Read ናህምያ 7

ናህምያ7dwr_ent

¹ግምቢያ ኪታይ ዉርና፥ ፐንገቱዋንካ ሳንቃይ ገሌዳ። ቃይ ፐንግያ ናግያዋንቱ፥ ማዝሙርያ የጽያዋንቱነ ሌዋቱ ባረንቱ ኪታን ኪታን ገሌድኖ።²ሄዋፐ ጉይያን፥ የሩሳላመ ካታማ አይስያ ማታ ታ እሻ ሀናናዉነ ጌሱዋ ጋዳዋ ሀናንያዉ እማድ። ሀናኒ ሀራ ኡባፐ አዳ ቱማንቻነ ጾሳዉ ያይያ አሳ።³ታን ኡንቱንታ ሀዋዳን ያጋደ አዛዛድ፤ “ዎንታ አዋይ ከሲደ ሆአና ጋካናዉ፥ የሩሳላመ ግምቢያ ፐንገቱዋ ዶዮፕተ። ቃይ ኦማርስ ናግያዋንቱ ባረንቱ ኦሱዋ ዉርሲደ ባናፐ ካሰቲደ፥ ፐንገቱዋ ሎይ ጎርዳናዳን ኦተ። ሄዋ ቦላካ የሩሳላመን ደእያ አሳፐ ዶሪደ፥ እቱ እቱ ካላን ካላን ናጋናዳንነ ቃይ ሀራቱ ባረንቱ ሄራን ደኢደ፥ ባረንቱ ጎልያ ኬሻ ኬሻ ናጋናዳን ኦተ” ያጋድ።

ኦሞዱዋፐ ስሜዳ አሳ ሱን

⁴ሄ ዎደ የሩሳላመ ካታማይ ሎይ አኮነ ዎልቃማ፤ ሽን አ ግዶን ደእያ አሳ ፓይዱ ሎይ ጉ። ቃይ ዳሮ ጎሊካ ብሮ ኬጸትቤና።⁵ሄዋፐ ጉይያን፥ አሳ ካለያዋንታ፥ ካፓቱዋነ አሳ ኡባ ሺሻደ ኡንቱንቱ የለታ ማራን ማራን ማዝጋባና ማላ፥ ጾሳይ ታና ቆፍሴዳ። ኦሞዱዋፐ ካሰቲደ ስሜዳ አሳ የለታ ማራ ማጻፋካ ደማድ፤ ሄ ማጻፋን ጻፈቴዳዌ ሀዋ።⁶ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ጉየ ባረንቱ ካታማ ካታማ የሩሳላመነ ይሁዳ ስሜዳ አሳቱ ሀዋፐ ካልያዋንታ።⁷ኡንቱንቱ ካፓቱ ዛሩባቤላ፥ ኢያሳ፥ ናህምያ፥ አዛርያ፥ ራኣምያ፥ ናሀማና፥ ማርድክዮሳ፥ ብልሻና፥ ምስፐሬታ፥ ብግዋያ፥ ናሁማነ ባኣና። ኦሞዱዋፐ ስሜዳ እስራኤልያ አሳ ፓይዱ ሀዋ።

⁸ፓርኦሻ ያራቱ 2,172.⁹ሻፋጽያ ያራቱ 372.¹⁰አራሀ ያራቱ 652.¹¹ኢያሱነ እዮኣባ ናና ግዴዳ ፓሀት-ሞኣባ ያራቱ 2,818.¹²ኤላማ ያራቱ 1,254.¹³ዛቱ ያራቱ 845.¹⁴ዛካያ ያራቱ 760.¹⁵ቢኑያ ያራቱ 648.¹⁶በባያ ያራቱ 628.¹⁷አዝጋዳ ያራቱ 2,322.¹⁸አዶንቃማ ያራቱ 667.¹⁹ብግዋያ ያራቱ 2,067.²⁰አዲና ያራቱ 655.²¹ህዝቂያሳ ያራ ግዴዳ አጼራ ያራቱ 98.²²ሀሹማ ያራቱ 328.²³በጻያ ያራቱ 324.²⁴ሀሪፋ ያራቱ 112.²⁵ጋባኦና ያራቱ 95.²⁶ቤተሌመነ ናጾፋ ካታማቱዋ አሳይ 188.²⁷አናቶታ ካታማ አሳይ 128.²⁸ቤት-አዝማዌቱዋ ካታማ አሳይ ኦይታማነ ላኡዋ።²⁹ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.³⁰ራማነ ገባአ ካታማቱዋ አሳይ 621.³¹ምክማሳ ካታማ አሳይ 122.³²ቤቴለነ አታ ካታማቱዋ አሳይ 123.³³ላኤን ናቦ ጌተትያ ካታማ አሳይ 52.³⁴ላኤን ኤላማ ያራቱ 1,254.³⁵ሀሪማ ካታማ አሳይ 320.³⁶ያርኮ ካታማ አሳይ 345.³⁷ሎዳ፥ ሀዲዳነ ኦኖ ካታማቱዋ አሳይ 721.³⁸ሳናአ ካታማ አሳይ 3,930.³⁹ሀዋፐ ካልያዋንቱ ኦሞዱዋፐ ስሜዳ ቄሳቱ ዋ: ኢያሱ ያራ ግዴዳ ያዳያ ያራቱ 973፤⁴⁰እሜራ ያራቱ 1,052፤⁴¹ፓሽሁራ ያራቱ 1,247፤⁴²ሀሪማ ያራቱ 1,017.

⁴³ሀዋፐ ካልያዋንቱ ኦሞዱዋፐ ስሜዳ ሌዋቱዋ: ሆዳዊያ ያራ ግዴዳ ኢያሱነ ቃድምኤላ ያራቱ 74፤⁴⁴አሳፋ ያራ ግዴዳ ማዝሙርያ የጽያዋንቱ 148፤⁴⁵ጌሻ ጎልያ ፐንግያ ናግያሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 138.⁴⁶ሀዋንቱ ኦሞዱዋፐ ስሚደ፥ጌሻ ጎልያን ኦያ ቆማቱዋ ያራቱዋ:ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥⁴⁷ቄሮሳ ያራቱዋ፥ ሲአ ያራቱዋ፥ ፓዶና ያራቱዋ፥⁴⁸ላባና ያራቱዋ፥ ሀጋባ ያራቱዋ፥ ሻልማያ ያራቱዋ፥⁴⁹ሀናና ያራቱዋ፥ ግዴላ ያራቱዋ፥ ጋሃራ ያራቱዋ፥⁵⁰ራኣያ ያራቱዋ፥ ራጺና ያራቱዋ፥ ናቆዳ ያራቱዋ፥⁵¹ጋዛማ ያራቱዋ፥ ኡዛ ያራቱዋ፥ ፓሴሀ ያራቱዋ፥⁵²በሳያ ያራቱዋ፥ መኡኒማ ያራቱዋ፥ ናፉሸሲማ ያራቱዋ፥⁵³ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥⁵⁴ባጽሊታ ያራቱዋ፥ ማሂዳ ያራቱዋ፥ ሀርሻ ያራቱዋ፥⁵⁵ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥⁵⁶ናጺሀ ያራቱዋነ ሀጺፋ ያራቱዋ።⁵⁷ሀዋፐ ካልያዋንቱ ኦሞዱዋፐ ስሜዳ ሶሎሞነ ቆማቱዋ ያራቱዋ: ሶጻያ ያራቱዋ፥ ሶፈሬታ ያራቱዋ፥ ፓሪዳ ያራቱዋ፥⁵⁸ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥⁵⁹ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አሞና ያራቱዋ።⁶⁰ኦሞዱዋፐ ስሚደ፥ ጌሻ ጎልያን ኦያ ቆማቱዋ ያራቱነ ሶሎሞነ ቆማቱዋ ያራቱ ፓይዱ ኡባና 392.⁶¹ሀራቱካ ቃይ፥ ተልመላሀ፥ ተልሀርሻ፥ ካሩባ፥ አዶናነ እሜራ ጌተትያ ካታማቱዋፐ የሩሳላመ ስሜድኖ። ሽን ኡንቱንቱ ዎይ ኡንቱንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ።⁶²ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና 642.⁶³ቄሳቱ ዋፐ ቃይ ሆባያ ያራቱ፥ ሀቆጻ ያራቱነ ባርዝላያ ያራቱ የሩሳላመ ስሜድኖ። ሀዌ ባርዝላያ ግያዌ ጋላኣደ ቢታ አሳ ግዴዳ ባርዝላያ ናቶ አኪደ፥ ባረ ቦሉዋ ሱን አኬዳ።⁶⁴ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምቤይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተን ኦናዳን ድገቴድኖ።⁶⁵ቃይ ጌሻ ሳማቱዋን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንቶ ኦዴዳ።⁶⁶ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360.⁶⁷ሄዋ ቦላካ ቃይ 7,337 አቱማ ቆማቱነ ማጫ ቆማቱ ማዝሙርያ የጽያ 245 አቱማዋነ ማጫ አሳቱ ስሜድኖ።⁶⁸ኦሞዱዋፐ ኡባና ስሜዳ አሳ ፓራቱዋ ፓይዱ 736፤ ባቁሎቱ 245፤⁶⁹ጋሎቱ 435፤ ሀረቱ ቃይ 6,720.⁷⁰ያራቱዋ ካፓቱዋፐ አማሬዳዋንቱ ኦሶ እሞታ እሜድኖ። ቢታ ሞድያዌ ሆስፑን ኪሎ ግራመ ዎርቃ፥ 50 ድስተቱዋነ 530 ቄሳቱዋ ማዮቱዋ እሜዳ።⁷¹ያራቱዋ ካፓቱ 168 ኪሎ ግራመ ዎርቃነ 1,250 ኪሎ ግራመ ብራ እሜድኖ።⁷²አቴዳ አሳይ ኡባና 168 ኪሎ ግራመ ዎርቃ፥ 1,100 ኪሎ ግራመ ብራነ 67 ቄሳቱዋ ማዮቱዋ እሜድኖ።⁷³ሄዋፐ ጉይያን ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ አሳፐ ዳሮቱነ ጌሻ ጎልያ ቆማቱ፥ ኡባና እስራኤልያ ኡባይ ባረንቱ ካታማን ካታማን ኡቴድኖ።

ናህምያ 7 / dwr_ent

ኦሞዱዋፐ ስሜዳ አሳ ሱን

ናህምያ7dwr_ent