Read ማዝሙርያ 107

ማዝሙርያ107dwr_ent

መቱዋ ኡባፐ አሽያ ጾሳ ጋላትተ

¹መና ጎዳ ጋላትተ! አያዉ ጎፐ፥እ ኬካ፤ አገና አ ሲቁ መናሳ።²መና ጎዳይ አሼዳዋንቱነ፥ሞርከቱዋ ኩሽያፐ ዎዜዳዋንቱ፥ሄዋዳን ጊደ ሃሳይኖ።³ኡንቱንታ እ ቢታቱዋፐ፥አዋይ ዶልያሳፐነ ዉልያሳፐ፥ሁጲሳነ ገድሳ ባጋፐሺሼዳዋንታ።

⁴ኡንቱንቱፐ እቱ እቱ ባዙዋ ቢታን ዩዬድኖ።ባረንቱ ደእያ ካታማ ብያ ኦግያ፥ደማናዉ ዳንዳይበይክኖ።⁵ኡንቱንቱ ኮሻቴድኖነ ሳመቴድኖ፤ኡንቱንቱ ይባቴድኖ።⁶ኡንቱንቱ መቶቴዳ ዎደ፥መና ጎዳዉ ዋሴድኖ፤እ ኡንቱንታ ኡንቱንቱ ዋይያፐ አሼዳ።⁷ኡንቱንቱ ደአና ካታማ ጋካናዉ፥እ ኡንቱንታ ስታ ኦግያና ካለዳ።⁸አገና አ ሲቆነ፥እ አሳዉ ኦዳ ማላልስያባዉ፥ኡንቱንቱ መና ጎዳ ጋላትኖ።⁹አያዉ ጎፐ፥ እ ሳመቴዳዋንታ አሌ፤ኮሻቴዳዋንታካ ሎኦባ ካልሴ።¹⁰ኡንቱንቱፐ እቱ እቱጵ ጎ ማ ግዶን ኡቴድኖ፤ኡንቱንቱ ብራታ ሳንሳላታን ዋየቴድኖ።¹¹አያዉ ጎፐ፥ ኡንቱንቱ ጾሳ ቃላዉ ማካሌድኖነ፥ኡባፐ ቂያ ጾሳ ዞርያ ካድኖ።¹²እ ኡንቱንታ ቱጋ ኦሱዋን ዳቡርሴዳ፤ኡንቱንቱ ኩንዴድኖ፤ሽን ኡንቱንታ ማድያዌ ዬዳ።¹³ኡንቱንቱ መቶቴዳ ዎደ፥ መና ጎዳዉ ዋሴድኖ፤እ ኡንቱንታ ኡንቱንቱ ዋይያፐ አሼዳ።¹⁴ባረቶ ማፐካ ከሴዳ፤ኡንቱንቱ ቃሸቴዳ ብራታ ሳንሳላታካ ዱዳ።¹⁵አገና አ ሲቆነእ አሳዉ ኦዳ ማላልስያዎኡንቱንቱ መና ጎዳ ጋላትኖ።¹⁶አያዉ ጎፐ፥ እ ናሃስያፐ ኦሰቴዳ ፐንግያ መንዳ፤ብራታ ኩልቡዋካ ኬዳ።¹⁷ኡንቱንቱፐ እቱ እቱ ቦዛ ግዴድኖ፤ባረንቱ ኦዳ ናጋራ ጋሱዋንነ፥ባረንቱ ኢታተ ጋሱዋን ቱጋቴድኖ።¹⁸ኡንቱንቱ ቁማ ኡባ ሸነቲደ፥ሀይቆ ማቴድኖ።¹⁹ኡንቱንቱ መቶቴዳ ዎደ፥ መና ጎዳዉ ዋሴድኖ፤እ ኡንቱንታ ኡንቱንቱ ዋይያፐ አሼዳ።²⁰እ ባረ ቃላ ኪቲደ፥ ኡንቱንታ ፓዳ፤ዱፉዋን ገልያዋፐ አሼዳ።²¹አገና አ ሲቆነእ አሳዉ ኦዳ ማላልስያዎኡንቱንቱ መና ጎዳ ጋላትኖ።²²ኡንቱንቱ አዉ ጋላታ ያርሹዋ ያርሽኖ፤ቃይ ናሸቻ የን እ ኦዳዋ ኦድኖ።²³ኡንቱንቱፐ እቱ እቱ፥ማርካብያን ዎልቃማ አባ ቦላን ቤድኖ።ኡንቱንቱ ሄ ዎልቃማ አባ ቦላ ባረንቱ ኦሱዋ ኦያዋንታ።²⁴ኡንቱንቱ መና ጎዳ ኦሱዋ፥እ ጪማ ጋርሳን ኦዳ ማላልስያባ በኤድኖ።²⁵እ አዛዚደ፥ ጎትያ ደንዳ፤አባ ሆቢ ቃጼዳ።²⁶ኡንቱንቱ ፑደ ሳሉዋ ጩጉደቴድኖ፤ሄዋፐ ዱገ ጪማ ዎድኖ።ሄ ኢታ መቱ ጋክና፥ ኡንቱንቱ ዎዛናይ ቶዩ ጌዳ።²⁷ኡንቱንቱ ማቴዳ አሳዳንበቲደ ጋንድጋሬድኖ፤ኡንቱንቱ ኤራይካ ጆሌዳ።²⁸ኡንቱንቱ መቶቴዳ ዎደ፥ መና ጎዳዉ ዋሴድኖ፤እ ኡንቱንታ ኡንቱንቱ ዋይያፐ አሼዳ።²⁹እ ጎትያ ጮኡ ኦዳ፤አባ ቤታካ ስርጵ ኦዳ።³⁰ጮኡ ጌዳ ድራዉ፥ኡንቱንቱ ናሸቴድኖ፤ጾሳይ ኡንቱንታ ኡንቱንቱ አሞቴዳ ካታማ አሄዳ።³¹አገና አ ሲቆነእ አሳዉ ኦዳ ማላልስያባዉኡንቱንቱ መና ጎዳ ጋላትኖ።³²ኡንቱንቱ አ አሳቱዋ ሺቁዋን ቁ ቁ ኦኖ፤ቃይ ጭማቱዋ ሺቁዋን አ ጋላትኖ።³³ጾሳይ ሻፋቱዋ መልሴዳ፤ፑልቶቱካ ጎገናዳን ተኤዳ።³⁴ሄዋን ደእያ አሳቱዋ ኢታተ ድራዉ፥ሞክያ አራዳ ቢታካ፥ሞከና መላ ቢታዉ ላሜዳ።³⁵እ ዛሪደ መላ ባዙዋን ሃይ ኤላናዳን፥ቃይ መላ ቢታን ፑልቱ ቃናዳን ኦዳ።³⁶ኮሸቴዳዋንታ ሄ ሳኣን ዎዳ፤ኡንቱንቱ ባረንቶ ደእያ ካታማ ኬጼድኖ።³⁷ኡንቱንቱ ባረንቱ ጎሻን ዘሪደ፥ዎይንያ ቶኪደ፥ዳሮ ሙሩታ ሺሼድኖ።³⁸እ ኡንቱንታ አንጅና፥ ኡንቱንቱ ሎይ ጮራቴድኖ፤ኡንቱንቱ መህያካ ጉቤና።³⁹አሳቱ ጾነትያ ዎደነ ኡንቱንቱ ኡቁና፥መቱዋነ ካዩዋ ጋሱዋን ካዉሽያ ዎደ፥⁴⁰ጾሳይ ካፖቱዋ ካዳዋ በሴ፤ኦጊ ባይና ባዙዋን ቶይላካታናዳን እ ኡንቱንታ ኦ።⁴¹ሽን እ ህዬሳቱዋ ቱጋፐ ከሲደ፥ኡንቱንቱ ጎለ አሳ ዶርሳ ዉድያዳን ጮራዬ።⁴²ሱረ አሳቱ እ ኦያዋ በኢደ ናሸቲኖ፤ሽን ኢታ አሳቱ ኡባይ ጮኡ ጊኖ።⁴³አዳ ኤራንቻ ግድያዌ ሀ የዉዋ ቆፖ፤መና ጎዳ አገና ሲቁዋ አኬኮ።

ማዝሙርያ 107 / dwr_ent

መቱዋ ኡባፐ አሽያ ጾሳ ጋላትተ

ማዝሙርያ107dwr_ent