Payduwaa24dwr_ltw

1Israa'eeliyaa anjjiyaawe Med'inaa Godaa nashechcheeddawaa Balaami be'eedda wode, kase I ootseeddawaadan murunanaw koyibeenna; shin bare som"uwaa mela biittaakko zaareedda.2Yaatiide d'ok'k'u gi s'eelliide, Israa'eeliyaa Asay bare zariyaan zariyaan dunkkaani utteeddawaa be'eedda; S'oossaa Ayyaanay Aa bolla wod'd'eedda.3I bare timbbitiyaa hawaadan yaagiide odeedda;«Bi'oora na'aa Balaama timbbitii,Aa ayfii tishshi ootsi s'eelliyaawaa timbbitii,4S'oossay giyaawaa sisiyaawaa timbbitii,Lic'c'i giide guufannina,Aa ayfii dooyetteeddawaanneUbbaa Danddayiyaa S'oossaa sas'aa be'iyaawaa timbbitii hawaa.5Yaak'ooba zaretoo, hintte dunkkaanetuu,Israa'eeliyaa asaw, hintte de'iyaa sa'atuukka,wooti lo"ee!6Unttunttu mic'etteedda wombbaadan,Shaafaa doonaan de'iyaa ataakilttiyaa sa'aadan,Med'inaa Goday tokkeedda godare uutsaadaaninnehaatsaa doonaan de'iyaa zigaadan haniino.7Unttunttoo daro haatsay pulttana;unttunttu zaretoo gidiyaa haatsay de'ana.Unttunttu kaatii Kaatiyaa Agaagappe gitatana;unttunttu kawutetsaykka bonchchettana.8S'oossay unttuntta Gibs'eppe kesseedda;I mino mentsaadan unttunttoo de'ee.Unttunttu morkke kawutetsaa mittana;unttunttu mek'etsaakka liik'issana;unttunttu barenttu wonddaafiyaa zubbiyaan unttuntta c'addana.9Israa'eeliyaa Asay gaammuwaadan gisee.Mac'c'a gaammattidan unttuntta dentsanaw ooni s'alanee?Hinttena anjjiyaa ubbay anjjetteedawaa gidanawaa;hinttena shek'k'iyaa ubbay shek'etteeddawaa gidanawaa» yaageedda.10Hewaappe guyyiyaan, Baalaak'i Balaama bolla hank'k'uwaa ees's'i keseedda. Baalaak'i bare kushiyaa dukkiide Balaama, «Ta morkkatuwaa k'angganaadan taani neena s'eesaad; shin neeni ha heezzu gedekka unttuntta anjjaadda.11Simmi ha"i neeni ne golle bak'ata; ‹Taani new darobaa woytana› gaad; shin neeni woytuwaa akkenaadan Med'inaa Goday neena diggeedda» yaageedda.12Balaami Baalaak'a zaariide, «Neeni taakko kiitteeddawanttunne,13‹Baalaak'i haray atto bare biraynne work'k'ay kumeedda bare kaatiyaa golliyaa taw immeeddawaa gidinttonne, Med'inaa Goday odeeddawaa aad'aadde, lo"uwaa woy iitaa ta sheniyaan ootsanaw danddaykke. Taani Med'inaa Goday giyaawaa s'alalaa gaana› yaagaade new odabeykkitayye?» yaageedda.

Balaama Wurssetsa Timbbitiyaa

14Yaagiide, «Taani ha"i ta asaakko bay; shin neeni haaya; ha Asay wurssetsa wodiyaan ne asaa ootsanawaa taani new odana» yaageedda.15I bare timbbitiyaa hawaadan yaagiide odeedda;«Bi'oora na'aa Balaama timbbitii,Aa ayfii tishshi ootsiide s'eelliyaawaa timbbitii,16S'oossay giyaawaa sisiyaawaanne,Ubbaappe d'ok'k'iyaa S'oossaappegideedda eratetsay de'iyaawaa timbbitii,Lip'p'i giide guufannina,Aa ayfii dooyetteeddawaanneUbbaa Danddayiyaa S'oossaa sas'aa be'iyaawaa timbbitii hawaa.17Taani Aa be'ay; shin wodii ha"a gidenna;taani Aa s'eellay; shin matan gidenna.Yaak'ooba zariyaappe s'oolinttii kesana.Israa'eeliyaappe kaatetuwaa s'am"ay kesana.Moo'aaba asaa som"uwaa I gaac'c'i k'olana.Seete asaa ubbaa huup'iyaa I kinchchana.18Eedoomi s'oonettana;Aa morkkii Se'iirikka s'oonettana;Shin Israa'eelii min minniide baana.19Yaak'oobappe mooddiyaawe kesana;unttunttu kataman pas'a atteedawantta d'ayissana» yaageedda.20Hewaappe guyyiyaan, Balaami Amaaleek'a asatuwaa be'iide, bare timbbitiyaa hawaadan yaagiide odeedda:«Kawutetsatuwaa giddon Amaaleek'i koyiro;shin unttunttu wurssetsay d'ayo» yaageedda.21K'ay Balaami K'eena asatuwaa be'iide, bare timbbitiyaa hawaadan yaagiide odeedda;«Hintte de'iyaa sa'ay saro saa gidee;hintte gollii zaallaa bollan kees'etteedda.22Shin Asooretuu hinttena omooddiyaa wode,hintte K'eena asatuu d'ayana» yaageedda.23Hewaappe guyyiyaan, Balaami bare timbbitiyaa hawaadan yaagiide odeedda;«Aayye ana!S'oossay hawaa ootsiyaa wode,ooni de'ana danddayii?24Markkabatuu Kitiima haruuruwaappe yaana;unttunttu Asooretuwaanne Ebeeratuwaa uk'k'unnana;Shin k'ay unttunttukka d'ayana» yaageedda.25Hewaappe guyyiyaan, Balaami denddiide, bare golle simmeedda; Baalaak'ikka bare ogiyaa beedda.
expand_more
Search