Mazimuriyaa
111
/
dwr_ltw
S'oossaw Shiik'iyaa Galataa
1
Med'inaa Godaa galatite! Suuretuu shiik'iyaa shiik'uwaan,
taani ta polo wozanaappe Med'inaa Godaa galatana.
2
Med'inaa Godaa oosotuu ay keeshshaa gitee!
Unttunttun nashettiyaawanttu ubbay unttuntta k'oppanaw bessee.
3
Aa oosotuu bonchchuwaaninne
anggan kumeeddawantta.
Aa s'illotetsaykka med'inaw de'ee.
4
I bare malalissiyaa oosotuu,
hassayettanaadan ootseedda.
Med'inaa Goday k'arettiyaawaanne maariyaawaa.
5
Barew yayyiyaawanttoo k'umaa I immee;
I bare c'aak'uwaa med'inawukka k'oppee.
6
Allagatuwaa biittaa immiyaawan
I bare oosuwaa wolk'k'aa bare asaa besseedda.
7
Aa kushiyaa oosotuu tumanne likke;
Aa wogatuukka ubbay ammanettiyaawantta.
8
Unttunttunne med'i med'inaw ek'k'iide de'iyaawantta;
tumatetsaaninne suuretetsan imetteeddawantta.
9
I bare asaa woziide kesseedda;
I bare c'aak'uwaa unttunttunna med'inaw wotseedda.
Aa suntsay geeshshanne, «Hoola!» giissiyaawaa.
10
Eratetsaw koyiruu Med'inaa Godaw yayyiyaawaa;
Aa wogaa ootsiyaawanttoo lo"o akeekay de'ee.
S'oossay med'inaw galatetto!
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter