Read ማዝሙርያ 118

ማዝሙርያ118dwr_ent

ጾኖ ሺቆ ጋላታ

¹መና ጎዳ ጋላትተ! አያዉ ጎፐ፥ እ ኬካ።አገና አ ሲቁ መናዋ።²እስራኤልያ አሳይ፥“አገና አ ሲቁ መናዋ” ያጎ።³አሮና ጎልያ አሳይ፥“አገና አ ሲቁ መናዋ” ያጎ።⁴መና ጎዳዉ ያይያዋንቱ ኡባይ፥“አገና አ ሲቁ መናዋ” ያግኖ።

⁵ታን ኡንኤቴዳ ዎደ መና ጎዳዉ ዋሳድ፤እ ታ ዋሱዋ አሊደ፥ ታና ላአ ከሴዳ።⁶መና ጎዳይ ታናና ደእያ ድራዉ፥ታን ያይከ።አስ ታና አይ ኦ?⁷መና ጎዳይ ታና ማዳናዉ ታናና ደኤ፤ታ ሞርከቱ ጾነቴዳዋንታ ታን በአና።⁸አሳን አማነትያዋፐ፥መና ጎዳኮ ባቃትያዌ ሎአ።⁹ዳናቱዋን አማነትያዋፐ፥መና ጎዳኮ ባቃትያዌ ሎአ።¹⁰ካዉተቱ ኡባይ ታና ዶድ ኦይቄድኖ፤ሽን መና ጎዳ ሱንን ታን ኡንቱንታ ጾናድ።¹¹ኡንቱንቱ ታና ዶዴድኖ፤ኡባ ሳና ዶድ ኦይቄድኖ፤ሽን መና ጎዳ ሱንን ታን ኡንቱንታ ጾናድ።¹²ኡንቱንቱ ማይ ዶድያዋዳን፥ታ ዩሹዋን ዶዴድኖ።ሽን አጉንይ ታማን ኤጽያዋዳንኤጽ ዬድኖ።መና ጎዳ ሱንን ታን ኡንቱንታ ጾናድ።¹³ታና ሱግ የግና፥ ኩንዳና ሀናይ፤ሽን መና ጎዳይ ታና ማዴዳ።¹⁴መና ጎዳይ ታዉ ዎልቃነ ምኖተ፤እ ታና አሽያዋ ግዴዳ።¹⁵ኦላ ጾኒደ ስምያ አሳይ፥ጽሎቱዋ ዱንካንያን ሆምቦጪደ፥ ግያዋ ስስተ።ኡንቱንቱ፥ “መና ጎዳ ኡሸቻ ኩሺ ዎልቃማባ ኦዳ!¹⁶መና ጎዳ ኡሸቻ ኩሺ ጾኑዋ እሜዳ!መና ጎዳ ኡሸቻ ኩሺ ዎልቃማባ ኦዳ!” ያጊኖ።

¹⁷ታን ሀይቂከ፤ፓጻ ደአናነ መና ጎዳይ ኦዳዋ አዋያና።¹⁸መና ጎዳይ ታና ኢታ ሙሩዋ ሙሬ፤ሽን ሀይቆ አደ እምቤና።¹⁹ታን ግዶ ገላደ መና ጎዳ ጋላታና ማላ፥ጌሻ ጎልያ ፐንገቱዋ አነ ታዉ ዶይተ።²⁰ሀዌ መና ጎዳ ፐንግያ፤ሀ ፐንግያና ጽሎቱዋ ጻላላይ ገሊኖ።²¹ኔን ታና ስሴዳ ድራዉነጾኑዋ እሜዳ ድራዉ፥ታን ኔና ጋላታይ።²²ግምቢያዋንቱ ካደ እጼዳ ሹቻይ፥ጎዳ ጻጱዋ ምንስያ፥ ኡባፐ አያ ሹቻ ግዴዳ።²³ሀዌ መና ጎዳይ ኦዳዋ፤ቃይ ኑ አይፍያዉካ ማላልስያዋ።²⁴ሀዌ ጋላሳይ መና ጎዳይ መዳ ጋላሳ።አነ ኑን አን ናሸቶይተነ እልሎይተ።²⁵አቤት መና ጎዳዉ፥ ሀእ ኑና አሻርኪ!አቤት መና ጎዳዉ፥ ሀእ ኑዉ እንጀያርኪ!²⁶መና ጎዳ ሱንን ይያ አሳይ አንጀቴዳዋ ግዶ!ኑን መና ጎዳ ጌሻ ጎልያፐ ህንተና አንጄቶ።²⁷መና ጎዳይ ጾሳ፤ እ ኑ ቦላን ፖእሴዳ።እርጻ ታሽያ ኦይቂደ፥ አያና ጋላሳ ቦንችተ፤ያርሹዋ ቦላን ደእያ ካጭያኮ አተ።²⁸ኔን ታ ጾሳ፤ ታን ኔና ጋላታና።ኔን ታ ጾሳ፤ ታን ኔና ግታያና።²⁹መና ጎዳ ጋላትተ! አያዉ ጎፐ፥ እ ኬካ፤አገና አ ሲቁ መናዋ።

ማዝሙርያ 118 / dwr_ent

ጾኖ ሺቆ ጋላታ

ማዝሙርያ118dwr_ent