እብራዌ2
ዎልቃማ አንጁዋ
1ሄዋ ድራዉ፥ ኑን ስሴዳ ቱሙ የዉዋፐ ሱገት ዎራ ቤና ማላ፥ ሄ የዉዋ ሎይ ኦይቃናዉ በሴ።2አያዉ ጎፐ፥ ኪታንቻቱ ኦዴዳ ቃላይ ቱማ ግድያ ድራዉ፥ ናቂያ ዎይ አዛዘተና አሳይ ኡባይ ሙረቴዳዋ ግዶፐ፥3ያትና፥ ኑን ሀ ዎልቃማ አቶተ ሸነኮ ጎፐ፥ ዋኒደ አታኔ? ጎዳይ ኮይሮ ባረ ሁጰዉ ሀ አቶተ ኦዴዳ፤ ቃይ እ ኦዴዳዋ ስሴዳዋንቱ ኑዉ ጌሺደ ኦዴድኖ።4ሄ ስሴዳዋንቱ ማርካቴዳዌ ቦላ ጾሳይካ ማላ፥ ኦራባነ ዱማ ዱማ ማላታ ኪተትያዋን ጉጅ ማርካቴዳ፤ ቃይ ጌሻ አያና እሙዋካ ባረ ኮዬዳዋዳን፥ ግሽ ጋዳ።አቶተዉ ካለያዋ
5አያዉ ጎፐ፥ ጾሳይ ኑን ሃሳይያ ስንፐ ያና አላምያ፥ ኪታንቻቱዋ ሞድስቤና።6ሽን ጾሳ ማጻፋይ እትሳን ሀዋዳን ያጌ፤“ጾሳዉ፥ ኔን አሳዋ ቆፓናዉ አሳይ አዬ?ዎይ ኔን አዉ ህርጋናዉ እ አዬ?7ኔን ኪታንቻቱዋፐ፥አማሬዳ ዎድያ አ ጉዳ።አ ሁጲያንካ ቦንቹዋነ፥ሳባ ካላቻ ዎዳ።8ቃይ ኡባባ አ ገድያፐ ጋርሳና ዎደሞድሳዳ”ያጌ። አያዉ ጎፐ፥ ጾሳይ ኡባባካ አ ሞድሴዳዋዳን አን ሞደትቤናዌ አያይነ ባዋ፤ ሽን ሀእ ኡባባይ አዉ ሞደትያዌ ኑዉ ቤተና።9ሽን ኑን የሱሳ በኤቶ፤ የሱስ ጾሳ አ ኬካተ ባጋና አሳ ኡባዉ ሀይቃና ማላ፥ አማሬዳ ዎድያ ኪታንቻቱዋፐ ጋርሳ ግዴዳ። ቃይ ሀይቁዋ ዋይያ እ ዋየቴዳ ድራዉ፥ ፖእያ ቦንቹዋነ ሳባ ካላቻ ዎዳዋ ሀእ ኑን በኤቶ።10ጾሳይ ኡባባ መዳዌ፥ ኡባባካ ናግያዌ፥ የሱስ ዳሮ ናና አሂደ፥ ባረናና ቦንችሳና ማላ፥ ዋይያ ባጋና የሱሳ ባላይ ባይናዋ ኦዳዋ በሴ፤ አያዉ ጎፐ፥ ሄ ናና አቶተዉ ካለያዌ የሱሳ።11አያዉ ጎፐ፥ አሳ ጌሽያ የሱሳዉካ ቃይ ሄ ጌዬዳ አሳ ኡባዉካ አዉ እቱዋ። የሱስ ኡንቱንታ፥ “ታ እሻቱዋ” ጊደ ዬላተናን ጼስያዌ ሀዋሳ።12የሱስ፥“ታን ነ ሱን ታ እሻቶ አዋያና።ማባራ ሺቁዋንካ ኔና ጋላታና”ያጌ።13ቃይ እ፥ “ታን ታ አማኑዋ ጾሳን ዎና” ቃይካ፥ “ጾሳይ ታዉ እሜዳ ናናቱዋና ታን ሀዋን ደአይ” ያጌ።14ናና ጊደ እ ጼስያዋንቱ፥ አሹዋፐነ ሱፐ መቴዳ አሳቱዋ ግድያ ድራዉ፥ የሱስ ባረ ሁጰዉ ኡንቱንታ ማላቲደ፥ ኡንቱንቱ መታ አኬዳ፤ ቃይ እ ሄዋ ኦዳዌ፥ ጻላህያ ካፑዋ ሀይቁዋ ቦላ ማታይ ደእያዋ ባረ ሀይቁዋን ይሳናሳ።15ቃይ ባረንቱ ደኡዋ ኡባን ሀይቆ ያዪደ፥ ሀይቆ አይለቲደ ደእያዋንታ ኡባቱዋ አይለተፐ ከሴዳ።16አያዉ ጎፐ፥ አብራሃማ ዛርያ እ ማድያዋፐ አትን፥ ኪታንቻቱዋ ማደናዌ ኤረቴዳ።17ሄዋ ድራዉ፥ አሳ ናጋራይ አቶ ጌተታና ማላ፥ ጾሳ ኪታን አማነቴዳ ማርያ ቄሳቱዋ ኡባቱዋ ካፑዋ ግዳና ማላ፥ ኡባባን እ ባረ እሻቱዋ ማላታናዉ በሴ።18አያዉ ጎፐ፥ እ ባረ ሁጰዉ ፓጨቴዳ ድራዉነ ዋየቴዳ ድራዉ፥ ፓጨትያዋንታ ማዳናዉ ዳንዳዬ።The Word for the World International