ማዝሙርያ50dwr_ent
ቱሞ ጎይና
አሳፋ ማዛሙርያ
1ዎልቃማ ጾሳይ፥ መና ጎዳይ ሃሳዬ።አዋይ ዶልያሳፐ ዉልያሳ ጋካናዉሳኣን ደእያ አሳ ጼሴ።2ፑላይ ኩመን ሎአ ግድያ ጽዮነፐ ጾሳይ ፖኤ።3ኑ ጾሳይ ያና፤ ጮኡ ጌና።ኤጽያ ታማይ አ ስንና፤ዎልቃማ ጎቲ አ ዩሹዋና።4ጾሳይ ባረ አሳ ፕርዲደ፥ሳሎቱዋነ ሳኣ ጼሴ።5“ያርሹዋ ያርሽያዋን፥ታናና ጫቀቴዳ ጾሳ አሳቱዋ፥ታኮ ሺሽተ” ያጌዳ።6ጾሳይ ፕርድያዋ ግድያ ድራዉ፥ሳሎቱ አ ጽሎተ ኦዲኖ።7“ታ አሳዉ፥ ስሳ! ታን ነዉ ኦዳይ።እስራኤልያ አሳዉ፥ ታን ነ ቦላ ማርካታይ።ታን ጾሳ፥ ነ ጾሳ።8ነ ያርሹዋ ድራዉነኔን ኡባ ገደ ሺሽያ ጹግያ ያርሹዋ ድራዉ፥ታን ኔና ሴርከ።9ሄዋዳንካ፥ ነ ድርሳፐ ኮሩማቱዋ፥ዎይ ነ ስኩዋፐ ዴሻቱዋ አካናዉ ኮይከ።10አያዉ ጎፐ፥ ዎራን ደእያ ዶአቱ ኡባቱ ታዋንታ፤ሻኡ ደርያ ቦላን ደእያ መሄቱካ ታዋንታ።11ታን ቃ ደርያን ደእያ ካፎቱዋ ኡባ ኤራይ፤ደምባን ደእያ መተቱ ታዋንታ።12ታና ኮሽንቶነ፥ ታን ነዉ ኦድከ:አያዉ ጎፐ፥ ሳአይነ ሳኣን ኩሜዳዌ ኡባይ ታዋ።13ታን ኮሩማቱዋ አሹዋ ማይታ?ዎይ ዴሻቱዋ ሱ ኡሻይታ?14ሄዋ ድራዉ፥ ጾሳዉ፥ኔን እምያ ያርሹ ጋላታ ግዶ፤ኡባፐ ቂያ ጾሳዉ ነ ቃንገ ጋ።15ያታደ፥ መቱዋ ጋላስ ታና ጼሳ።ታን ኔና አሻና፤ ኔንካ ታና ቦንቻና” ያጌ።16ሽን ጾሳይ ኢታ አሳ ሀዋዳን ያጌ፤ታ ህግያ ኔን ዛራ ዛራደ አያዉ ኦዳይ?ዎይ ታ ጫቁዋ ነ ዶናን አያዉ ሃሳያይ?17ኔን ታ ትምርትያ እጻዳ፤ታ ቃላካ ሀይ ቦላና አዳ።18ኔን ካይሱዋ በኤዳ ዎደ፥አናና ዳቦታዳ፤ሻርሙጽያዋንቱ ማባራን ገላዳ።19ኔን ነ ዶና ኢታባ ሃሳያናዉ ብላ የዳሳ።ነ እንጻርሳይካ ዎርዱዋ ሃሳያ ሜዘቴዳ።20ነ ኡቴዳሳን ነ እሻ ኢሳደ ሃሳያዳ፤ነ አት ናኣ ዝግራሳ።21ኔን ሀዋ ኡባ ኦያ ዎደ፥ታን ጮኡ ጌዳ ድራዉ፥ታናካ ነ ማላ ጋደ ቆፓዳ።ሽን ሀእ ታን ኔና ሴራይነነ ባላ ነ ስንን ፓይዳይ።22“ህንተኖ፥ ጾሳ ዶግያዋንቶ፥ ሀዋ አኬክተ።ሄዌ ዮፐ፥ ታን ህንተና መንሬና፤ሄ ዎደ ህንተና አሽያዌ ባዋ።23ታዉ ጋላታ እምያ አሳይ ታና ቦንቼ።ባረ ኦግያ ሱርስያ አሳታን ጾሳ አቶተ በሳና” ያጌ።