ኤራንቻ12
1ነ ያላጋተ ላይን ኔና መዳዋ ቆፓ። መትያ ጋላሳቱ ዬናን ደእሺና፥ ኔን፥ “ታና ሀዌ ናሸቼና” ግያ ዎደቱ ጋከናን ደእሽና፥2አዋይነ ፖኡ፥ አግናይነ ጾልንቲ መናን ደእሺና፥ እራይ ቡክ አናካ ሻሪ ሃ ስመናን ደእሺና፥ ኔና መዳዋ ቆፓ።3አያዉ ጎፐ፥ ሄዌ ጎልያ ናግያዋንቱ ኮኮርያ ዎደ፥ ምኖ አሳይ ቁንያ ዎደ፥ ጋጭያዋንቱ ፓይዱዋን ጉጼዳ ጋሱዋን ጋቻ አግያ ዎደ፥ ቃይ ማስኮትያና ጼልያዋንቱ ጋልጅያ ዎደ ግዳናዋ።4ሄ ዎደ ዎጋ ኦግያኮ ስሜዳ ፐንገቱ ጎርደትያ ዎደ፥ ጋጭያ ዎጻቱዋ ኮሻይ ዝቂ ግያ ዎደ፥ ካፉዋ ዋሱ አሳ ገምእሹዋፐ ቤጎያ ዎደ፥ ሽን፥ የንቻ ማጫ ናናቱዋ የ ኮሻይ ለፕያ ዎደ ግዳናዋ።5ሄ ዎዲ አሳይ ቃ ሳአቱዋ ከሳናዉነ አኮ ኦገቱዋና ሄመታናዉ ያይያ ዎደ፥ ነ ሁጲ ፑሉምያ ዎደ፥ ኔን ኔና ዳንዳያደ ሄመትያዌ ነዉ እጽያ ዎደ፥ አሞይያባይ አግያ ዎደ ግዳናዋ። ሄ ዎዲ አሳይ ባረ መና ጎልያ ብያ ዎደ፥ ዬክያዋንቱካ አኮ ኦግያና ዬኪደ ዩይያ ዎደ ግዳናዋ።6ብራ ቃጭናይ ዱጸናን፥ ዎርቃ ከሪካ መኤናን፥ ሃ ኦቱካ ፑልቱዋ ላንቂያን መኤናን፥ ሃ ፑደ ጎችያ ዎዶሩካ ዱጸናን ደእሺና፥7ቢታይ ካሰ ባረ አከቴዳ ቢታኮ ስመናን፥ ሸምፑካ ባረና እሜዳ ጾሳኮ ስሚደ ቤና ደእሺና፥ ኔና መዳዋ ቆፓ።8ኤራንቻይ ኦዲደ፥ “ሀዳ! ሀዳ! ኡባባይካ መላ!” ያጌዳ።
ጾሳ ቦንቹሳነ አዛዘቱሳ
9ኤራንቻዉ አዳ ኤራተይ ደእያ ድራዉ፥ ኤራተ ደርያ አሳ ታማርሴዳ። እ ዳሮ ሌምሳቱዋ ፕልግ ቆሪደ፥ እቱዋ እቱዋ አ ማራን ማራን ዱማዪደ ኦዳ።10ኤራንቻይ ልከ ግዴዳ ቃላ ደማናዉ ኮዬዳ፤ ሄዋ ድራዉ፥ እ ጻፌዳዌ ሱረነ ቱማ።11ኤራንቻቱዋ ቃላይ ሄንንቻይ ዉድያ ላግያ ጼራ ሌኦ ጻምኣ ማላ። ቃይ እትፐ ሺሼዳ ሌምሶቱካ ጎምፓ ጋኪደ ገልያ ምስማረቱዋ ማላ።12ታ ናአዉ፥ ሀ ኡባፐ ቦላና ኔን ናገታናዉ ኮሽያባይ ደኤ። ማጻፋ ጻፊደ ዉርሳናዉ ዳንዳየተና። ቃይ ዳሮባ ፕልግ ጼሊደ አገናን እጽያዌካ አሳተ ዳቡርሴ።13ሄኮ ኡባባይ ኦደቴዳ፤ ሄዋ ድራዉ፥ ኡባባዉ ኩሻይ ሀዋ: ጾሳዉ ያያ፤ አ አዛዙዋ ናጋ። አያዉ ጎፐ፥ ሄዌ አሳዉ ዋና ኦሱዋ።14ጾሳይ ኦሱዋ ኡባ ቦላን፥ ቃይ ጌሜዳ የዉዋ ኡባ ቦላን፥ ሎአ ግድና፥ ኢታ ግድናካ ፕርዳናዉ ደኤ።The Word for the World International