Read ማዝሙርያ 148

ማዝሙርያ148dwr_ent

መታይ ኡባይ ጾሳ ጋላቶ

¹መና ጎዳ ጋላትተ!ሳሎቱዋን ደእያዋንቶ፥ መና ጎዳ ጋላትተ፤ቦላ ቃን ደእያዋንቶ፥ አ ጋላትተ።²ህንተኖ፥ አ ኪታንቻቶ፥ኡባቱ አ ጋላትተ።ሳሉዋን ደእያ አ ኦላንቻቶ፥ኡባቱ አ ጋላትተ።³አዋዉ፥ አግናዉ፥ አ ጋላትተ፤ፖእያ ጾልንተቶ፥ ኡባቶ አ ጋላትተ።⁴ህንተኖ፥ ኡባፐ ቦላ ቃን ደእያ ሳሎቶ፥አ ጋላትተ።ሳሉዋፐ ቦላና ደእያ ሃቶ፥አ ጋላትተ።⁵ኡንቱንቱ ኡባቱ መና ጎዳ ሱን ጋላትኖ፤አያዉ ጎፐ፥ እ አዛዝና፥ኡንቱንቱ ኡባይካ መቴድኖ።⁶እ ኡንቱንታ መ መናዉኡንቱንቱ ሳኣን ሳኣን ዎዳ።ኡንቱንቱ ኡባካ እጻናዉ ዳንዳየና አዛዙዋ እ ኡንቱንቶ እሜዳ።

⁷ሳኣን ደእያዋንቶ፥ መና ጎዳ ጋላትተ!አባን ደእያ መታቶ፥ ዎልቃማ አባ ጪማቶ፥ኡባቱካ አ ጋላትተ።⁸ህንተኖ፥ ዋልቃንዉ፥ሻቻዉ፥ ሻርያዉ፥ ጫጋናዉ፥አ አዛዙዋ ፖልያ ጎትያዉ፥ኡባቱካ አ ጋላትተ።⁹ህንተኖ፥ ደረቶ፥ ዞዘቶ፥ምያ አይፍያ አይፍያ ምቶ፥ ዝጋቶ፥ኡባቱካ አ ጋላትተ።¹⁰መሄቶ፥ ዶአቶ፥ሳኣና ጎሸትያ መታቶ፥ፓልያ ካፎቶ፥ኡባቱካ አ ጋላትተ።¹¹ሳኣ ካተቶ፥ ካዉተ አሳቶ፥ካፓቶ፥ አሳ ሞድያዋንቶ፥ኡባቱካ አ ጋላትተ።¹²ዎዳላቶ፥ ዎዶራቶ፥ጭማቶ፥ ናናቶ፥ኡባቱካ አ ጋላትተ!¹³ኡንቱንቱ ኡባቱ መና ጎዳ ሱን ጋላትኖ፤አያዉ ጎፐ፥ አ ሱንይ ኡባፐ ቦላና ደእያዋ፤አ ቦንቹ ሳሎቱዋፐካ ሳኣፐካ ቦላና ቃን ደኤ።¹⁴አ ባጋ ግድያ፥ አዉ ማታትያ እስራኤልያ አሳቱ፥አ ጋላታና ማላ፥ እ ኡንቱንታ ምንሴ።መና ጎዳ ጋላትተ!

ማዝሙርያ 148 / dwr_ent

መታይ ኡባይ ጾሳ ጋላቶ

ማዝሙርያ148dwr_ent