ኢስያሳ62
1ጽዮነ ድራዉ፥ ታን ጮኡ ጊከ፤ የሩሳላመ ጽሎተይ ዎልቃማ ፖኡዋዳን፥ እ አቶተይካ ኤጽያ ጾምፕያዳን ፖአና ጋካናዉ፥ ታን ጮኡ ጊከ።2ካዉተቱ ነ ጽሎተ፥ ካተቱ ኡባይካ ነ ቦንቹዋ በአና። መና ጎዳይ ባረ ዶናፐ ሱንያ ኦራ ሱንን ኔን ጼሰታና።3ኔን መና ጎዳ ኩሽያን ሎኤዳ አሌቁዋነ ካዉተ ካላቻ ማላ ግዳና።4ሀዋፐ ስንናዉ ኔን፥ “ዶገታ አቴዳኖ” ጌተታካ። ቃይ ነ ቢታታካ፥ “መላ አቴዳኖ” ጌተቱኩ። ሽን ኔን፥ “ታ ናሸቻይ እን ደእያኖ” ነ ቢታታካ፥ “አስና ገሌዳኖ” ጌተታና። አያዉ ጎፐ፥ መና ጎዳይ ኔናን ናሸታና፤ ነ ቢታትዉካ እ አስና ማላ ግዳናዋ።5ዎዳላይ ዎዶራቶ ማችያዋዳን፥ ነ ናናይ ኔና አካና፤ ማቻቶ ቡላችያዌ ቡላቼትያንን ናሸትያዋዳን፥ ሄዋዳንካ፥ ነ ጾሳይ ኔናን ናሸታና።6ኔኖ የሩሳላመ፥ ነ ድርሳ ግምቢያ ቦላን ዎችያዋንታ ታን ዎድ፤ ኡንቱንቱ ጋላስካ ቃማካ ጮኡ ጊክኖ።7ህንተኖ፥ የሩሳላመባ መና ጎዳ ሀሳይስያዋንቶ፥ እ የሩሳላመ ኬጻና ጋካናዉነ ቢታ ኡባ ቦላን ናሸቴዳ ካታማ ኦና ጋካናዉ፥ ህንተዉካ ሸምፖፕተ፤ አካ ሸምፕሶፕተ።8መና ጎዳይ ባረ ኡሸቻ ኩሽያንነ ባረ ዎልቃማ ቀስያን ሀዋዳን ያጊደ ጫቄዳ፤ “ታን ላኤን ህንተ ካ ህንተ ሞርከቶ ቁማ ኦደ እምከ፤ ቃይ ህንተ ዳቡሬዳ ህንተ ዎይንያ ኤሳካ አላጋቱ ኡሽክኖ።9ሽን ጫኬዳዋንቱ ባረንቱ ካ ማና፤ ያቲደ መና ጎዳ ኡንቱንቱ ጋላታና፤ ዎይንያ ቴራ ማጼዳዋንቱ ታ ጌሻ ጎልያ ዳባባን ኡሻና” ያጌ።10አተ! ፐንግያና ከሲደ ቢተ! አሳዉ ኦግያ ከስተ! ከስተ፥ ዎጋ ኦግያ ከስተ! ሹቻቱዋካ ድግተ፤ ካዉተቱ ኦግያ ደማና ማላ፥ ባንድራ ኤስተ።11በእተ፥ መና ጎዳይ ቢታ ሳኣ ጋጻን ሀዋዳን ያጊደ አዋዬዳ፤ “ጽዮነ አሳዉ ሀዋዳን ያግተ፤ ‘በእተ፥ ህንተና አሽያዌ ጋኬዳ! በእተ፥ አ ጋቲ አናና ደኤ፤ ኦሶ እ እምያ ኬርሱካ አ ስንን ደኤ’ ያግተ” ያጌዳ።12ህንተ፥ “መና ጎዳይ ዎዜዳ ጌሻ አሳቱዋ” ጌተቲደ ጼሰታና፤ የሩሳላመካ፥ “ኮየቴዳኖ፥ አግ ባሽቤና ካታማቶ” ጌተታና።
The Word for the World International