Mazimuriyaa78dwr_ltw
S'oossaanne Aa Asaa
Aasaafi Akeekaan S'aafeedda Timirttiyaa
1Ta asaw, taani hinttena tamaarissiyaawaa sisite;ta doonaappe kesiyaa k'aalaa hayzzite.2Taani unttunttoo haasayiyaa wode,leemisuwaan haasayay;beniideppe geemmeedda yewotuwaa k'onc'c'issana.3Nuuni siseeddanne ereedda yewotuwaa,k'ay nu aawotuu nuw odeedda yewotuwaa haasayana.4He yewotuwaa nuuni unttunttu naanatuwaappe k'osokko;Med'inaa Godaw bessiyaa galataa,Aa wolk'k'aanne malalissiyaa Aa oosuwaa,yiyaa yeletawukka nuuni odana.5I Yaak'ooba zaretoo azazuwaa,Israa'eeliyaa asaw higgiyaa immeedda.Kase nu aawotuu barenttu naanatuwaa,he higgetuwaa tamaarissana mala azazeedda.6Hewenne, kaalliyaa yeletay,he biro yelettana naanatuu eranaadaananneunttunttukka barenttu naanaatoo odanaadaana.7Yaatina, he naanatuu S'oossan amanetanaadan;I ootseeddabaakka dogennaaddaaninneAa azazuwaa naaganaadaana.8Unttunttu kase barenttu aawotuwaadan wozana muumennemakkalanchcha asaa gidennaaddaaninneS'oossan ek'k'ennanne ammanettena yeletaa gidenaaddaana.9Efireema asatuu, olaw,wonddaafiyaanna pootsaa giigissiide,olaa gallassi guyye simmeeddino.10Unttunttu S'oossaa c'aak'uwaa naagibeykkino;Aa higgiyaadan hamettennan is's'eeddino.11Unttunttu I ootseedda wolk'k'aama oosuwaanneunttuntta I besseedda malaataa dogeeddino.12I unttunttu aawotuwaa sintsan Gibs'e biittan,S'o'aane Dembban malaataa ootseedda.13Abbaa shaakkiide, gidduwaana unttuntta pintseedda;I haatsaa shaakkiide,yaanne haanne shaakkiide godaadan esseedda.14I unttuntta gallassi shaariyaan,k'amma tamaa poo'uwaan kaaletseedda.15I bazzuwaan zaallaa p'alk'k'iide,c'iimmuwaappe daro haatsaa unttuntta ushsheedda.16Zaallaappe haatsaa pulttissiide,shaafaadan duge gogisseedda.17Shin unttunttu Aa bolla nagaraa oosuwaa gede gujjeeddino;Ubbaappe D'ok'k'iyaa S'oossaa bolla,bazzuwaan makkaleeddino.18Barenttu amotteedda k'umaa oochchiyaawanS'oossaa eriidde paac'c'eeddino.19Unttunttu S'oossaa bolla hawaadan yaagiide haasayeeddino;«Bazzuwaan S'oossay nuw k'umaa aatsanaw danddayii?20Zaallaa shoc'ina, pulttuu kesiide,shaafay goggeedda;shin ukitsaa I nuw immanaw danddayii?Woy bare asaw ashuwaa immanaw danddayii?» yaageeddino.21Med'inaa Goday hewaa siseedda wode,unttunttu bolla daro hank'k'etteedda.Yaak'ooba zaratuwaa bolla tamay ees's'eedda;Israa'eeliyaa bolla Aa hank'k'uu dari dari beedda.22Ayaw gooppe, unttunttu S'oossan ammanibeykkino;woy I ashshiyaawaan ammanettibeykkino.23Gidooppenne, I bolla saluwaa azaziide,saluwaa penggiyaa dooyeedda.24Unttunttu maanaw, unttunttoo mannaa bukisseedda;saluwaa k'umaa unttunttoo immeedda.25Kiitanchchatuwaa ukitsaa Asay meedda;S'oossay unttunttoo k'umaa darissiide immeedda.26Away doliyaa bagga c'arkkuu c'arkkanaadan ootseedda;bare wolk'k'an gedissa bagga c'arkkuwaa dentsetseedda.27I asaw ashuwaa baanaa keeshshaa kiitteedda;paalliyaa kafotuwaa abbaa doonaa shafiyaa keeshshaa bukisseedda.28Unttunttu de'iyaa saan,dunkkaaniyaa yuushshuwaan wod'd'eeddino.29Unttunttu amotteeddawaa unttunttoo immeedda;unttunttu miide, barenttu ganjjiyaa kuntseeddino.30Shin unttunttu barenttu amotteedda ashuwaa kallennan de'ishiin,ashuu unttunttoo biro doonaan de'ishiin,31S'oossaa hank'k'uu unttunttu bolla wod'd'eedda;unttunttu giddoppe mino asatuwaanneIsraa'eeliyaappe yalaga asatuwaa wod'eedda.32Hawe ubbay haninakka,unttunttu nagaraa ootsiyaawaa aggibeykkino.Bare malaataa ubbaa ootsinakka, ammanibeykkino.33Hewaa diraw, I unttunttu gallassatuwaa c'arkkuwaadan,unttunttu laytsatuwaakka akeekenan d'ayisseedda.34S'oossay unttunttuppe wod'iyaa wode,atteedawanttu nagaraa paas'iide,S'oossaa mintsi koyeeddino.35Unttunttu S'oossay unttunttoo zaallaa gideeddawaanneUbbaappe D'ok'k'iyaa S'oossay,unttuntta woziyaawaa gideeddawaa hassayeeddino.36Shin unttunttu barenttu ins's'arssan aw worddotiide,barenttu doonaan c'immeeddino.37Unttunttu wozanay S'oossan ek'k'enna;I unttunttunna c'aak'k'eteedda c'aak'uwaa ammanettikkino.38Shin I unttuntta maariyaawe;unttunttu iitatetsaa atto geedda.Unttuntta d'ayissibeenna; daro gede bare hank'k'uwaa te"eedda;bare hank'k'uwaa uullaa ubbaanna unttunttu bolla yeddibeenna.39Ayaw gooppe, unttunttu ashuwaa s'alala gidiyaawaanneyaa c'arkkeeddasaappe haa simmenna,c'arkkuwaa mala gidiyaawaa hassayeedda.40Unttunttu bazzuwaan Aa bolla aappu gede makkaleeddinoo!Mela bazzuwaan aappu gede lanc'c'isseeddino!41Unttunttu zaari zaariide, S'oossaa paac'c'eeddino;Israa'eeliyaa Geeshshaa hank'k'etseeddino.42Unttunttu Aa wolk'k'aabaa dogeeddino;I unttunttu morkkatuwaappe wozeedda gallassaa,43I Gibs'e biittan malaataa,S'o'aane Dembban malalissiyaabaa,ootseedda wodiyaa hassayibeykkino.44Unttunttu shaafaa haatsatuwaa suutsaw laammeedda;hewaa diraw, Gibs'e asatuu,he shaafatuwaappe ushanaw danddayibeykkino.45Unttuntta waayissiyaa uduns's'etuwaanneunttunttu biittaa bayzziyaa shed'd'atuwaa kiitteedda.46Unttunttoo doleedda katsaa gonddoo,unttunttu ootsiide daabureeddawaa booliyaw immeedda.47Unttunttu woyniyaa turaa shachchan,unttunttu balasiyaa giyaa mitsaakka c'arkkuwaan d'ayisseedda.48Unttunttu miizzatuwaa shachchan wod'eedda;unttunttu dorssaa wudiyaa,d'uuk'k'iyaa walk'k'antsan mereessi wursseedda.49Unttunttu bolla bare suulliyaa hank'k'uwaa,lanc'c'iyaanne is'uwaa,bayzziyaa kiitanchchatuwaa c'uguwan yeddeedda.50Bare hank'k'uwaa aatsi yeddeedda.Unttuntta iita harggiyaw aatsiide immeeddappe attina,hayk'k'uwaappe ashshibeenna.51Gibs'en yeletteedda bayira naanatuwaa ubbaa wod'eedda.Kaama dunkkaaniyaan de'iyaa koyro naanatuwaa ubbaa wursseedda.52Shin I bare asaa dorssaadan kesseedda;wudiyaadan bazzuwaan heemmeedda.53I unttuntta saruwaan kaaletseedda;hewaa diraw, unttunttu yayyibeykkino;shin unttunttu morkkatuwaa abbay muukkeedda.54Yaatiide I unttuntta bare geeshsha biittaa,bare ushechcha kushiyan s'ooneedda deriyaa aheedda.55I unttunttu sintsaappe kawutetsatuwaa laaggiide,unttunttu biittaa shaakkiide,Israa'eeliyaa zaretoo gisheedda.Bare asaa unttunttu golliyaan wotseedda.56Gidooppenne, Ubbaappe D'ok'k'iyaa S'oossaa bolla makkaliide,Aa paac'c'eeddino.Aa azazuwaakka naagibeykkino.57Unttunttu barenttu aawotuwaadan,makkalanchchatuwaanne kaddanchchatuwaa gideeddino.Geella tooraadan wora wod'd'eeddino.58Unttunttu barenttu goyinniyaa d'ok'k'a sa'atuwaan Aa yiloyeeddino;barenttu eek'atuwaan Aa k'anaatisseeddino.59Yaatina, S'oossay hawaa sisiide hank'k'etteedda;Israa'eeliyaa mulekka kad'eedda.60Seelon I de'eedda sa'aa,asaa giddon I de'eedda bare dunkkaaniyaa aggeeda.61S'oossaa wolk'k'awunne bonchchoo, malaataa gideedda,Taabootaa morkkatuwaa kushiyan aatsiide omoodisseedda.62I bare asaw hank'k'etteedda;I unttuntta mashshaw aatsiide immeedda.63Unttunttu wodallatuu ubbay olan hayk'k'eeddino;yaatina, unttunttu wodorotuu asinaa gelennaan atteeddino.64Unttunttu k'eesatuu mashshaan wureeddino.Gidooppenne, unttunttu machchetuu,barenttu asinatoo yeekkenaadan digetteeddino.65Hewaappe guyyiyaan, Goday gem"ishuwaappewoy woyniyaa eessaa matsuwaappe beegottiyaa asaadan beegotteedda.66I bare morkkatuwaa guyye zaariide shoc'eedda;unttuntta med'inaw yeellayeedda.67Yooseefo dunkkaaniyaa kad'eedda;Efireema zariyaa dooribeenna.68Shin I Yihudaa zariyaannesiik'iyaa S'iyoone deriyaa dooreedda.69Hewan I bare Geeshsha Golliyaa saluwaadan d'ok'k'an kees's'eedda;sa'aadan med'inaw esseedda.70Bare k'oomaa Daawita dooriide,dorssaa wudiyaa heemmiyaa saappe akkeedda.71Dorssaa heemmishin, bare asaa Yaak'ooba,bare buzuwaa Israa'eeliyaa hentsanaw akkiide aheedda.72Yaatina, Daawite unttuntta suure wozanaappe heemmeedda;k'ay bare hiillaa kushiyan kaaletseedda.