Read ማዝሙርያ 115

ማዝሙርያ115dwr_ent

እት ቱሙ ጾሳ

¹አቤት መና ጎዳዉ፥ ኑ ግሻ ግደና፤ኑ ግሻ ግደናን፥ አገና ነ ሲቆዉነነ ቱማተ ድራዉ፥ ነ ሱን ቦንቻ።

²ካዉተቱ አያዉ፥“ኡንቱንቱ ጾሳይ ሀቃን ደኢ?” ጊኖ?³ኑ ጾሳይ ሳሉዋና፤እ ባረ ዶሴዳዋ አይ ግዶፐካ ኦ።⁴ሽን ኡንቱንቱ ኤቃቱ ብራነ ዎርቃ፤ኡንቱንቱ አሳ ኩሽያን መቴዳዋንታ።⁵ኡንቱንቶ ዶናይ ደኤ፤ ሽን ሃሳይክኖ፤አይፊ ደኤ፤ ሽን ጼልክኖ።⁶ኡንቱንቶ ሀይይ ደኤ፤ ሽን ስስክኖ፤ሲ ደኤ፤ ሽን ስንግክኖ።⁷ኡንቱንቶ ኩሺ ደኤ፤ ሽን ኦይቂ ኤርክኖ፤ገዲካ ደኤ፤ ሽን ሀመትክኖ፤ኡንቱንቱ ባረንቱ ፕላንቲያና ኮሻ ስስክኖ።⁸ኡንቱንታ መያዋንቱነ፥ኡንቱንቱን አማነትያዋንቱ ኡባይ ኡንቱንቱ ማላ ግድኖ።

⁹ህንተኖ፥ እስራኤልያ አሳቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።¹⁰ህንተኖ፥ አሮና ጎልያ አሳቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።¹¹ህንተኖ፥ መና ጎዳዉ ያይያዋንቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።¹²መና ጎዳይ ኑና ቆፔ፤ እ ኑና አንጃና።እ እስራኤልያ አሳቱዋ አንጃና።እ አሮና ጎልያ አሳቱዋ አንጃና።¹³መና ጎዳዉ ያይያዋንታ፥ጉቱዋካ ግታቱዋካ እ ጋ አንጃና።¹⁴መና ጎዳይ ህንተናካ ህንተ ናናቱዋካ ዳርሶ!¹⁵ሳሉዋነ ሳኣ መዳ መና ጎዳን አንጀትተ!¹⁶ቦላ ቃ ሳሉ መና ጎዳዋ፤ሽን ሳኣ እ አሳዉ እሜዳ።¹⁷ሀይቄዳዋንቱ፥ ዱፉዋን ጮኡ ጌዳዋንቱ፥መና ጎዳ ጋላትክኖ።¹⁸ሽን ኑን፥ ፓጻ ደእያዋንቱ፥ሀቼፐ ዶሚደመና ጋካናዉ መና ጎዳ ጋላቴቶ።መና ጎዳ ጋላትተ!

ማዝሙርያ 115 / dwr_ent

እት ቱሙ ጾሳ

ማዝሙርያ115dwr_ent