Read ማዝሙርያ 33

ማዝሙርያ33dwr_ent

¹ህንተኖ፥ ጽሎቶ መና ጎዳዉ ናሸቻን የጽተ፤ሱረ አሳቱ አ ጋላታናዉ በሴ።²ማስንቁዋ ዲጺደ፥መና ጎዳ ጋላትተ፤ታሙ ባቀን ዋጸቴዳ ዲካ አዉ ዲጽተ።³ኦራ የ የጽተ፤ሎይ ዲጺደ፥ ቃላ ቂሲደ የጽተ።

⁴መና ጎዳ ቃላይ ሱርያ፤እ ኦያ ኦሱዋ ኡባይ አማነትያዋ።⁵መና ጎዳይ ጽሎተነ ቱሙ ፕርዳ ዶሴ፤አገና አ ሲቁ ሳኣ ኩሜዳ።

⁶መና ጎዳ ቃላን ሳሎቱ መቴድኖ።አ ዶናፐ ከስያ ሸምፑዋንኡንቱንቱን ደእያ መታቱካ ኦሰቴድኖ።⁷ዎልቃማ አባ ሃ እ እትሳን ኤልሴዳ፤ሄ ጪሞ ሃ ምንጃ ሳን ዜሬዳ።

⁸ሳኣ ኡባይ መና ጎዳ ያዮ፤ሳኣን ደእያ አሳይ ኡባይ አ ቦንቾ።⁹አያዉ ጎፐ፥ እ ሃሳይና ሀኔዳ፤እ አዛዝና፥ ምኒደ ኤቄዳ።

¹⁰መና ጎዳ ኤረና ካዉተቱዋ ዞረታ ጾሳይ ላሌ፤ኡንቱንቱ ሀልቹዋካ መላ ከሴ።¹¹መና ጎዳ ሀልቹ መናዉ ኤቂደ ደኤ፤አ ዎዛና ቆፋይካ የለታ ኡባ ጋካናዉ ደኤ።¹²ጾሳይ መና ጎዳ ግዴዳ ካዉተይ፥እ ባረሳ ኦደ ዶሬዳ አሳይ አንጀቴዳዋ።

¹³መና ጎዳይ ሳሉዋና ዱገ ጼሊደ፥አሳ ኡባ በኤ።¹⁴ጾሳይ ባረ ደኢያሳፐ ሳኣን ደእያ ኡባ ጼሌ።¹⁵እ ኡንቱንቱ ኡባ ዎዛና መዳ፤ኡንቱንቱ ኦያዋ ኡባ ኤሬ።

¹⁶ካቲ ባረ ዎታዳራ ጮራተን አተና፤ኦላንቻይ ባረ ዎልቃ ምኖተን ከስ አከና።¹⁷ኦላ ፓራይ ጾንሳና ጊደ ናግያዌ መላ፤እ ባረ ዎልቃ ምኖተን አሻናዉ ዳንዳየና።

¹⁸መና ጎዳ አይፈቱ አዉ ያይያነአገና አ ሲቁዋን ህዶታ ኦያ አሳቱዋ ቦላና።¹⁹ሄዌነ፥ ኡንቱንታ ሀይቁዋፐ አሻናሳነኮሻ ዎድያን ፓጻ ዎናሳ።

²⁰ኑን መና ጎዳን ህዶታ ኦቶ፤እ ኑና ማድያዋነ ኑ ጎንዳልያ።²¹ኑን አ ጌሻ ሱንን አማነትያ ድራዉ፥ኑ ዎዛናይ አን ናሸቴ።

²²አቤት መና ጎዳዉ፥ኑን ኔናን ህዶታ ኦያዋዳን፥አገና ነ ሲቁ ኑናና ግዶ።