ማዝሙርያ2
ጾሳን ዶረቴዳ ካትያ
1አማነናዋንቱ አያዉ ደንዲኖ?ቃይ ካዉተቱ አያዉ ፓናባ ማቀቲኖ?2ሳኣ ካተቱ ደንዴድኖ፤አሳ ሞድያዋንቱ እትፐ ሺቄድኖ።ኡንቱንቱ መና ጎዳ ቦላነእ ኦኬዳዋ ቦላ እትፐ ሺቄድኖ።3ኡንቱንቱ፥ “ኑን ኡንቱንቱ ሳንሳላታ ዱይተ፤ኡንቱንቱ ኑና ቃችያዋካ ዎራ ኦሎይተ” ያጊኖ።4ሳሉዋን ባረ አራታን ኡቴዳዌኡንቱንቱ ቦላ ሚጬ፤ጎዳይ ኡንቱንቱ ቦላ ቅሊጬ።5እ ባረ ሀንቁዋን ኡንቱንታ ሴሬ፤ባረ ዎልቃማ ሀንቁዋን ኡንቱንታ ያሽሴ።6ጎዳይ፥ “ታን ታ ጌሻ ደርያ ጽዮነ ቦላታ ካትያ ካዉድ” ያጌ።7ሄ ካቲ፥ “ታን መና ጎዳ ህግያ አዋያና፤እ ታና፥ ‘ኔን ታ ናኣ፤ታን ሀች ነዉ አዉዋ ግዳድ።8ኔን ታና ኦቻ፤ታን ካዉተ ኡባ ነዉ እማና፤ሳኣ ኡባይ ነባ ግዳናዋ።9ኔን ብራታ ጻምአን ኡንቱንታ መንሬና፤ኡንቱንታ ኔን ኡርቃ ሚሻ መንያዋዳን ሊቅሳና’ ያጌ” ያጌዳ።10ሄዋ ድራዉ፥ ህንተኖ ካተቶ፥ ኤያቶፕተ፤ሀ ሳኣ ሞድያዋንቶ፥ ህንተና ናግተ!11መና ጎዳዉ ያሻተን ኦተ፤ኮኮርሳን አዛዘትተ።12ጾሳይ ሀንቀትና፥ ኦግያን ህንተ የናዳን ሱረ ዎዛናን አዉ ጎይንተ፤አያዉ ጎፐ፥ አ ሀንቁ ኤለካ ኤጽ ከሳና።ባቃት አን ቆሰት አትያ ኡባቱ አንጀቴዳዋንታ።The Word for the World International