ያቆባ ኪታ1
1ታን ያቆብ ጾሳ አይሊነ ጎዳ የሱስ ክርስቶሳ አይሊ፥ ቢታ ኡባን ላለቴዳ ታማነ ላኡ ዘረቶ ሳሮታ ኪታይ።
ዳንዳያ፥ አማኑዋ፥ አዳ ኤራተ
2ታናዳን ጾሳ ካልያዋንቶ፥ ህንተ አማኑ ፓጨትያዌ ህንተንቶ ዳንዳያ እማናዋ ኤሪደ፥ ዱማ ዱማ ፓጪ ህንተና ጋክያ ዎደ፥ ሄዋ ኩመን ናሸቻዳን ፓይድተ።4ህንተ ዳንዳያይ አይነ ባል ባይናን ህንተና ምኔዳዋንታነ ፓጭ ባይናዋንታ ኦደ፥ ባረ ኦሱዋ ፖሎ።5ሽን ህንተፐ ኦንነ ባረዉ አዳ ኤራተይ ዮፐ፥ ካናን ኡባዉ ኬካተን እምያ ጾሳ ዎሶ። እ አዉ እማና።6ሽን እ አያንነ ስናን አማኑዋን ጾሳ ዎሶ። አያዉ ጎፐ፥ ስያ ኡራይ ጫርኩ ሱግና ቃጽያ አባ ቤታ ማላ።7አያዉ ጎፐ፥ ላኡ ቆፋይ ደእያ ኡራይ፥ ባረ ኦግያ ኡባን ባረ ቆፋ ቃቼናዌ፥ ሄ ኡራይ ጎዳፐ አይነ ደማናዉ ቆፖፖ።ህዬሳ አሳነ ዱረ አሳ ናሸቻ
9ሽን ህዬሳ እሻይ ጾሳይ አ ቁ ኦዳ ዎደ ናሸቶ።10ቃይ ዱረ እሻይካ ጾሳይ አ ካዉሽሴዳ ዎደ ናሸቶ። አያዉ ጎፐ፥ ዱረ ብታኒ ማታ ግዶን ድጭያ ጪሻዳን ያና።11አያዉ ጎፐ፥ አዋይ ባረ ሴላና ከሲደ፥ ማታ መልስና፥ ጪሻይ ዬ፤ ቃይ አ ማላ ሎኦተይካ ዬ፤ ሄዋዳንካ ቃይ ዱረ ብታኒ ባረዋ ኦደ ያና።አሳ ቦላ ጋክያ ፓጭያ
12ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ እ አካና።13ኦንነ ፓጨቴዳ ዎደ፥ “ታና ጾሳይ ፓጬ” ጎፖ። አያዉ ጎፐ፥ ጾሳይ ኢታን ፓጨታናዉ ዳንዳየና፤ ቃይ እ ባረ ሁጰዉ ኦናነ ፓጨና።14ሽን አሳይ ሁጲያን ሁጲያን ባረ ሁጰ ኢታ አሙዋን ጎሸትያ ዎደነ ጭመትያ ዎደ ፓጨቴ።15ሄዋፐ ጉይያን፥ አሙ ሻሃሪደ፥ ናጋራ የሌ፤ ቃይ ናጋራይ ድጪደ፥ ሀይቁዋ የሌ።16ታናዳን ጾሳ ካልያዋንቶ፥ ጭመቶፕተ።17ሎኦ እሙዋ ኡባይነ ኩመን ዎይታ ኡባይ ሳሉዋፐ ዬ። ሳሉዋ ፖኡዋ መዳ አዉዋፐ ዬ፤ ጾሳይ ባረ ሁጰዉ ዱማተናነ ዎይ ባረ ኩዋ ላመና።18ኑን እ መዳ መታቱዋ ግዶን ቃሳ አካናዳን፥ ኑና ባረ ሸንያን ቱሙ ቃላን የሌዳ።ስሴዳዋ ኦሱዋን ፔሽያዋ
19ታናዳን ጾሳ ካልያዋንቶ፥ ሀዋ ሀሳይተ፤ አሳይ ኡባይ ስሳናዉ ኤሌሎ፤ ሽን ሃሳያናዉነ ሀንቀታናዉ ኤሌሎፖ።20አያዉ ጎፐ፥ አሳ ሀንቁ ጾሳይ ኮይያ ጽሎተ አሄና።21ሄዋ ድራዉ፥ ቱና ሀኖታ ኡባነ ኢታተ ኡባ ህንተፐ ይሲደ፥ ጾሳይ ህንተ ዎዛናን ቶኬዳ ህንተ ሸምፑዋ አሻናዉ ዳንዳይያ ቃላ አሽከተን አክተ።22ሽን ጾሳ ቃላ ኦሱዋን ፔሽተፐ አትን፥ ስሳ ጻላላን ህንተ ሁጲያ ጭሞፕተ።23አያዉ ጎፐ፥ ቃላ ስሲደ ኦና ኡራይ ደኦፐ፥ እ ባረ ማላ ማስቶትያ ጼልያ ኡራ ማላ።24እ ባረና ጼሊደ ቤ፤ ኤለካ እ አይ ማለንቶነ ዶግ አጌ።25ሽን ኦንነ አይለተፐ ከስያ ባል ባይና ህግያ ጼሊደ፥ አን አቅያዌ ቃይ አ ናግያዌ፥ ስሴዳዋካ ዶገናዌ፥ ሄ ኡራይ ባረ ኦያ ኦሱዋን አንጀታና።26ባረ እንጻርሳ ናገናን ባረና ጭሚደ፥ ባረዉ ጾሳ ጎይንያዋ ማላትያ ኡራይ ደኦፐ፥ አ ጎይናይ መላ።27ጾሳ አዉዋ ስንን ፖኩ ባይና ጌሻ ጎይናይ ሀዋ፤ ሄዌ ሀቃዌ ጎፐ፥ አታ አዉ ባይና ናናቱዋነ ዋየትያ አምኤቱዋ ማዳናዋነ ሳኣ ናጋራ ቅታፐ ባረ ሁጲያ ናጋናዋ።The Word for the World International