Read ማዝሙርያ 147

ማዝሙርያ147dwr_ent

ኡባ ዳንዳይያ ጾሳዉ ሺቅያ ጋላታ

¹መና ጎዳ ጋላትተ! ኑ ጾሳ ሳቢያዌ ሎአ፤አ ሳቢያዌ ናሸችያባነ በስያዋ።

²መና ጎዳይ የሩሳላመ ኦራና፤እስራኤልያ አሳቱዋፐ በቴዳዋንታካ ሺሻና።³ዎዛናይ መኤዳዋንታ እ ፓ፤ኡንቱንቱ ማዱካ እ ቃቼ።⁴እ ጾልንተቱዋኡንቱንቱ ፓይዱዋን ኤሬ፤ኡንቱንታ ኡባካ ኡንቱንቱ ሱንን ሱንን ጼሴ።⁵ኑ ጎዳይ ዎልቃማ፤ አ ዎልቃይ ዳራ፤አ አኬካይ ልክያፐ አያዋ።⁶መና ጎዳይ ናቀቴዳዋንታ ዘምፕሴ፤ሽን ኢታቱዋ ቢታን ዱገ ኦሌ።

⁷መና ጎዳዉ ጋላታ የ የጽተ፤ኑ ጾሳዉ ዲ ዲጽተ።⁸እ ሳሉዋ ሻርያ ካሜ፤ሳአዉ እራ ቡክሴ፤ቄሪ ደረቱዋ ቦላ ማታ ሞክሴ።⁹መሄቶነ ዋስያ ቁሩዋ ማራቶ፥ምያዋ እ እሜ።¹⁰እ ናሸትያዌ ፓራቱዋ ዎልቃንነ፥ቶራንቻቱ ምኖተን ግደና።¹¹መና ጎዳይ ባረዉ ያይያዋንቱንነአገና አ ሲቁዋን፥ባረንቱ ህዶታ ዎዳዋንቱን ናሸቴ።¹²የሩሳላመ ካታማቴ፥ መና ጎዳ ጋላታ!ጽዮኔ፥ ነ ጾሳ ጋላታ!¹³አያዉ ጎፐ፥ እ፥ነ ፐንግያ ኩልባቱዋ ምንሴ፤ነ ግዶን ደእያ ነ አሳካ አንጄ።¹⁴እ ነ ዛዋ ሳሮተን ናጌ፤ኔና ሎይ ሎእያ ዛርጋ ካልሴ።¹⁵እ ባረ ኪታ ሳአዉ ኪቴ፤አ ቃላይካ ኤለ ጋኬ።¹⁶እ ሻቻ ቡሉኩዋዳን ምጬ፤ከተርሳ ብድንዳን ላሌ።¹⁷እ ባረ ዎልቃማ ሻቻሹቻዳን ዱገ ኦሌ።ሄ ሜጉዋን ኤቃናዉ ኦንነ ዳንዳየና።¹⁸እ ባረ ቃላ ኪቲደ፥ሻቻ ሙሽሴ።እ ጫርኩዋ ጫርክስና፥ ሃይ ጎጌ።¹⁹እ ባረ ቃላ ያቆባ ዘረዉ፥ባረ አዋዩዋነ ፕርዳእስራኤልያ አሳዉ አዋዬ።²⁰እ ሀራ ካዉተ አሳዉ፥ሀዋ ኦቤና፤ኡንቱንቱ አ ፕርዳ ኤርክኖ።መና ጎዳ ጋላትተ!

ማዝሙርያ 147 / dwr_ent

ኡባ ዳንዳይያ ጾሳዉ ሺቅያ ጋላታ

ማዝሙርያ147dwr_ent