቃይ ሄዋ እጽያዋንታካ ዞራናዉ ዳንዳያናዋ።10አያዉ ጎፐ፥ አዛዘተናዋንቱ፥ ማደናዋ ሃሳይያዋንቱ፥ ሀራቱዋ ጭምያዋንቱነ ቃጻረቴዳ አይሁዳ አማንያዋንቱ ባጋ ግዴዳ ዳሮ አሳቱ ደኢኖ።11ኡንቱንቱ ታማርሳናዉ በሰና ፖክያ ኦግያን ሚሻ ደማናዉ ታማርስያዋን ጎልያ ኡባ ባይዝያ ድራዉ፥ ኡንቱንቱ ሃሳያ ተአና በሴ።12ኡንቱንቱ ግዶፐ እቱ፥ ትምቢትያ ኦድያዌ ኡንቱንቶ፥ “ቃርጼሰ አሳይ ኡባ ዎደ፥ ዎርዳቱዋ፥ ኢታ ዱአቱዋነ ዮራንቻ፤ ቃይ አዛላ አሳ” ያጌዳ።13እ ማርካቶዌ ቱማ፤ ሄዋ ድራዉ፥ ኔን ኡንቱንቶ ምኖ አማኑ ደአናዳንነ ቃይ አይሁዳቱዋ ቶሳነ ቱሙዋ እጼዳ አሳቱዋ አዛዙዋ ኡንቱንቱ ስሰናዳን፥ ኡንቱንታ ምንሳደ ሴራናዉ በሴ።15ባረንቱ ሁጰዉ ጌሻ ግዴዳዋንቶ ኡባባይካ ጌሻ፤ ሽን ቱናቶነ አማነናዋንቶ ኡንቱንቱ ዎዛና ቆፋይነ ኡንቱንታ ሱረ ዎዛናይ ቱኔዳ ድራዉ፥ ኡንቱንቶ አያይነ ጌሻ ግደና።16ኡንቱንቱ ባረንቱ ጾሳ ኤርያዋ ቆንጭያን ኦዲኖ፤ ሽን ኡንቱንቱ ሸነይያዋንታ፥ አዛዘተናዋንታነ ኦሱዋ ኡባዉካ ጊገናዋንታ ግድያ ድራዉ፥ ባረንቱ ኪታን አ ኤሮኮ ጊኖ።The Word for the World International