እብራዌ11
አማኑዋ
1አማኑዋ ግያዌ፥ ደማና ጊደ ናሸቻን ናግ ኡቴዳባይ አማንያዋነ በአናዉ ዳንዳየናባ ኤርስያዋ።2ጾሳይ በን ጭማ አሳዉ ማርካታዌ፥ ኡንቱንቱ አማኔዳዋና።3ሳሉነ ሳአይነ ጾሳ ቃላን መቴዳዋ አማኑዋን ኑን ኤሬቶ፤ ሄዋ ድራዉ፥ ቤትያባይ ቤተናባፐ መቴዳ።4አቤል ቃዬላዋፐ አያ ያርሹዋ ጾሳዉ ያርሼዳዌ አማኑዋና። ጾሳይ አ እሙዋባ ማርካቲደ፥ እ ጽሉዋ ግዴዳዋካ ማርካቴዳ፤ አቤል ሀራይ አቶ ሀይቄዳሽንካ፥ ባረ አማኑዋን ሀእ ጋካናዉ ሃሳዬ።5ሄኖክ ሀይቀናን ሳሉዋ ቤዳዌ አማኑዋና፤ ጾሳይ አፌዳ ድራዉ፥ ኦንነ አ በአናዉ ዳንዳይቤና። ጾሳ ማጻፋይ፥ “ሄኖክ ሳሉዋ ባናፐ ካሰ ጾሳ ናሸቼዳ” ያጌ።6አማኑ ባይናን ኦንነ ጾሳ ናሸቻናዉ ዳንዳየና፤ አያዉ ጎፐ፥ ጾሳኮ ይያ ኦንነ ጾሳይ ደእያዋነ ባረና ኮይያዋንቶ ዎይታ እምያዋ አማናናዉ ኮሼ።7ኖሄ በአናዉ ዳንዳየና ስንፐ ሀናናባዉ ጾሳይ፥ “ኔና ናጋ” ጊና፥ ጾሳዉ ያዪደ፥ ባረናነ ባረ ሶይ አሳ አሻናዉ ማርካብያ መዳዌ አማኑዋና፤ ያቲደ ሄዋን ሀ ሳኣ ቦላ ፕርዲደ፥ አማኑዋን ቤትያ ጽሎተካ ጾሳፐ አኬዳ።8አብራሃሞ ላታናዳን፥ ጾሳይ ባረዉ እማና ጌዳ ጋድያ ባና ማላ፥ ጾሳይ ባረና ጼሴዳ ዎደ፥ አዛዘቴዳዌ አማኑዋና፤ እ ባረ ጋድያፐ ከሲደ ብያ ዎደ፥ ሀቃ ብንቶነ ኤረናን ከሴዳ።9አብራሃሞ ጾሳይ ባረዉ እማና ጌዳ ጋድያን ሀራ ቢታ አሳዳን ደኤዳዌ አማኑዋና፤ ጾሳይ ሄ እማና ጌዳዋ ባረናና እትፐ ላታና ይሳቃናነ ያቆባና ዱንካንያን ደኤዳ።10አያዉ ጎፐ፥ አብራሃሞ ጾሳይ ሎኦ ባሱዋን ቆፒደ ኬጼዳ ካታማ ናጌ።11ሳራ ባረ ሁጰዉ ሀራይ አቶ ኤጫደካ፥ እማና ጌዳ ጾሳይ አማነቴዳዋ ግዴዳዋ ኤሬዳ ድራዉ፥ ናኣ ሻሃራናዉ ዎልቃ ደሜዳዌ አማኑዋና።12ሄዋ ድራዉ፥ ሀይቄዳ አሳ ማላትያ እት ብታንያፐ ሳሉዋን ደእያ ጾልንትያ ኬና፥ አባ ጋጻን ደእያ ፓይዱ ባይና ሻፍያ ኬና ዛራቱ የለቴድኖ።13ሄ አሳቱ ኡባቱ አማኑዋን ሀይቄድኖ፤ ባረንቶ ጾሳይ እማና ጌዳዋካ አክበይክኖ፤ ሽን ሃኩዋን ሄዋ በኢደ፥ ሳሮቴድኖ። ቃይ ኡንቱንቱ ሳኣን እማነ የደርሰቲደ ከሴዳ አሳቱዋ ግዴዳዋ ኤሬድኖ።14አያዉ ጎፐ፥ ሄዋዳን ግያ አሳቱ ባረንቱ ሁጰ ጋድያ ኮይያዋ ኤርሲኖ።15ኡንቱንቱ ሄ የጊደ ከሴዳ ጋድያ ስማናዉ ቆፔዳዋ ግድንቶ፥ ጉየ ስምያ ካጫ ደመናን አግክኖ፤ ሽን16ኡንቱንቱ ሄዋ አጊደ፥ ሎእያ ጋድያ ላሞቲኖ፤ ሄዌ ሳሉዋ ጋድያ። ሄዋ ድራዉ፥ ጾሳይ ኡንቱንቱ ጾሳ ጌተታናዉ ዬላተና። አያዉ ጎፐ፥ እ ኡንቱንቶ ካታማ ጊግስ ዎዳ።17አብራሃሞ ይሳቃ ያርሻነንቶ ዎይ ያርሸነንቶ፥ ጾሳይ ኤራናዉ ጾሞሴዳ ዎደ፥ አብራሃሞ አማኑዋን አ ያርሼዳ። ጾሳይ አብራሃማ፥ “ነ ዛሪ ይሳቃ ባጋና ጼሰታናዋ” ጌዳሽንካ፥ አብራሃሞ ባረ ናኣ ይሳቃ ያርሻናዉ ጊጌዳ።19አብራሃሞ ጾሳይ ይሳቃ ሀራይ አቶ፥ ሀይቁዋፐካ ፓናዉ ዳንዳይያዋ ኤሬዳ፤ ሄዋ ድራዉ፥ ሀይቁዋፐ ጉየ አ ዛሪደ አኬዳ።20ይሳቅ ስንፐ ሀናናባዉ ያቆባነ ኤሳ አንጄዳዌ አማኑዋና።21ያቆብ ሀይቃና ሀኒደ፥ ዮሴፎ ናና ሁጲያን ሁጲያን አንጄዳዌነ ጋትማን ጉፈቲደ፥ ጾሳዉ ጎይኔዳዌ አማኑዋና።22ዮሴፎ ሀይቃናዉ ማቲደ፥ እስራኤልያ አሳይ ግብጼፐ ከሳናዋ ሃሳዬዳዌነ ባረ መቀ ኦናባ ኡንቱንታ አዛዜዳዌ አማኑዋና።23ሙሴ የለቴዳዋፐ ጉይያን፥ አዉነ አታ ማላ ሎኦ ናኣ ግዴዳዋ በኢደ፥ ሄዙ አገና ቆሴዳዌ አማኑዋና፤ ኡንቱንቱ ካትያ አዋዮካ ያይበይክኖ።24ሙሴ ድጬዳዋፐ ጉይያን፥ ግብጼ ካትያ ናት ናኣ ጌተታናዋ እጼዳዌ አማኑዋና።25ናጋራን ሙሴ ጉ ዎድያ ናሸታናዋፐ፥ ጾሳ አሳና ዋየታናዋ ዶሬዳ።26ዎደፐ ደማና ዎይታ እ ትሽ ኦደ ጼሎ ድራዉ፥ ግብጼ ጋድያ ሻሉዋ ኡባፐ ክርስቶሳ ድራዉ ቦረትያዌ ዳሮ አያ ዱረተ ግዴዳዋ ቆፔዳ።27ካትያ ሀንቆ ሙሴ ያየናን፥ ግብጼ ጋድያፐ ከሴዳዌ አማኑዋና፤ አያዉ ጎፐ፥ ቤተና ጾሳ በኤዳዋዳን፥ ገንጪደ ስንዉ ቤዳ።28ሀይቁዋ ኪታንቻይ እስራኤልያ አሳዉ ባይራ ናና ቦቼናዳን፥ ሙሴ ፓስጋ ቦንቼዳዌነ ጉባንያን ሱ ጫጫፍሴዳዌ አማኑዋና።29እስራኤልያ አሳይ መላ ቢታን ሀመትያዋዳን፥ ዞኦ አባ ፕኔዳዌ አማኑዋና፤ ሽን ግብጼ አሳቱ ፓጨዉ ገልሽን፥ ሃይ ኡንቱንታ ምት አጌዳ።30እስራኤልያ አሳይ እያርኮ ግያ ካታማ ሹቻ ድርሳ ላፑ ጋላሳ ዩይ ዩይ አዋፐ ጉይያን፥ ሄ ሹቻ ድርሳይ ኩንዴዳዌ አማኑዋና።31ጫራታ ራኣባ የዉዋ ቆርያዋንታ ሎይ ሞኬዳ ድራዉ፥ ጾሳዉ አዛዘተናን እጼዳ አሳና ሀይቀናን አቴዳዌ አማኑዋና።32ስም ሀራባ ጉጃደ አያ ኦዶ? ጌዶናባ፥ ባራቃባ፥ ሳምሶናባ፥ ዮፍታሄባ፥ ዳዊተባነ ሳሜላባ፥ ቃይ ናባቱዋባ ኦዳናዉ ታዉ ዎዲ ግደና።33ኡንቱንቱ ካትያ ኡባና ኦለቲደ ጾኔዳዌነ ጽሎባ ኦዳዌ አማኑዋና፤ ያቲደ ጾሳይ እማና ጌዳዋ አኬድኖ፤ ጋሞቱዋ ዶናካ ጎርዴድኖ።34ዎልቃማ ታማ ቶይሴድኖ፤ ኩሳ ማሻፐ አቴድኖ፤ ኡንቱንቱ ዳቡራንቻ፤ ሽን ምኔድኖ፤ ቃይ ኦላን ምኒደ፥ ሀራ ጋድያ ኦላ አሳ የደርሴድኖ።35ማጫዋንቱ ባረንቱ ሀይቄዳዋንታ ሀይቁዋፐ ደንድና አኬድኖ።ቃይ ሀራንቱ ቃሹዋፐ ብለታናዋ እጺደ፥ ኬክያ ደኦ ሀይቁዋፐ ደንዳናዉ፥ ኡጋቲደ ሀይቄድኖ።36ሀራቱዋ ቦላ አሳይ ቅሊጭ ካኤዳ፤ ልሱዋን ሾጨቴድኖነ ሳንላታን ቃሸቲደ፥ ቃሾ ጎልያ ገሌድኖ።37ሹቻን ጫደቴድኖ፤ ማጋዝያን ላኡ ከሲደ ጳልቀቴድኖ፤ ፓጨቴድኖ፤ ማሻን ሀይቄድኖ፤ ኡንቱንቶ ኡባባይካ ይና፥ ዋየቲደ ቱጋቲደ፥ ዶርሳ ጫላነ ዴሻ ጫላ ማዪደ ዩዬድኖ።38ኡንቱንቶ ሀ አላሚ ጊገናን እጽና፥ ዎራን፥ ደርያን፥ ጎንጎሉዋ ግዶንነ ኦላ ግዱዋን ዩዬድኖ።39ጾሳይ ኡንቱንቱ አማኑዋ ማርካቶፐካ፥ ሄዋንቱ ኡባቱ እ፥ እማና ጌዳዋ አክበይክኖ።40ጾሳይ ኑዉ እት ሎኦ ቆፋ ቆፕ ዎዳ ድራዉ፥ ኡንቱንቱ ኑን ባይናን ባላይ ባይናዋንታ ግድክኖ።
The Word for the World International