1 ኦዱዋ10
ካትያ ሳኦላ ሀይቁዋ
1ፕልስጼማ አሳቱ እስራኤልያ አሳቱዋና ኦለቴድኖ። እስራኤልያ አሳቱ ፕልስጼማ አሳቱዋ ስንፐ ባቃቴድኖ። ዳሮ እስራኤላቱ ግልቦአ ደርያን ሀይቄድኖ።2ፕልስጼማ አሳቱ ሳኦላነ አ አቱማ ናና የደርስ ጋኪደ፥ ሳኦላ ናና ዮናታና፥ አብናዳባነ ማልክሹአ ዎድኖ።3ኦላይ ሳኦላ ዩይ አደ ኡንኤቴዳ፤ ዎንዳፍያ አሳቱ ሳኦላ ደሜዳ ዎደ፥ ዙቢያን አ ጫዲደ ማዱንጽሴድኖ።4ሳኦል ባረ ኦላ ሚሻ ቶክያዋ፥ “ሀ ቃጻረትቤና ፕልስጼማቱ ዪደ፥ ታ ቦላ ካኤናዳን፥ ነ ማሻን ጫዳደ፥ ታና ኔን ዎ” ያጌዳ።ሽን አ ኦላ ሚሻ ቶክያዌ ሎይ ያዬዳ ድራዉ እጼዳ፤ ሳኦል ባረ ማሻ ሳኣን ኤሲደ፥ አ ቦላ ኩንዴዳ።5አ ኦላ ሻሉዋ ቶክያዌ ሳኦል ሀይቄዳዋ ብእደ፥ እካ ባረ ማሻ ሳኣን ኤሲደ፥ አ ቦላ ኩንዲደ፥ ሀይቂ አጌዳ።6ሀዋዳን ሀኒደ፥ ሳኦል፥ አ ናናይ ሄዙነ አ ሶይ አሳይ ኡባይ ሄ ጋላስ እትፐ ሀይቄድኖ።7ዎምባን ደእያ እስራኤልያ አሳቱ ኡባይ ባረንቱ ኦላንቻቱ ባቃቴዳዋነ ሳኦልነ አ ናናይ ሀይቄዳዋ ስሰዳ ዎደ፥ ኡንቱንቱካ ባረንቱ ካታማቱዋ አጊደ ባቃቴድኖ። ባቃትና ፕልስጼማ አሳቱ ዪደ፥ ሄ ካታማቱዋን ደኤድኖ።8ዎንተ ጋላስ ፕልስጼማቱ አሃቱዋ ቦላፐ ኦላ ሚሻቱዋ ቃር አካናዉ ዪደ፥ ሳኦልነ አ ናናይ ግልቦአ ደርያን ሀይቂደ፥ ግሴዳዋንታ ደሜድኖ።9ኡንቱንቱ ሳኦላ ቆያ ሙጬድኖነ አ ኦላ ሻሉዋ ቃር አኬድኖ። ያቲደ ባረንቱ ኤቃቱዋ ጎለንነ ባረንቱ አሳ ግዱዋን ጾኑዋ አዋያና ማላ፥ ፕልስጼማ ቢታዉ ኡባዉ አሳ ኪታ የዴድኖ።10ኡንቱንቱ ሳኦላ ኦላ ሚሻ ባረንቱ ጾሳቱዋ ጎለቱዋፐ እቱዋን ዎድኖ፤ አ ጉግያካ ባረንቱ ጾሳ ዳጎና ኤቃ ጎለን ካቄድኖ።11ፕልስጼማ አሳቱ ሳኦላ ኦዳዋ ኡባ ጋላኣደን ደእያ ያቤሻ ካታማ አሳቱ ስሴዳ ዎደ፥12ኡንቱንቱ ምኖ አሳቱ ኡባይ ቢደ፥ ሳኦላ አሃነ አ ናና አሃ አኪደ፥ ያቤሻ ካታማ አሄድኖ። ያቤሻን ደእያ ዎላ ጋርሳን ኡንቱንቱ መቀ ሞጌድኖ፤ ያቲደ ላፑን ጋላሳ ጾሜድኖ።13ሳኦል መና ጎዳዉ አማነትቤና ድራዉ ሀይቄዳ። መና ጎዳ ቃላ እ ናግቤና፤ መና ጎዳና ዞረትያዋ አጊደ፥ ሞይትልያ ጼስያ አሳና ዞረቴዳ። ሄዋ ድራዉ፥ መና ጎዳይ አ ዎደ፥ አ ካዉተ እሰያ ናኣ ዳዊታዉ አደ እሜዳ።
The Word for the World International