ሆሰ6
አሳይ ጾሳኮ ስሞዋ ማላትሴዳ
1እስራኤልያ አሳይ ሀዋዳን ያጌ፤ “ሃይተ! አነ መና ጎዳኮ ስሞይተ። እ ኑና መንሬዳ፥ ሽን እ ኑና ፓና፤ እ ኑና ማዱዳ፥ ሽን እ ኑ ማዱ ቃቻናዋ።2ላኡ ጋላሳፐ ጉይያን፥ እ ኑና ፓና፤ ሄዘን ጋላስ ኑን አ ስንን ደአና ማላ፥ እ ኑና ደንና።3መና ጎዳ አነ ኤሮይተ፤ አ ኤራና ማላ፥ ምንሲደ አነ አ ካሎይተ። አዋይ ሞክያዌ ቱማ ግድያዋዳን፥ እካ ቱሙ ቤታና። ባሳ እራዳን፥ ቢታ አልያ ባልጉዋ እራዳን፥ እ ኑኮ ያና” ያጌ።4ጾሳይ ሀዋዳን ያጌ፤ “ኤፍሬማ አሳዉ፥ ታን ህንተና ዋቶሻ! ይሁዳ አሳዉ፥ ታን ህንተና ዋቶሻ! አያዉ ጎፐ፥ ህንተ ሲቁ ዎንታ ሻርያ ማላ፤ ኤለካ ይያ ጉራ ከተርሳ ማላ።5ሄዋ ድራዉ፥ ታን ትምቢትያ ኦድያዋንቱ ባጋና ህንተና ቃንጸሬድ፤ ታ ዶናፐ ከሴዳ ቃላን ታን ህንተና ዎድ። ታ ፕርዳይካ ህንተ ቦላ ዋልቃንዳን ዋልቃማና።6አያዉ ጎፐ፥ ታን አገና ሲቁዋ ኮያይፐ አትና፥ ያርሹዋ ኮይከ፤ ጾሳ ኤርያዋ ኮያይፐ አትና፥ ጹግያ ያርሹዋ ኮይከ።7“ሽን ኡንቱንቱ አዳመዋዳን፥ ጫቁዋ ኮሌድኖ፤ ያን ታዉ አማነተናን እጼድኖ።8ጋላኣደ ካታማይ ኢታ ኦሱዋ ኦያ አሳቱ ደእያ ካታማ፤ ሄ ካታማይ አሳ ሱን ባይ ኡቴዳ።9ፓንጋቱ አሳ ዎናዉ ቆሰት ኡቲደ ናግያዋዳን፥ ቄሳቱ ዋ ጭታይካ ሄዋዳን ናጌ፤ ሰኬማ ካታማ አፍያ ኦግያን አሳ ዎ። ኤ፥ ኡንቱንቱ ዬላይያ ኮባባ ኦኖ።10ታን እስራኤልያ አሳን ዳጋንያባ በኣድ። ኤፍሬማ ግዶን ሻርሙጻተይ ደኤ፤ እስራኤልካ ቱኔዳ።11“ይሁዳ ቢታ አሳቶ፥ ህንተናካ ሙራና ጋላሳ ታን ኬራ ዎድ።The Word for the World International