ዶመ33

ያቆብ ኤሳና ጋከቴዳ

1ያቆብ ቁ ግ ጼሊደ፥ ኤሳይ ባረ ኦይዱ ጼቱ አሳና ይያዋ በኤዳ። ሄዋ ድራዉ ናና ልይዉ፥ ራሄልዉነ ላኡ ቆማቱዋኮ ሻኬዳ።2ቆማቱዋነ ኡንቱንቱ ናና ስንን፥ ልዮነ እ ናና ኡንቱንቱ ጌዱዋን፥ ራሄሎነ ዮሴፋ ዉርሰን ዎዳ።3ሽን እ ባረ ሁጲያዉ ስንዉ አደ፥ ባረ እሻኮ ማቲደ፥ ሳኣ ጋክ ጋኪደ ላፑን ካላ ጎይኔዳ።
4ሽን ኤሳይ አናና ጋከታናዉ ዎጺደ፥ አ ቆያ ቆም የሬዳ። ኡንቱንቱ ዬኬድኖ።5ያትና ኤሳይ ቁ ግ ጼሊደ፥ ማቻቱዋነ ናና በኤዳ፤ እ፥ “ሀ ኔናና ደእያዋንቱ ኦኔ?” ያጊደ ኦቼዳ።
ያቆብ፥ “ኡንቱንቱ ጾሳይ ነ ቆማዉ ኬካተን እሜዳ ናና” ያጌዳ።
6ቆማቱ ባረንቱ ናናቱዋና ሺቂደ ጎይኔድኖ።7ሄዋፐ ጉየ፥ ልያነ እዝ ናናይ ዪደ ጎይኔድኖ፤ ዉርሰን ዮሴፎነ ራሄላ ዪደ ጎይኔድኖ።
8ኤሳይ፥ “ሀ ስንን ታናና ጋከቴዳ ዉዲ ኡባይ ቃይ አዬ?” ያጊደ ኦቼዳ።
እ፥ “ታ ጎዳዉ፥ ሄዌ ታን ነ ስንን ናሸታናሳ” ያጌዳ።
9ሽን ኤሳይ፥ “ታ እሻዉ፥ ታዉ ዳሮባይ ደኤ፤ ነዌ ኔሳ ግዶ” ያጌዳ።
10ያቆብ፥ “ቱይት፥ ሀእ ታን ነ ስንን ናሸቴዳዋ ግዶፐ፥ ሀ ታን እምያዋ ታፐ አካ። ኔን ታና ሞካ አኬዳ ድራዉ፥ ታን ነ ዴሙዋ በእያዌ ጾሳ ዴሙዋ በእያዋ ማላ።11ታን ነዉ አሄዳ ሀ እሙዋ አካ፤ አያዉ ጎፐ፥ ጾሳይ ኬኪደ እምና፥ ታዉ በሴዳ” ያጌዳ። ያቆብ ሾብያ ቶሌዳ ድራዉ፥ ኤሳይ ሄዋ አኬዳ።
12ሄዋፐ ጉየ ኤሳይ፥ “አነ ደንዳ፤ ኑ ኦግያ ቦይተ፤ ታን ኔናና እትፐ ባና” ያጌዳ።
13ሽን ያቆብ አ፥ “ታ ጎዳዉ፥ ናናይ ሹጋ ግድያዋ ኤራሳ፤ ቃይ ታን ባረንቱ ጋሎ ማራቱዋ ንያ ዶርሳቱዋነ ሚዛ ናጋና ኮሼ፤ አሳይ ኡንቱንቱ እት ጋላሳ ድርቢስ ላጎፐ፥ መህያ ኡባይ ሀይቃና።14ሄዋ ድራዉ፥ ታ ጎዳዉ፥ ነ ቆማፐ ስንታደ ባ፤ ታን ሰኢራን ታ ጎዳ ጋካናዉ፥ ታ ስንን ደእያ መህያ ሄመታ ኬናነ ናና ሄመታ ኬና ሎዳን ካላና” ያጌዳ።
15ኤሳይ አ፥ “ያቶፐ ታን ታ አሳፐ አማሬዳዋ ነዉ አሻይ” ያጌዳ።
ሽን ያቆብ አ፥ “ሄዌ አይሴ? ታን ታ ጎዳ ስንን ናሸትያዌ ታዉ ግዳና” ያጌዳ።
16ሄዋ ድራዉ ኤሳይ ሄ ጋላስ ኦግያን ገሊደ፥ ሰኢራ ስሜዳ።17ሽን ያቆብ ሱኮታ ቤዳ፤ ያን ባረዉ ጎልያ ኬጼዳ፤ ባረ መሄቶካ ዳስያ ዳሴዳ። ሄዋ ድራዉ ሄ ሳኣ ሱኮታ ጊደ ሱንዳ።
18ያቆብ ማስጰጾምያፐ ስሜዳ ዎደ፥ ካናነ ቢታን ደእያ ሰኬመ ግያ ካታማ ሳሮተን ጋኬዳ፤ እ ሄ ካታማዉ ባዙዋን ኡቴዳ።19ባረ ዱንካንያ ጌዳ ጋድያ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ።20ያን ያርሽያ ሳኣ ኬጺደ አ፥ “ጾሳ፥ እስራኤልያ ጾሳ” ጊደ ሱንዳ።

The Word for the World International

https://app.library.bible/content/812ecd29a9e60fdc