2 Sammeela1dwr_ltw

Daawite Saa'ooli Hayk'k'eeddawaa Siseedda

1Saa'ooli hayk'k'eeddawaappe guyyiyaan, Daawite Amaaleek'a asatuwaa s'ooneedda saappe simmeedda; S'ik'ilaaga kataman laa"u gallassaa takkeedda.2Heezzantso gallassi itti bitanii kayyoo bare mayuwaa peed'iide, bare huup'iyaan baana laaliide, Saa'oola heeraappe yeedda. Daawitekko I yeedda wode, sa'aan gisiide goynneedda.3Daawite Aa, «Neeni hak'appe yaad?» yaagiide oochcheedda. Shin I, «Taani Israa'eeletuwaa heeraappe kessa akkaade yaad» yaageedda.4Daawite Aa, «Ayay keseeddentto ane taw oda» yaageedda. I Daawita, «Nu olanchchatuu olaappe bak'atteedino; nu asaappe daratu hayk'k'eeddino; k'ay Saa'oolinne Aa na'ay Yoonataani hayk'k'eeddino» yaageedda.5Oduwaa aheedda wodallaa Daawite, «Saa'oolinne Aa na'aa Yoonataani hayk'k'eeddawaa neeni ayaan eray?» yaagiide oochcheedda.6Wodallay, «kaac'aadan taani Gilbboo'a deriyaan de'ishshin, Saa'ooli bare tooraa guufetiide ek'k'eeddawaa be'aaddi; paraa gaaretuunne paraa asatuu Saa'oolakko matatteeddino.7He wode Saa'ooli yuushshi s'eelliide taana be'eedda; taana s'eesina taani, ‹abee!› yaagaad.8Saa'ooli taana, ‹Neeni oonee?› yaagiide oochcheedda; Taani aw, ‹Amaaleek'a asa› yaagaade zaaraad.9Hewaappe guyyiyaan Saa'ooli taana, ‹Taani loytsi maduns's'aade, hayk'k'oo mata uttaad; neeni ta bolla kesa ek'k'aade taana wod'a› yaageedda.10I kunddeeddawaappe guyyiyaan, hayk'k'uwaappe attenawaa ereedda diraw, taani Aa bolla kesa ek'k'aade Aa wod'aad; Aa huup'iyaan de'iyaa kallachchaanne Aa k'esiyaan de'iyaa sagaayiyaa akkaade neekko ta godaakko ahaad» yaageedda.11Hewaappe guyyiyaan, Daawitenne Daawita Asay kayyottiide, barenttu mayuwaa dafiide peed'eeddino.12Unttunttu Saa'ooli, Yoonataani, Med'inaa Godaa olanchchatuunne Israa'eeliyaa Asay olan wureedda diraw, omarssi gakkanaw kayyotteeddino, yeekkeeddinonne s'oomeeddino.13Oduwaa aheedda wodallaa Daawite, «Neeni hak'a asee?» yaagiide oochcheedda. Shin I Daawita, «Taani betiyaa Amaaleek'a bitaniyaa na'aa» yaageedda.14Daawite Aa, «Med'inaa Goday okkeedda kaatiyaa wod'anaw ne kushiyaa dentsaadde, ayaw yayabeykkii?» yaageedda.15Daawite bare asatuwaappe ittuwaa s'eesiide, «Ba; Aa wod'a!» yaageedda; I Amaaleek'iyaa dechchiide wod'eedda.16Daawite Amaaleek'iyaa, «Med'inaa Goday okkeedda kaatiyaa taani wod'aad yaagaade neeni ne doonaan markkatteedda diraw, ne suutsaa gomii neena oyk'k'o» yaageedda.

Daawite Saa'oolawunne Yoonataanaw Zilaaleedda Zilaassaa

17Daawite Saa'oolawunne Aa na'aa Yoonataanaw hawaadan yaagi zilaaleedda.18Yihudaa asaykka «Wonddaafiyaa» geetettiyaa ha zilaassaa tamaarana mala Daawite azazeedda; ha zilaassay Yaashaara mas'aafan s'aafetteedda.
19«Neenoo Israa'eelew,ne kaappatuu ne d'ok'k'aa gishuwaan hayk'k'eeddino.Wolk'k'aamatuu waan kunddeeddinooshsha!20Hawaa Gaate kataman odoppite;Ask'k'aloona ogetuwaankka awaayoppite.Hewaa sisooppe, Piliss's'eematuwaa mac'c'a naanay nashettana;shaamatuwaa mac'c'a naanay ‹Hashshu gaana!›
21«Hinttenttoo Gilbboo'a deretoo,Hinttenttu bollan iray bukkoppo;ketterssaykka wod'oppo.He biittaa goshshaykka katsaa mokkoppo;ayaw gooppe, yaan wolk'k'aama gonddallii tunabaa kesseedda;Saa'oola gonddalliikka zayitiyaan k'uc'ettiyaawaa aggeeda.22Goora'etteeddawanttu suutsaappenne,wolk'k'aamatuwaa ashuwaappe,Yoonataana wonddaafii guyye gibeenna.K'ay Saa'oola mashshay kallennan simmibeenna.
23«Saa'oolinne Yoonataaniasay siik'iyaawanttanne lo"iyaawantta;barenttu hayk'k'uwankka barenttu pas'ankka shaakettibeykkino.Unttunttu arggantsaappekka aad'd'iide elleelliyaawantta;gaammuwaappekka aad'd'iide minniyaawantta.
24«Israa'eeliyaa mac'c'a asatoo,Saa'oolaw, hinttentta zo'onne alleek'k'o mayuwaa mayzzeeddawoonne,work'k'aan hinttenttu mayuwaa alleek'k'isseedawoonne yeekkite.
25«Wolk'k'aamatuu olan waan kunddeeddinooshsha!Yoonataani ne d'ok'k'a gishuwaan goora'etti giseedda.26Ta ishaa Yoonataanaa,Taani new kayyottay;ne taw daroppe al"uwaa.Neeni taana siik'iyaa siik'uu maalalissiyaawaa,mac'c'a asaa siik'uwaappekka aad'd'iide maalalissiyaawaa.
27«Wolk'k'aamatuu waan kunddeeddinooshsha!Ola miishshaykka waan dippi geedde!»yaagiide Daawite zilaaleedda.
expand_more
Search