Read ማዝሙርያ 71

ማዝሙርያ71dwr_ent

ጾሳ ማዱዋ ደማናዉ ሺቆ ዎሳ

¹አቤት መና ጎዳዉ፥ ታን ኔኮ ባቃታይ፤አዉደነ ታና ዬላዮፓ።²ነ ጽሎተን ታና ዎ አካ፤ነ ሀይ ታኮ የጋደ፥ ታና አሻ።³ኔን ታዉ ኡባ ዎደ ጌምያ ምኖ ዛላነ፥ታና አሽያ ምኖ ጌሱዋ ግዳ።ታ አታና ማላ ነ አዛዛ።ኤ፥ ኔን ታ ዛላነ ታ ጌሱዋ።

⁴አቤት ታ ጾሳዉ፥ ኢታቱዋ ኩሽያፐ፥ኢታ ኦያዋንቱፐነቃረት ባይና አሳቱዋ ዎልቃፐ ታና አሻ።⁵አያዉ ጎፐ፥ አቤት ኡባ ሞድያ መና ጎዳዉ፥ኔን ታን ህዶታን ናግያዋነታ ያላጋተ ዎድያፐ ዶማደ፥ታን አማነትያዋ ግዳዳ።⁶ታን የለትያ ዎድያፐ ዶማደ ኔናን ዘምፓድ፤ታ አት ኡሉዋፐ ዎደፐ ዶማደ፥ኔን ታና ናጋዳ።ኡባ ገደካ ታ ጋላታይ ኔሳ።

⁷ኔን ታዉ ባቃታ አትያ ዎልቃማ ሳኣ ግዴዳ ድራዉ፥ታ ደኡ ዳሮ አሳዉ ሌምሶ ግዴዳ።⁸ጋላሳ ኡባን ታ ዶናይ፥ነ ጋላታንነ ነ ቦንቹዋን ኩሜዳ።⁹ታን ጭሜዳ ዎድያን ታና ኦሎፓ፤ታ ዎልቃይ እጼዳ ዎድያን ታና አጎፓ።¹⁰አያዉ ጎፐ፥ ታ ሞርከቱ ታ ቦላ ሃሳዪኖ፥ታና ዎናዉ ኮይያዋንቱእትፐ ሺቂደ ማቀቲኖ።¹¹ኡንቱንቱ፥ “ጾሳይ አ አጌዳ፤የደርሲደ አ ኦይቄቶ።አያዉ ጎፐ፥ አ አሻናዌ ኦንነ ባዋ” ያጊኖ።¹²አቤት ጾሳዉ፥ ታፐ ኔን ሃኮፓ።አቤት ታ ጾሳዉ፥ ታና ማዳናዉ ኤሌላ።¹³ታና ሞትያዋንቱ ዬላቲደ ይኖ።ታና ቆሀናዉ ኮይያዋንቱ፥ዬላነ ካዉሻ ማይኖ።¹⁴ሽን ታና ግዶፐ፥ኡባ ገደ ኔና ህዶታን ናጋና።ታን ጉጃ ጉጃደ ኔና ጋላታና።¹⁵ዎይሰንቶ ልክያ ኤራና ዮፐካ፥ታ ዶናይ ጋላሳ ኡባን ነ ጽሎተባነአሽያ ነ ኦሱዋባ ኦዳና።¹⁶ታን ኡባ ሞድያ መና ጎዳ ዎልቃን ያና፤ነ ጻላላይ ጽሎ ግድያዋ አዋያና።¹⁷አቤት ጾሳዉ፥ ኔን፥ታ ያላጋተፐ ዶማደ ታና ታማርሳዳ።ሀእ ጋካናዉ ታን ነ ማላልስያ ኦሱዋባ ኦዳይ።¹⁸አቤት ጾሳዉ፥ ነ ዎልቃነ ነ ምኖተ፥ይያ የለታ ኡባዉ ኦዳና ጋካናዉ፥ታን ጭማደ ፑሉሞፐካ ታና አጎፓ።¹⁹አቤት ጾሳዉ፥ ነ ጽሎተይ፥ቦላ ሳሉዋ ጋኬዳ።አቤት ዎልቃማባ ኦዳ ጾሳዉ፥ነ ማል ኦንነ ባዋ።²⁰ኔን ታ ቦላ ዳሮ መቱዋ አሃዳ፤ግዶፐነ፥ ኔን ታ ደኡዋ ዛራደ ኦራጽሳና፤ኔን ታና ቢታ ግዶ ጪሞ ኦላ ገለናዳን ናጋና።²¹ኔን ታ ቦንቹዋ ካሰዋፐ ዳርሳና፤ኔን ታና ዛረደካ ምንና።²²አቤት ታ ጾሳዉ፥ ነ ቱማተ ድራዉ፥ታን ኔና ዲን ጋላታና።አቤት እስራኤልያ ጌሻዉ፥ታን ማስንቁዋን ኔና ሳባና።²³ታን ዲጻደ፥ ናሸቻዉ ታ ቃላ ቁ ኦደ የጻና፤ኔን ታና አሼዳ ድራዉ፥ ታን ኔና ሳባና።²⁴ታ እንጻርሳይ ነ ጽሎ ኦሱዋባ ኡባ ጋላስ ኦዳና፤አያዉ ጎፐ፥ ታና ቆሀናዉ ኮይያዋንቱ፥ዬላቴድኖነ ካዉሼድኖ።

ማዝሙርያ 71 / dwr_ent

ጾሳ ማዱዋ ደማናዉ ሺቆ ዎሳ

ማዝሙርያ71dwr_ent