Mazimuriyaa102dwr_ltw
Metuwaa bolla De'iyaa Asaa Woosaa
Med'inaa Godaa Sintsaan barena Dogiide Bare Kayyuwaa gussiyaa Wode, Tuggateedda Asay woosseedda woosaa.
1Abeet Med'inaa Godaw, ta woosaa sisa;ta waasuu neekko gakko.2Ta waayiyaa gallassi,ne som"uwaa taappe gentsoppa.Ne haytsaa taakko yegga;taani new waassiyaa wode, taana ellekka alla.3Ayaw gooppe, ta laytsay c'uwaadan d'ayee;ta mek'etsaykka tamaa bonk'k'uwaadan ees's'ee.4Ta wozanay shoc'i yeggeedda mela maataadan hanaad;k'umaykka taw meetettenna.5Taani ta k'aalaa d'ok'k'u ootsaade oolay;ta galbbay mek'etsaanna oyk'k'etteedda.6Taani bazzuwaan de'iyaa ankkuwaa mala,woy koleteedda golliyaan de'iyaa guttuwaa mala.7Taani gisina, gem"ishuu yeenna;taani golliyaa huup'iyaan barekka utteedda kafuwaa mala.8Ta morkketuu gallassaa ubbaan taana c'ashiino;taana k'iliic'iyaawanttu ta suntsan shek'iino.9Taani bidintsaa k'umaadan may;k'ay ta afotsaa ta ushshaanna walakkay.10Neeni taana pude dentsaade,ne hank'k'uwaa diraw wora olaadda.11Ta de'uwaa laytsay omarssa kuwaa mala;taani maataadan shulay.12Shin abeet Med'inaa Godaw,neeni kawutetsaa araatan med'inaw uttaadda;ne suntsaykka yeletaappe yeletaa gakkanaw hassayettana.13Neeni denddaade, S'iyoonew k'aretta;ayaw gooppe, neeni izo maariyaa wodii gakkeedda;hawe neeni dooreedda wodiyaa.14Iza koletteeddawaa gidooppekka,ne k'oomatuu izo siik'iino.Iza bayeeddawaa gidooppekka,unttunttu iziw k'arettiino.15Kawutetsatuu Med'inaa Godaa suntsaw yayana;sa'aa kaatetuu ubbay Aa anggaw dagamana.16Ayaw gooppe, Med'inaa Goday S'iyoone zaaretsi kees's'iide,I bare gitatetsaa bessana.17I puteesatuwaa woosaa sisana;unttunttu waasuwaa kad'enna.18Biro yelettana asatuu Med'inaa Godaa galatana mala,hawe yiyaa yeletaw s'aafetto.19Med'inaa Goday d'ok'k'an de'iyaa bare geeshsha sa'aappe duge s'eelleedda;I saluwaappe duge sa'aa s'omooseedda.20Hewenne, k'ashetteedda asatuwaa ooliyaa sisanaassannehayk'k'oo pirddetteedda asatuwaa billanaassa.21Hewaa diraw, Med'inaa Godaa suntsay S'iyoonen odettananneAa galatay Yerusaalamen awaayetana.22Asaynne kawutetsay ittippe shiik'iide,Med'inaa Godaw he wode goyinnana.23I taani yalagatetsan de'iina,ta wolk'k'aa wursseedda;ta laytsaa k'antsayeedda.24Yaatina, taani, «Abeet ta S'oossaw,ta laytsay biro giddottiyaa wode,taana afoppa» yaagay.Abeet S'oossaw, neeni yeletaappe yeletaa gakkanaw de'aassa.25Neeni beni sa'aa med'd'aadda;saluukka ne kushiyaa oosuwaa.26Hewanttu ubbay d'ayana; shin neeni de'ana;unttunttu ubbaykka afilaadan wurana.Neeni unttuntta c'urk'k'a afilaadan laammana;unttunttukka aad'd'ana.27Shin neeni neenakka; ne laytsay ubbaa wurenna.28Nuuni ne k'oomatuwaa;nu naanatuu sarotetsaan de'ana.Unttunttu zeretsaykka ne sintsan minniide ek'k'ana.