ኢስያሳ45
ጾሳይ ቂሮሳ ካትያ ከሳናዉ ዶሬዳ
1መና ጎዳይ ኦኬዳዎ፥ ካዉተቱዋ አዉ ሞድሳና ማላ፥ ካተቱ ዳንጩዋ ብላና ማላነ ፐንጊካ አዉ አ ስንን ዶየታና ማላ፥ አ ኡሸቻ ኩሽያ ኦይቄዳ ቂሮሳዉ ጾሳይ ሀዋዳን ያጌ፤2“ታን ነ ስንና ባና፤ ደረቱዋ ደምባያና። ናሃስያ ብራታ ሳንቃቱዋ መንና፤ ብራታ ኩልቦቱዋካ ቃንጻና።3ኔና ነ ሱንን ጼስያዌ ታና መና ጎዳ፥ እስራኤልያ ጾሳ ግድያዋ ኔን ኤራና ማላ፥ ታን ነዉ ማ ሳኣን ደእያ አቁዋነ ጌማን ቆሰቲደ ዱረታ እማና።4ታ ቆማ ያቆባ ድራዉነ ታን ዶሬዳ እስራኤልያ ድራዉ፥ ታን ኔና ነ ሱንን ጼሳይ። ኔን ታና ኤራና ዮፐ፥ ታን ኔና ቦንቾ ሱንን ጼሳይ።5“ታን መና ጎዳ፤ ታፐ ሀራይ ባዋ፤ ታፐ ሀራ ጾሳይ ደኤና። አዋይ ሞክያሳፐ ቢደ፥ ዉልያሳ ጋካናዉ ደእያ አሳይ ታፐ ሀራይ ባይናዋ ኤራና ማላ፥ ታን ኔና ግጽሳ። ግዶፐነ፥ ኔን ታና ኤራባካ። ታን መና ጎዳ፤ ታፐ ሀራይ ባዋ።7ታን ፖኡዋ ኦይ፤ ማካ መይ። ሳሮተ ኦይ፤ ባሻካ አያይ። ታን መና ጎዳይ፥ ሀ ኡባ የዎቱዋ ኦያዋ።8“ህንተኖ ሳሎቶ፥ ቦላፐ ዱገ ጽሎተ ትግተ፤ ሻረቱካ አ ቡክኖ። ቢታይ ዶየቶ፤ አቶተይካ ፑደ ሞኮ። ጽሎተይካ አናና እትፐ ድጮ። ታን መና ጎዳይ ሀዋ መድ።ጾሳይ መታዉነ ታርክያዉ ጎዳ
9“ባረና መዳዋና ባጸትያዎ አየ አና! አያዉ ጎፐ፥ እ ኡርቃ ሚሻፐ እቱዋ። ኡርቃይ መያዋ፥ ‘አይ ኦይ?’ ዎይ ቃይ፥ ‘ነዉ ኩሺ ባዋ’ ያጊ?10ባረ አዉዋ፥ ‘አያዉ የላዲ?’ ያግያ ኡራዉ፥ ዎይ ባረ ዳዮ፥ ‘አያዉ ታና ሀዋዳን የላዲ?’ ያግያ ኡራዉ አየ አና!11መና ጎዳይ፥ እስራኤልያ ጌሻይ፥ አ መዳዌ፥ ሀዋዳን ያጌ፤ ‘ስንፐ ትምቢትያ ኤራናዉነ ታ ናናቱዋባ ታና ኦቻናዉ ህንተ በሲቴ? ታ ኩሽያን ታን ኦናባካ ታና አዛዛናዉ በሲቴ?12ታን ሳኣ ኦድ፤ አሳካ አ ቦላ መድ። ሳሎቱዋ ታን ታ ኩሽያን ቶላድ፤ ኡንቱንቱን ደእያ መታቱዋ ኡባካ አዛዛድ።13ታን ቂሮሳ ጽሎተን ደንድ፤ አ ኦግያ ኡባካ ሱረ ኦና። ሻሉዋ ጭገናን፥ ዎይ ማታይያ እመናን፥ እ ታ ካታማ ኬጻና፤ ታ አሳካ ኦሞዱዋፐ ከሳና’ ያጌ። ታን ኡባፐ ዎልቃማ መና ጎዳይ ሀዋ ኦዳይ” ያጌ።14መና ጎዳይ ሀዋዳን ያጌ፤ “ግብጼ ዱረታይነ ቶጵያ ዛልኢ፥ ቃይ ጌሳ አዱሳ ግድያ ሳባአ አሳቱካ ኔኮ ዪደ፥ ነባ ግዳናዋ። ኡንቱንቱ ሳንሳላታን ቃሸቲደ፥ ኔና ካላና። ኡንቱንቱ ነዉ ጎይኒድ፥ ‘ጾሳይ ነ ጻላላና ደኤ፤ ሀራይ ባዋ፤ አፐ ሀራ ጾስ ባዋ’ ያጊደ ነዉ ዋትዋታና” ያጌ።15አቤት ጾሳዉ፥ እስራኤልያ አሽያዎ፥ ቱሙዋፐ ኔን ኔና ገንያ ጾሳ።16ኤቃ መያዋንቱ ኡባይካ ዬላታናነ ካዉሻና። ኤቃ ምስልያ መያዋንቱ ኡባይ እትፐ ካዉሻዉ ባና።17ሽን እስራኤልያ መና ጎዳይ መና አቶተን አሽ ድጌዳ፤ ህንተ መናዉካ ዬላትክታነ ካዉሽክታ።18ሳሎቱዋ መዳ መና ጎዳይ፥ ቢታካ ጊግሲደ ኦዳዌ፥ ቃይ አሳይ ደአናዳናፐ አትና፥ ቢታ ጮ መቤና መና ጎዳይ ሀዋዳን ያጌ፤ “ታን መና ጎዳ፤ ታፐ ሀራይ ባዋ፤19ታን ጌማን፥ ሀቃነንቶ እት ማ ጋድያን ሃሳያበይከ። ያቆባ ዘረዉካ፥ ‘ታና ጮ ኮይተ’ ጋበይከ። ታን መና ጎዳይ ቱሙዋ ሃሳያይ፤ ልከባ ኦዳይ።ሳሉዋ ሳኣ መዳ ጾሳነ ባብሎነ ኤቃቱዋ
20“ህንተኖ ካዉተቱዋፐ አቴዳዋንቶ፥ እትፐ ሺቂደ ሃይተ፤ ማታ ሺቅተ። ምፐ ኦሰቴዳ ኤቃ ምስልያ ቶክ ዩይያዋንቶነ፥ አሻናዉ ዳንዳየና ጾሳ ዎስያዋንቶ ኤር ባዋ።21አነ ኦድተ፤ ህንተ ሞቱዋ ሺሽተ፤ ኡንቱንቱካ አነ እትፐ ዞረትኖ። አዱሳ ዎድያፐ ካሰ ሀዋ ኦዴዳዌ ኦኔ? በንፐ ሀዋ አዋዬዳዌ ኦኔ? ታና መና ጎዳ ግድክታየ? ታፐ አትና ሀራ ጾሳይ ባዋ። ታን ጽሎ ጾሳነ አሽያዋ። ታፐ ሀራይ ባዋ።22“ህንተኖ ቢታ ጋጻን ደእያ ኡባ አሳቱ፥ ታኮ ስሚደ፥ አትተ። አያዉ ጎፐ፥ ታን ጾሳ፤ ታፐ ሀራይ ባዋ።23ታን ታ ሁጲያን ጫቃድ፤ ጉየ ስመና ቃላይ ታ ዶናፐ ጽሎተን ከሴዳ፦ ‘አሳይ ኡባይ ታዉ ጉልባታና፤ እንጻርሳ ኡባይካ ታናን ጫቃና’ ያጋድ።24“ኡንቱንቱ ታዋ ሃሳዪደ፥ ‘ጽሎተይነ ምኖተይ መና ጎዳ ጻላላን ደኤ’ ያጋና” ያጌ።አ እጽያዋንቱ ኡባይ አኮ ዪደ ዬላታና።25ሽን እስራኤልያ ዘረይ ኡባይ መና ጎዳን፥ ጾኑዋነ ቦንቹዋ ደማና።
The Word for the World International