ማዝሙርያ132dwr_ent
ጌሻ ጎልያ ሳባናዉ ሺቆ ማዝሙርያ
ፑደ ከሲደ የጼዳ የ
1አቤት መና ጎዳዉ፥ዳዊታነ እ ዳንዳዬዳ መቱዋ ቆፓ።2መና ጎዳዉ እ ጫቄዳዋ፥ያቆባ ጾሳዉ፥ ዎልቃማዉእ ሀዋዳን ያጊደ ገፔዳዋ ሀሳያ፤3“ሀዋፐ ጉይያን ታን ታ ጎለ ገልከ፥ዎይ ታ ሂጻን ግስከ።4ታን ታ አይፍያ ጪልምከ፥ዎይ ገምእሽከ።5ሄዌነ፥ ታን መና ጎዳዉ ሳኣ፥ያቆባ ጾሳዉ፥ ዎልቃማዉደኢያሳ ጊግሳና ጋካናሳ” ያጌዳ።6ሄኮ፥ ኑን ታቦታባ፥ቤተሌመን ስሴዶ፤ይኣሪማ ግያ ቢታን አ ኑን ደሜዶ።7ኑን፥ “አነ እ ደኢያሳ ቦይተ፤አ ገዲ የያሳን ጉፋኒደ፥አዉ ጎይኔቶ” ያጌዶ።8አቤት መና ጎዳዉ፥ ደንዳ!ነ ምኖተዉ ማላ ግድያ ነ ታቦታና፥ነ ጌሻ ጎልያ ገላደ ደአ።9ነ ቄሳቱ ጽሎተ ማይኖ፤ነ አሳቱ ናሸቻዉ የጽኖ።10ነ ቆማ ዳዊታ ድራዉ፥ኔን ኦኬዳ ካትያ አጎፓ።11መና ጎዳይ ዳዊታዉ ላመተና ጫቁዋሀዋዳን ያጊደ ጫቄዳ፤“ነ ጉልባታፐ የለቴዳ ነ ናናቱዋፐ እቱዋታን ካዉና።12ነ ናናቱ ታ ጫቁዋነታን ታማርስያ ትምርትያ ናጎፐ፥ኡንቱንቱ ናናቱካ ነ ካዉተ አራታን መናዉ ኡታና” ያጌዳ።13መና ጎዳይ ጽዮነ ዶሬዳ፤ባረዉ ደኢያሳ ኦናዉካ አሞቲደ፥ሀዋዳን ያጌዳ፤14“ሀዌ ታዉ መናዉ ደእያ ሳኣ፤ታን አሞቴዳ ድራዉ፥ ሀዋን ኡታና።15ታን ዳሮ ካ እማደ ጽዮኖ አንጃና፤እዝን ደእያ ህዬሳቱዋካ ቁማ ካልሳና።16እዝን ደእያ ቄሳቱ ዋካታን አቶተ ማይዛና፤እዝን ጾሳ አሳቱካ ናሸቻዉ የጻና።17“ሀ ሳኣን፥ዳዊታ ዘረፐ እቱዋ ካዉና፤ታን ኦኬዳ ካትያ ካዉተ ጋምኤና።18ታን አ ሞርከቱዋ ዬላ ማይዛና፤ሽን አ ሁጲያን ደእያ ካዉተ ካላቻይ ጶላና” ያጌዳ።