እብራዌ7
ቄሳ ማልክ-ጸደቃ
1ሀ ማልክ-ጸደቂ፥ ሳሌማ ካቲ፥ ኡባፐ ቦላ ጾሳ ቄሳይ፥ አብራሃሞ ካተቱዋ ዎደ ኦላፐ ስምሽን፥ አናና ጋከቲደ፥ አ አንጄዳ።2አብራሃሞ ባረ ኦሞዴዳ ኡባፐ አስራታ ከሲደ፥ አዉ እሜዳ፤ ማልክ-ጸደቃ ሱንዉ ኮይሮ ብለይ ጽሎተ ካትያ ግያዋ፤ ቃይ ሳሌማ ካትያ እ ግድያ ድራዉ፥ ላኤን ብለይ ሳሮተ ካትያ ግያዋ።3ማልክ-ጸደቃዉ ዳያ ዎይ አዉ፥ ዎይ አዉ ዛርያ ፓይዱ ባዋ፤ ቃይ አ የለታዉ ዶመይ ዎይ አ ሀይቆ ዉርሰይ ባዋ፤ ሽን ጾሳ ናኣ ማላቲደ፥ መናዉ ቄሳ ግዴዳ።4ኑ አዎቱዋ ካፑ አብራሃሞ ኦላን ኦሞዲደ፥ አሄዳዋፐ አስራታ እሜዳ ማልክ-ጸደቂ አይ ኬና ቁ ግያዌንቶ በእተ።5ቄሳ ግድያ ሌዊያ ዛራቱ እስራኤልያ አሳፐ፥ ሄዌነ ባረንቱ ጋደ አሳፐ ሀራይ አቶ ኡንቱንቱ አብራሃሞ ዛረ ግዶፐነ፥ አስራታ አካና ማላ፥ ህግያን አዛዘቴድኖ።6ማልክ-ጸደቂ ሌዊያ ዛረ ግደና፤ ሽን አብራሃሞፐ አስራታ አኪደ፥ ጾሳይ እማና ጌዳዋ ናግያ አብራሃማ አንጄዳ።7ቃይ አንጅያዌ አንጀትያዋፐ ቁ ግያዌ ፓሉንና።8እት ባጋና፥ ሀይቂያ አሳይ አስራታ ከሴ፤ ሽን ሀራ ባጋና ቃይ፥ ሀይቀና ጊደ ማርካትያ ኡራይ አስራታ ከሴ።9ሀዋዳን ሃሳያናዉ ሀራይ አቶ፥ አስራታ ከስያ ሌዊካ አብራሃሞ ባጋና አስራታ እሜዳ።10አያዉ ጎፐ፥ ማልክ-ጸደቂ አብራሃሞና ጋከትያ ዎደ፥ ሌዊ ብሮ የለትቤና፤ ሽን ባረ ዛርያ አብራሃማ ጉልባታን ደኤ።11እስራኤልያ አሳዉ ህጊ ሌዊያ ዘረቱዋ ቄሰተ ባጋና እመቴዳ። ሄ ቄሰተ ኪታይ ባላይ ባይናዋ ግዶፐ፥ አሮናዋ ማላ ግደናን ማልክ-ጸደቃ ማላ ሀራ ቄሳይ ሱንታናዉ አያዉ ኮሺ?12አያዉ ጎፐ፥ ቄሰተይ ላመትያ ዎደ፥ ህጊካ ቃይ ላመታናዉ ኮሼ።13ሀ የዉ ሃሳየቴዳ ኡራይ ሀራ ዛሪ፤ አ ዛርያፐ ኦንነ ያርሽያሳን ቄሳዳን ኦቤና።14ኑ ጎዳይ ይሁዳ ዛርያፐ ዬዳዌ ኤረቴዳዋ ግድያ ድራዉ፥ ሙሴ ቄሳቱዋባ ሃሳዪደ፥ ሄ ዛርያባ አይነ ሃሳይቤና።ክርስቶስ ማልክ-ጸደቃ ማላ ቄሳ
15ማልክ-ጸደቃ ማላ ሀራ ቄሳይ ዬዳዋ ግድንቶ፥ ሀዌ አደ ኤረታናዋ።16እ አሳ ህግያንነ ዎጋን ቄሳ ግድቤና፤ ሽን ዉረና ደኡዋ ዎልቃን ቄሳ ግዴዳ።17አያዉ ጎፐ፥ ጾሳ ማጻፋይ፥“ማልክ-ጸደቂ ቄሳ ግዴዳዋዳን፥ኔንካ መናዉ ቄሳ ግዳናዋ”ያጊደ ማርካቴ።18በን ደእያ ህጊ ላፋነ ማደናዋ ግድያ ድራዉ አቴዳ።19አያዉ ጎፐ፥ ሙሴ ህጊ አያነ ባላይ ባይናዋ ኦናዉ ዳንዳየና፤ ቃይ ኑን አ ባጋና ጾሳኮ ሺቃና ጊደ ናሸቻን ናግ ኡቴዳ ኡባፐ አያዌ ዬዳ።20ሄዋ ቦላን ቃይ ጾሳ ጫቁካ ደኤ፤ ሀራቱ ቄሳ ግዴዳ ዎደ፥ ሄዋ ማላ ጫቁ ባዋ።21ሽን የሱስ ጫቁዋን ቄሳ ግዴዳ፤ ጾሳይ አ፥“ጎዳይ ጫቄዳ፤ እ ባረ ቆፋ ላመና።‘ኔን መናዉ ቄሳ ግዳና’ ጌዳ”ያጌዳ።22ሄዋ ድራዉ፥ የሱስ ኡባፐ አያ ጫቆ ዋሰ ግዴዳ።23ካሰ ቄሳቱዋ ፓይዱ ጮራ፤ አያዉ ጎፐ፥ ኡንቱንቱ ኦና ኦሱዋ ሀይቁ ድጌዳ።24ሽን የሱስ መናዉ ደእያ ድራዉ፥ አ ቄሰተይ ላመተና።25ሄዋ ድራዉ፥ እ ኡንቱንቱ ግሻታዉ ጋናታናዉ መናዉ ደእያ ድራዉ፥ ጾሳኮ ባረ ባጋና ይያዋንታ ኡባቱዋ አሻናዉ ዳንዳዬ።26ኑዉ ጊግያ ሀዋ ማላ፥ ቄሳቱዋ ኡባቱዋ ካፑ ደአናዉ ኮሼ፤ እ ጌሻ፤ አን ገኒነ ካያባይ ባዋ፤ ናጋራንቻቱዋና እ ጋከተና፤ ቃይ ቃ ሳሉዋንካ እ ቦንቼቴዳ።27ሀራ ቄሳቱዋ ኡባቱዋ ካፓቱዋዳን፥ እ ኮይሮ ባረ ሁጰ ናጋራዉ ያርሺደ፥ ቃይ ጉየፐ አሳ ናጋራዉ ሀቼ ሀቼ ያርሻናዉ ኮሸና፤ እ ባረና ያርሼዳ ዎደ፥ ላኤንናን እት ገደ ያርሼዳ።28አያዉ ጎፐ፥ ሙሴ ህጊ ዳቡራንቻ አሳ ቄሳቱዋ ኡባቱዋ ካፑዋ ኦደ ሱን፤ ሽን ጾሳይ እማና ጊደ ጫቄዳ ህግያፐ ጉየ ዬዳ ቃላይ መናዉ ባላይ ባይናዋ፥ ጾሳ ናኣ ሱን።The Word for the World International