Read ማዝሙርያ 10

ማዝሙርያ10dwr_ent

ፕርዳ ደማናዉ ሺቄዳ ዎሳ

¹አቤት መና ጎዳዉ፥ አያዉ ሃካደ ኤቃይ?መቱዋ ዎድያን አያዉ ኔን ጌማይ?²ባረ ኦቶሩዋን ኢታ አሳይ ህዬሳ ሻንካቴ።ኡንቱንቱ ባረንቱ ፓላ ማቁዋን ባረንቶ ኦይቀትኖ።

³ሄ ኢታይ ባረ ዎዛና ኢታ አሙዋን ጬቀቴ፤ዮራንቻይ መና ጎዳ ቦላ ኢታ ቃላ ሃሳዬነ ካዴ።⁴ኢታይ ባረ ኦቶሩዋን ጾሳ ኮየና፤ባረ ቆፋ ኡባንካ ጾሳ አይነ ኮየና።

⁵ኡባባይ አዉ ኡባ ዎደካ ኩሜ፤እ ኦቶሩዋ ጴጻሌ።ነ ህጊ አዉ ገለና፤ባረ ሞርከቱዋ ቦላን እ ቅሊጬ።⁶ባረ ዎዛናን እ፥ “ታና አያይነ ቃና።ታና ኡባካ መቱ ጋከና” ያጊደ ቆፔ።⁷አ ዶናን ሸቃይ፥ዎርዱነ ማንደይ ኩሜዳ።ባረ እንጻርሳን ገነባነ ኢታባ ሃሳያናዉ ኤሌሌ።

⁸ሄራን ቆሰትያሳን እ ዙጊደ ኡቴ።ባረ ዎያዋ ዎናዉ ቆሰት ናጊደ፥ዎልቃይ ባይና አሽከቱዋ ጼሌ።⁹ባረ ቆሰትያሳን ጌሚደ፥ህዬሳ ኦይቃናዉ ጋሙዋዳን ዙጌ።እ ህዬሳ ኦይቂደ፥ ባረ ጲርያን ጎቺደ አፌ።

¹⁰ያትና፥ ዎልቃይ ባይና ህዬሳይ ሾጨቴ፤ንፕ ጌነ ሄ ምኑዋን ጾነቴ።¹¹እ ባረ ዎዛናን፥ “ጾሳይ ታና ዶግ ክቼዳ።ባረ ሶምኡዋ ታፐ ገን ክቼዳ፤ኡባካ እ በኤና” ያጌ።

¹²አቤት መና ጎዳዉ፥ ደንዳ።ጾሳዉ፥ ነ ኩሽያ ቁ ኦደ ደን፤ህዬሳ ዶጎፓ።¹³ናጋራንቻ ኡራይ ባረ ዎዛናን፥ጾሳ አያዉ ካ?ባረ ቆፋንካ፥ “ጾሳይ ታና ሙረና”አያዉ ያጊ?

¹⁴ሽን ጾሳዉ፥ ኔን ቱሙካ በኣሳ፤መቱዋካ ዋይያካ ጼላሳ።ኔን ኡባ ዎደ ኑና ማዳናዉ ጊጋ ኡታዳ።ዪአቶ ኔን ማዱዋ።ቆሄቴዳዌ ኔን ማዳናዳን ባረና ነዉ ሼ።

¹⁵ገንያዋንቱ ዎልቃ ኔን ዉርሳ፤ኢታ አሳቱዋካ ሄዋዳ ኦ።ላኤን ኡንቱንቱ ግዶን ኢታተይ ቤተና ማላ ኡንቱንታ ሙራ።

¹⁶መና ጎዳይ መ መናዉ ካተቲደ ደኤ፤ሀራ ካዉተቱ አ ቢታፐ ያና።

¹⁷አቤት መና ጎዳዉ፥ኔን ባረንታ ካዉሽያዋንቱ አሙዋ ስሳሳ።ኔን ኡንቱንታ ምንሳ።¹⁸ይአቶነ ኡንኤቴዳዋንቶ ቱሙዋ ፕርዳ፤ሳኣን ደእያ አሳይ፥ ኡንቱንታ ያሽሰና ማላ፥ኡንቱንቱ ዋሱዋ ስሳሳ።

ማዝሙርያ 10 / dwr_ent

ፕርዳ ደማናዉ ሺቄዳ ዎሳ

ማዝሙርያ10dwr_ent