ዮሃንሳ ሳፃ9dwr_ent
1ሄዋፐ ጉይያን፥ እቼሸን ኪታንቻይ ባረ ማላካታ ፑንና ሳሉዋፐ ዱገ ሳኣ ኩንዴዳ ጾልንትያ በኣድ። ሄ ጾልንተዉ ጪሞ ኦላቁልፒ እመቴዳ።2ጾልንቲ ጪሞ ኦላ ዶዬዳ፤ አኮ ጮጭያፐ ከስያ ጩዋ ማላ ጩዋይ ሄ ጪሞ ኦላፐ ከሴዳ። ቃይ አዋይነ ሳአይ ሄ ጪሞ ኦላፐ ከሴዳ ጩዋን ሜድኖ።3ጩዋፐ ቦሊ ዱገ ሳኣ ዬዳ። ሳኣን ደእያ ሶጋቶ ደእያ ዎልቃ ማላ ዎልቃይ ቦለዉካ እመቴዳ።4ጾሳ ማታፋይ ዴሙዋን ባይና አሳ ጻላላ ቆሀናፐ አትን፥ ሳኣን ደእያ ማታ ዎይ አጭያ ም ግድና ዎይ አይ ም ግድናካ ቆሄና ማላ፥ ቦለዉ ኦደቴዳ።5ቦሊ ሄ አሳ እቼሹ አገና ግድያዋ ፓጻ ካአና ማላ፥ ማታይ እመቴዳዋፐ አትን፥ አዉ አሳ ዎናዉ ማታይ እመትቤና። ሶጉ አሳ ዱኪደ ሴልስያዋ ኬና ቦሊ ሴልሴ።6ሄ ጋላሳቱዋን አሳይ ሀይቁዋ ኮያና፤ ሽን ደመና። ቃይ ሀይቃናዉካ አሞታና፤ ሽን ሀይቁ አሳፐ ባቃታና።7ቦሊ ኦላዉ ጊግ ኡቴዳ ፓራ ማላቴ። ቦልያ ሁጲያን ዎርቃ ማላትያ ካላቻይ ደኤ፤ አ ዴሙካ አሳ ዴሙዋ ማላቴ።8አ ብናናይካ ማጫ አሳ ብናናይዳ አዱቄ፤ አ አቻይካ ጋሙዋ አቻ ማላቴ።9አ ትራይ ብራታን ኦዳ ጎንዳልያ ማላትያዋን ጎዘት ኡቴዳ፤ ቃይ አ ቀፍያ ኮሻይ ኦላ ባናዉ ፕሪጽያ ፓራቱ ጎችያ ጋርያ ኮሻ ማላ።10አዉ ሶጉዋ ዱፍያ ማላትያ ዱፊ ደኤ፤ አ ዱፍያን ዱክያባይ ደኤ። ሄ ዱፍያን እቼሹ አገና ግድያዋ አሳ ቆሀናዳን፥ አዉ ማታይ እመቴዳ።11አ ሞድያ ካቲ ደኤ። ሄ ካቲ ጪሞ ኦላ ኪታንቻ። አ ሱንይካ እብራይስጸ ቃላን አብዶና፤ ቃይ ግሪከ ቃላን አጶልዮና ጌተቴ። አጶልዮና ግያዎ ብለይ፥ ይስያዋ ግያዋ።12ኮይሮ አዬሮ ግያዌ አዳ፤ በአ፥ ብሮ ሀራ ላኡ አዬሮ ግያዌ ያናዋ።13ኡሱፑን ኪታንቻይ ባረ ማላካታ ፑኔዳ። ጾሳ ስንን ኤቄዳ ዎርቃፐ መዳ ያርሽያሳን ደእያ ኦይዱ ጋጻ ካጨቱዋፐ እት ኮሻ ስሳድ።14ሄ ኮሻይ ማላካታይ ደእያ ኡሱፑን ኪታንቻ፥ “ኤፍራጺሳ ግያ ዎጋ ሻፋን ቃሸቴዳ ኦይዱ ኪታንቻቱዋ ብላ” ያጌዳ።15አሳ ዛርያፐ ሄዘን ኩሽያ ዎናዉ፥ ሀ ሳትያዉ፥ ጋላሳዉ፥ አገናዉነ ላይዉ ጊግስ ዎዳ፥ ኦይዱ ኪታንቻቱ ብለቴድኖ።16ኦላ ፓራ ቶግያ አሳ ፓይዱ ላኡ ጼቱ ሚሎነ ግድያዋ ታን ስሳድ።17ቃይካ ታን ሳጻን ፓራቱዋነ ሄ ፓራቱዋ ቶጌዳ አሳ በኣድ። አሳዉ ትራን ዎያ ብራታ ጎንዳልያ ማላይ ደኤ። ሄ ትራን ዎያ ብራታ ጎንዳልያ ማላይ ታማዳን ዞኦ፤ ሳማይያ፤ ቃይ ኤጽያ ዲንያ ማላ። ፓራቱዋ ሁጲ ጋሙዋ ሁጲያ ማላ። ኡንቱንቱ ዶናፐ ታማይ፥ ጩዋይነ አድልያ ጪሻ ማላትያ ኤጽያ ዲንያ ታማይ ከሴዳ።18ፓራቱዋ ዶናፐ ከሴዳ ታማን፥ ጩዋንነ ኤጽያ ዲንያን ሀ ሄዙ ቦሻቱዋን አሳ ዛርያፐ ሄዘን ኩሺ ሀይቄዳ።19አያዉ ጎፐ፥ ፓራቶ ዎልቃይ ዶናንነ ዱፍያን ደኤ። ኡንቱንቱ ዱፊካ ሁጲያና ደእያ ሾሻ ማላቴ፤ ሄዋን ኡንቱንቱ አሳ ቆሂኖ።20ሀ ቦሻቱዋን ሀይቀናን አቴዳ አሳይ ባረ ኩሽያን ኦያዋ አግቤና። ቃይ ዎርቃፐ፥ ብራፐ፥ ናሃስያ ጌተትያ ብራታፐ ሹቻፐነ ምፐ ኦሰቴዳ፥ ጼላናዉ ዎይ ስሳናዉ ዎይ ሀመታናዉ ዳንዳየና ኤቃዉነ ጻላህያዉ ጎይንያዋካ አግቤና።21አሳይ ኤሪድ ዎዳዋ፥ ዎይ ባረ ብቴዳዋ፥ ዎይ ባረ ዎሹሜዳዋ፥ ዎይ ባረ ዉኤዳዋ አጊደ፥ ባረ ናጋራፐ ስምቤና።