Read ማዝሙርያ 135

ማዝሙርያ135dwr_ent

ጋላታ ማዝሙርያ

¹መና ጎዳ ጋላትተ!ህንተኖ መና ጎዳ ቆማቶ፥መና ጎዳ ሱን ጋላትተ!²ህንተኖ መና ጎዳ ጎልያ ግዶን፥ኑ ጾሳ ጎልያ ዳባባን ኤቄዳዋንቶ፥ጾሳ ጋላትተ!³መና ጎዳይ ኬካ ግድያ ድራዉ፥መና ጎዳ ጋላትተ!እ ሎአ ግድያ ድራዉ፥አ ሱን ሳቢተ!⁴መና ጎዳይ ያቆባ ባረ ሁጰው፥እስራኤልያ አሳካ ባረዉ ቡዞ ኦደ ዶሬዳ።

⁵መና ጎዳይ ዎልቃማ ግድያዋነኑ ጎዳይ ጾሳቱዋ ኡባፐ ቂያዋ፥ታን ኤራይ።⁶ሳሉዋንካ ሳንካ፥አባቱዋንነ ኡንቱንቱ ጪሞቱዋ ኡባ ግዶንካ፥መና ጎዳይ ባረ ዶሴዳዋ ኡባ ኦ።⁷እራ ቶኮ ሻርያ ሳኣ ጋጻፐ እ ደን፤እ እራና ዋልቃን ኪቴ፤ባረ ምንጅያ ሳኣፐ ጫርኩዋ ከሴ።

⁸ግብጼ ቢታን አሳ ናናቱዋፐነ፥መህያ ማራፐ፥ባይራ የለቴዳዋንታ ዎዳ።⁹ኔኖ ግብጼ፥ ፓርኦናነ አ ቆማቱዋ ሙራናዉ፥ህንተንቱ ግዶን ኦራባነ ማላልስያባ የዴዳ።¹⁰እ ዳሮ ካዉተቱዋ ባይዜዳ፤ዎልቃማ ካተቱዋካ ዎዳ።¹¹አሞረቱዋ ካትያ ስሆና፥ባሳነ ካትያ ኦጋነ፥ካናነ ካተቱዋ ኡባ ዎዳ።¹²ኡንቱንቱ ቢታ ባረ አሳቱዋ፥እስራኤላቱዋ ላትሴዳ።¹³አቤት መና ጎዳዉ፥ ነ ሱንይ መናዉ ደአና፤የለታፐ የለታ ጋካናዉ መና ጎዳይ ሀሳየታና።¹⁴መና ጎዳይ ባረ አሳዉ ፕርዳና፤እ ባረ ቆማቶ ቃረታና።¹⁵ጋድያ አሳቱዋ ኤቃቱ አሳ ኩሺብራፐነ ዎርቃፐ መዳዋንታ።¹⁶ኡንቱንቶ ዶናይ ደኤ፥ ሽን ሃሳይክኖ፤አይፊ ደኤ፥ ሽን ጼልክኖ።¹⁷ሀይይ ደኤ፥ ሽን ስስክኖ፤ኡንቱንቱ ዶናን ሸምፑ ባዋ።¹⁸ኡንቱንታ መዳዋንቱነ፥ኡንቱንቱን አማነትያዋንቱ፥ኡባይ ኡንቱንቱዳን ሀንኖ።¹⁹እስራኤልያ ጎልያ አሳቶ፥መና ጎዳ ጋላትተ፤አሮና ጎልያ አሳቶ፥መና ጎዳ ጋላትተ፤²⁰ሌዊያ ጎልያ አሳቶ፥መና ጎዳ ጋላትተ፤መና ጎዳዉ ያይያዋንቶ፥ኡባይ መና ጎዳ ጋላትተ።²¹የሩሳላመን ደእያ መና ጎዳይጽዮነን ጋላተቶ!መና ጎዳ ጋላትተ!

ማዝሙርያ 135 / dwr_ent

ጋላታ ማዝሙርያ

ማዝሙርያ135dwr_ent