ፕርዳ ሌምሱዋ
1ኔኖ፥ ልባኖሳ፥ ታማይ ነ ዝጋቱዋ ማና ማላ፥ ነ ፐንገቱዋ ዶያ!2ኔኖ ጽድያዉ፥ ዝጋይ ኩንድ ክቼዳ ድራዉ፥ ቃይ ሄ ቦንቹዋ ምቱካ ይክቼዳ ድራዉ፥ አየ ጋደ ዬካ! ህንተኖ ባሳነ ጋድያ ዎላቶ፥ ሄ ኮንሶሴዳ ዎራይ ቃንጸት ክቼዳ ድራዉ፥ አየ ጊደ ዬክተ።3ሄንንቻቱ ዝላሳ ስስተ፤ አያዉ ጎፐ፥ ኡንቱንቱ ቦንቹ ዬዳ! ጋሞቱ ጉድያዋካ ስስተ፤ አያዉ ጎፐ፥ ዮርዳኖሳ ዎራይ ይክቼዳ።ኬካነ ኢታ ሄንንቻቱዋ
4መና ጎዳይ ታ ጾሳይ ታና ሀዋዳን ያጌዳ፤ “ሄ ሹከታናዉ ደእያ ዶርሳቱዋ ዉድያ ሄማ።5ኡንቱንታ ሻምያዋንቱ ሹክኖ፤ ሙረተናን አትኖ። ቃይ ዛልእያዋንቱካ፥ ‘ኑን ዱረቴዶ፤ መና ጎዳይ ጋላተቶ’ ያጊኖ፤ ሀራይ አትና፥ ኡንቱንቱ ሄንንቻቱካ ኡንቱንቶ ቃረትክኖ” ያጌዳ።6መና ጎዳይ ሀዋዳን ያጌ፤ “ታንካ ሀዋፐ ስንናዉ ሀ ጋድያን ደእያ አሳዉ ቃረትከ፤ ታን አሳ ኡባ እቱዋ እቱዋ ኩሽያንነ ካትያ ኩሽያን አደ እማና። ኡንቱንቱ ጋድያ ባይዛና፤ ታንካ እት አሳነ ኡንቱንቱ ኩሽያፐ አሽከ” ያጌ።7ሄዋ ድራዉ፥ ታን ሹከታናዉ ደእያ ዶርሳቱዋ፥ ኡባ ቃይ ዉድያ ግዶን ቱጋቴዳዋንታ ሄምያዋ ግዳድ። ቃይ ላኡ ጋትማቱዋ አካደ ኡንቱንቱፐ እቱዋ ኬካተ ጋደ ሱንድ፤ ላኤንዋካ እትፐተ ጋደ ሱንድ። ያታደ ዶርሳ ዉድያ ሄማድ።8ሄዋፐ ጉይያን፥ ታን እት አግና ግዶን ሄዙ ሄንንቻቱዋ ድጋድ። አያዉ ጎፐ፥ ኡንቱንቱ ሀኖተይ ታዉ ዳንዳየትቤና፤ ያትና፥ ኡንቱንቱካ ታና እጼድኖ።9ያታ ስማደ ታን ዶርሳቱዋ፥ “ታን ህንተና ላኤን ሄምከ፤ ሀይቂያዌ ሀይቆ፤ ባይያዌ ባዮ፤ አትያዌካ እቱ እቱዋና ሜተቲደ ዉሮ” ያጋድ።10ስማደ ታን ካዉተቱዋ ኡባና ጫቀቴዳ ጫቁዋ መንዳዋ በሳናዉ ኬካተ ግያ ታ ጋትማ አካደ መንድ።11ሄዋ ድራዉ፥ ሄ ጋላስካ ጫቁዋ መን አጌዳ፤ ያትና፥ ሄ ዎደ ኡንኤት ኡቴዳ ታና ጼልያ ዶርሳቱ በኢደ፥ ሀዌ መና ጎዳ ቃላ ግድያዋ ኤሬድኖ።12ታን ኡንቱንቱ፥ “እማናዉ በሰ ጎፐ፥ ታ ድርጉዋ ሀምተ፤ ኮሸና ጎፐካ፥ አግ ባሽተ” ያጋድ። ኡንቱንቱ ታ ድርጉዋ ሀታሙ ጻጋራ ብራ ታዉ እሜድኖ።13ያትና፥ መና ጎዳይ ታና፥ “ኡንቱንቱ ሄዋ ከሳና ግ ማየቲደ እሜዳ ሄ ካቴዳ ብራ መና ጎዳ ጎልያ ሻሉዋ ምንጅያ ጎልያ ግዱዋ ኦላ” ያጌዳ። ታን ሄ ሀታሙ ጻጋራ ብራ አፋደ፥ መና ጎዳ ጎልያ ሻሉዋ ምንጅያ ጎልያ ግዶ ኦላድ።14ሄዋፐ ጉይያን፥ ታን ይሁዳፐነ እስራኤልያፐ ግዱዋን ደእያ እሻተይ መኤዳዋ በሳናዉ እትፐተ ግያ ታ ላኤን ጻምኣ መንድ።15ቃይካ መና ጎዳይ ታና፥ “ላኤንዋካ አዛላ ሄንንቻ ሚሻቱዋ አካ።16አያዉ ጎፐ፥ ታን ሀ ጋድያን እት ሄንንቻ ደንና። ሽን እ ዋየትያ ዶርሳቱዋ ማደና፤ ላለቴዳዋንታ ሺሸና፤ ዎቢያዋ ኮለና፤ ፓጻካ ምዘና። እ ሄዋ አጊደ፥ ሞዳዋንታ ሹክ ሹኪደ ሜ፤ ኡንቱንቱ ሹቁልያካ ቃንጼ።17ዶርሳ ዉድያ የግ ባሼዳ ሄ ላፋ ፓና ሄንንቻዉ አየ አና! አ ቀስያነ አ ኡሸቻ አይፍያ ቦላን ማሻይ ዎ። አ ቀሲ ስሎ፤ አ ኡሸቻ አይፊካ ትፕ ጊደ ቶኦ” ያጌዳ።