2 ኦዱዋ26
ይሁዳ ካትያ ኦዝያና
1ሄዋፐ ጉይያን፥ ይሁዳ አሳይ ኡባይ ታማነ ኡሱፑን ላይ ግድያ ናኣ፥ ኦዝያና አ አዉዋ አመስያሳ ኮታን ካተዬዳ።2አ አዉ አመስያስ ሀይቄዳዋፐ ጉየ፥ እ ኤላታ ጌተትያ ካታማ ዛረ ኬጺደ፥ ይሁዳን ኦራዳ።3ኦዝያነ ካተትያ ዎደ፥ ላይይ አዉ ታማነ ኡሱፑና፤ እ የሩሳላመን እሻታማነ ላኡ ላይ ካተቴዳ። አ ዳይ ሱንይ ይኮሎ፤ አ የሩሳላመ አሳ።4አ አዉ አመስያስ ኦዳዋዳን፥ እካ መና ጎዳ ስንን ሱረባ ኦዳ።5ጾሳ ያሻተ ባረና ታማርሴዳ ዛካራስ ፓጻ ደኤዳ ዎድያን፥ ጾሳዉ እ አማነቲደ ኦዳ። መና ጎዳዉ እ ኦዳ ዎደ ኡባን፥ ጾሳይ አ አንጄዳ።6ኦዝያነ ፕልስጼማቱዋና ኦለታናዉ ከሲደ፥ ጋተ ካታማ ዩሹዋ ግምቢያ፥ ያብነ ካታማ ዩሹዋ ግምቢያነ አሽዶዳ ግምቢያ ላሌዳ፤ ያቲደ አሽዶዳ ካታማ ማታንነ ፕልስጼማቱዋ ግዶን ካታማቱዋ ኬጼዳ።7ኦዝያነ ፕልስጼማቱዋ፥ ጉርባኣላን ደእያ አራባቱዋነ ማኡናቱዋ ጾናናዳን ጾሳይ አ ማዴዳ።8አሞና አሳቱ ኦዝያናዉ ጊሬድኖ። ኦዝያነ ሎይ ምኔዳ ድራዉ፥ አ ዎሪ ግብጼ ዛዋ ጋካናዉ ስሰቴዳ።9ቃይ ኦዝያነ ዞዝያ ፐንግያ ማታን፥ ዛንጋራ ፐንግያ ማታንነ ድርሳይ ሶኮ ባቂያ ዞዝያ ማታን አዱሳ ግምበቱዋ ግምቢሲደ፥ የሩሳላመ ጌሶቱዋ ምንሴዳ።10አዉ ጮራ መሂ ደእያ ድራዉ፥ መላ ቢታቱዋን አዱሳ ግምቢያ ግምቤዳ፤ ዳሮ ኦላካ ቦኬዳ። እ ቃይ ጎሻ ዶስያ ድራዉ፥ ዞዘቱዋንነ አራዳ ጋድያን አዉ ዳሮ ጎሻንቻቱነ ዎይንያ ቱራ ቶክያዋንቱ ደኢኖ።11ቃይካ ኦዝያናዉ ኦላዉ ጊጌዳ ሎይ ዳሮ ኦላንቻቱ ደኢኖ። ኦላንቻቱ ጻፊ ይእኤልነ ካፑ ማእሴይ ኦላንቻቱ ሱን ማዝጎብያን ጻፌድኖ። ኡንቱንቱ ካፑ ጋዳዋ ሀናንያ።12ባረንቱ አዎቱዋ ጎለዉ ካፖትያ ምኖ አሳቱ ላኡ ሻአነ ኡሱፑን ጼታ።13ካትያ ሞርከቱዋና ኦለቲደ፥ ባረንቱ ኩመን ዎልቃን ካትያ ማዳናዉ ከስያ ሄዙ ጼታነ ላፑን ሻአነ እቼሹ ጼቱ ኦላንቻቱ ኡንቱንቱ ኩሽያን ደኢኖ።14ኦዝያነ ኦላንቻቱ ኡባዉ ጎንዳልያ፥ ቶራ፥ ሁጲያን ዎያ ብራታ ቆጲያ፥ ትራን ማይያ ኦላ ሚሻ፥ ዎንዳፍያን፥ ያምባርሻነ ሙሉሙቀ ሹቻ ጊግሴዳ።15የሩሳላመን ደእያ ኩሺ ሂላ ኤርያ አሳቱዋ ካቲ ኦዝያነ አዛዚደ፥ ዎችያ አዱሳ ግምበቱዋፐነ ካታማ ድርሳ ግምቢያ ዞዘቱዋፐ፥ ዎንዳፍያን ዎንዳፈቱዋ ዱክያ ሚሻቱዋነ ዎልቃማ ዎልቃማ ሹቻቱዋ ፕጺደ ኦልያ ሚሻቱዋ መሴዳ። ጾሳይ አ ማድና፥ እ ሎይ ምኔዳ፤ አ ዎሪካ ኡባሳ ጋኪደ ስሰቴዳ።ኦዝያነ ባረ ኦቶሩዋን ሙረቴዳ
16ሽን ኦዝያነ ምኔዳ ዎደ ኦቶረቴዳ፤ አ ኩንደዉ ካለዳ። ኦዝያነ መና ጎዳ ባረ ጾሳ የዴዳ፤ እ እጻና ጩዋይያ ሳጽንያን እጻና ጩዋያናዉ መና ጎዳ ጌሻ ጎልያ ገሌዳ።17ቄሲ አዛርያስነ መና ጎዳ ቄሳቱ ሆስፑን ታማቱ አ ጌዱዋ ካሊደ ገሌድኖ፤ ሄ ቄሳቱ ምኖ አሳቱዋ።18ቄሳቱ ካትያ ኦዝያና ተኢደ፥ “ኦዝያና፥ ኔን መና ጎዳዉ እጻና ጩዋያናዉ በሳካ። እጻና ጩዋይያዌ በስያዌ፥ እጻና ጩዋያናዉ ጌይ ኡቴዳ፥ አሮና ዘረ ግድያ ቄሳቱዋ ጻላላሳ። ሀ ጌሻ ሳኣፐ ከሳ! አያዉ ጎፐ፥ ኔን መታ ኡባ ጎዳ ናቃዳ፤ ኔን አፐ ቦንቾ ደማካ” ያጌድኖ።19ሽን ኦዝያነ እጻና ጩዋያናዉ እጻና ጩዋይያ ሚሻ ባረ ኩሽያን ኦይቂ ኡቲደ ሀንቀቴዳ። ኦዝያነ ቄሳቱ ዋ ሀንቀቲደ፥ መና ጎዳ ጌሻ ጎልያን እጻና ጩዋይያ ሳጽንያ ማታን ቄሳቱዋ ስንን ኤቂደእሽን፥ አ ዴሙዋ ዎልቃማ ባሩዋ ሀርጊ ኦይቄዳ።20ቄስያ ካፑ አዛርያስነ ሀራ ቄሳቱ ኡባይ አኮ ጼልያ ዎደ፥ አ ዴሙዋ ዎልቃማ ባሩዋ ሀርጊ ኦይቄዳዋ በኢደ፥ አ ኤለካ ጌሻ ጎልያፐ ከሴድኖ። እካ መና ጎዳይ አ ሙሬዳዋ ኤሬዳ ድራዉ፥ ኤለካ ሄዋፐ ከሲደ ቤዳ።21ካቲ ኦዝያነ ሀያና ጋካናስካ ሄ ሀርግያና ደኤዳ፤ መና ጎዳ ጌሻ ጎልያ ገልያሳፐካ ኤቄዳ። ሄ ሀርግያ ጋሱዋን ዱማ ጎለን ባረካ ደኤዳ። ሄ ዎደ አ ናአይ ዮኣታመ ካትያ ጎለን ደኢደ፥ ሄ ጋድያ አሳ ሞዴዳ።22ካቲ ኦዝያነ ሀኔዳ ሀራባ ኡባ ኮይሮፐ ዉርሰ ጋካናዉ አሞጻ ናአይ፥ ትምቢትያ ኦድያ እሳያሰ ጻፍ ዎዳ።23ኦዝያነ ሀይቂደ፥ ባረ ማይዛን ጋከቴዳ። ያትና፥ አሳይ አ፥ “ዎልቃማ ባሩዋ ሀርግያን ኦይቀቴዳዋ” ጊደ፥ ካተቱዋ ማካና ማታን አ ሞጌድኖ። እ ሀይቂና፥ አ ሳኣን አ ናአይ ዮኣታመ ካተቴዳ።The Word for the World International