ህዬሳቱ ናቀቴናዳን ናህም ኦዳ
1አቱማዌነ ማጫዌ ባረንቱ ዛርያ ግዴዳ አይሁዳቱ ቦላን ዎልቃማ ጫቡዋ ከሴድኖ።2ኡንቱንቱ ሀዋዳን ያጌድኖ፤ “ኑን፥ ኑ አቱማ ናናይነ ኑ ማጫ ናናይ ጮራ፤ ሄዋ ድራዉ፥ ኑን ሚደ ፓጻ ደአና ማላ፥ ኑዉ ካይ ኮሼ”።3ሀራቱ ቃይ፥ “ኑና ጋኬዳ ኢታ ኮሻፐ ኑና አሽያ ቁማ ደማና ጊደ፥ ኑ ጎሻይ፥ ኑ ዎይንያ ቱራ ሳአይነ ኑ ኬይ አተናን አሳዉ ኦይዶ” ያጌድኖ።4ሀራቱካ ቃይ ሀዋዳን ያጌድኖ፤ “ኑ ጎሻዉነ ኑ ዎይንያ ቱራ ሳቶ ካቲ ኦቼዳ ጊራ ጭጋናዉ ሚሻ ታልእያ አኬዶ።5አይሁዳ ዛራቱዋና ኑን እት አሹዋ፤ ኑ ናናይካ ኡንቱንቱ ናና ማላ። ሽን ኑን ኑ የሌዳ ናና አይለተዉ አደ እማናዉ ግደቴዶ፤ ኡባ ቃይ ኑ ማጫ ናናቱዋፐ እቱ እቱ አይለተዉ ዛልኤቴድኖ። ግዶፐነ፥ ኑ ጎሻይነ ኑ ዎይንያ ቱራ ሳአቱ ኑፐ አከት ድጎ ድራዉ፥ ኑን አይነ ኦናዉ ዳንዳዮኮ”።6ኡንቱንቱ ጫቡዋነ ሀ ቃላ ታን ስሴዳ ዎደ፥ ሎይ ሀንቀታድ።7ኦናዋ ታ ዎዛናን ቆፓደ፥ አሳ ካለያዋንታነ ካፓቱዋ ጼሳደ፦ “ህንተንቱ ህንተንቱ ዛራቱዋ የሉዋ ጭግስያዋን ኡቁኒታ” ያጋደ ኡንቱንታ ሞታድ። ሄ መቱዋባ ሃሳዪደ ብላናዉ ዎልቃማ ሺቁዋ ኡንቱንቱና ኡዳድ።8ሀዋዳን ያጋድ፤ “አይሁዳ ግደናዋንቶ ዛልኤቴዳ አይሁዳ ዛርያ ግዴዳ ኑ እሻቱዋ ዎዛናዉ ኑን ኑ ዎልቃይ ዳንዳዬዳዋ ኡባ ኦዶ። ሽን ህንተንቱ ቃይ፥ ህንተንቱ እሻቱዋ ግዴዳ ህንተንቱ ዛርያ ህንተንቶ ባረንታ ዛልአና ማላ ኦደ ደኢታ”። ካለያዋንቶ ዛርያ ቃላይ ይና፥ ጮኡ ያጌድኖ።9ታን ቃይካ ሀዋዳን ያጋድ፤ “ህንተንቱ ኦያባይ ልከ ግደና፤ ኑ ሞርከቱ፥ አይሁዳ ግደናዋንቱ ኑ ቦላን ቅሊጨና ማላ፥ ኑ ጾሳዉ ያያናዉነ ልከ ግድያባ ኦናዉ ህንተንቶ በሰኔ?10ታን ታ ሁጲያዉ፥ ታ እሻቱዋነ ታ ቆማቱካ ኡንቱንቶ ሚሻነ ካ ታልኤዶ፤ ግዶ ሽን፥ አነ ኡንቱንቱፐ የሉዋ አክያዋ አጎይተ።11ኡንቱንቱ ጎሻቱዋ፥ ዎይንያ ቱራ ሳአቱዋ፥ ዛይትያ ዎጋራቱዋነ ጎለቱዋ ኡባካ ኡንቱንቶ ሀቼ ዛርተ። ቃይ ሚሻን፥ ካን፥ ዎይንያ ኤሳን ግድና ዛይትያን፥ ህንተንቱ ኡንቱንቱፔ አኬዳ ጼቱዋፐ እት ኩሽያ የሉዋ ኡባ ኡንቱንቶ ኤለካ ዛርተ”።12ኡንቱንቱካ ዛሪደ፥ ሀዋዳን ያጌድኖ፤ “ኑን ኡባባካ ኡንቱንቱዋ ዛሪደ፥ ኡንቱንቶ እማና፤ ኡንቱንታ አያነ ኦቾኮ። ኔን ጋደ ደእያዋዳን፥ ኑን ኦና”። ሄዋፐ ጉየ ቄሳቱ ዋ ሃ ታኮ ጼጋደ፥ ባረንቱ ጌዳ ቃላ ፖላና ማላ፥ ጫቀናዳን ኦድ።13ሄዋፐ ጉይያን፥ ታ ማዩዋ ቆቆፋደ ሀዋዳን ያጋድ፤ “ኦንነ ህንተፐ ባረ ጌዳ ቃላ ፖለናን ዮፐ፥ ጾሳይ አ ሀዋዳን አ ጎልያፐነ አ አቁዋፐ ቆቆፎ፤ እካ ቆቆፈቲደ መላ አቶ”። ሺቄዳ አሳይ ኡባይ እት ቃላን፥ “አመንእ” ያጊደ መና ጎዳ ጋላቴድኖ። አሳይ ኡባይ ባረ ጫቄዳዋዳን ኦዳ።ናህምያ ጋራተ
14አርጸክስስ ካተቴዳ ላታማን ላይፐ ቢደ፥ ሀታማነ ላኤን ላይ ጋካናዉ፥ ታን ይሁዳ ሞድያዋ ግዳደ ሱንታድ። ሄ ታማነ ላኡ ላይን፥ ታና ግድና ዎይ ታ እሻቱ ሞድያዎ በስያ ቁማ ድርጉዋ አክበይኮ።15ሽን ታፐ ካሰና ሞድያዋንቱ አሳዉ ዴጾ ቶኮ ግዲደ፥ ሀቼ ሀቼ ካውነ ዎይንያ ኡሻው ኦይታሙ ጻጋራ ብራ ጭግሴድኖ። ሀራይ አቶ አይስያዋንቶ ቆማቱካ ባረንቱ አሳ ቦላን ጎዳ ማላትሲደ ጋምኤድኖ። ግዶፐነ፥ ታን ጾሳዉ ያዬዳ ድራዉ፥ ሄዋዳን ኦበይከ።16ታናተ ኡባ የሩሳላመ ግምቢያ ድርሳ ኦሶ እማድፐ አትን፥ ታ ሁጰው አይ ጋድያነ ሻማበይከ። ታ ቆማቱካ ኡባይ ታናና ሄ ኪታን እትፐ ጋምኤድኖ።17ኑ ሄራን ደእያ አይሁዳ ግደናዋንቱፐ ኑኮ ዬዳ አሳይ ባይናን ደእሽን፥ ሀቼ ሀቼ ታናና ታ ማሶፍያን ምያ አይሁዳቱነ ኡንቱንታ ካለያዋንቱ ፓይዱ ጼታነ እሻታማ።18ሀቼ ሀቼ እት ቦራ፥ ኡሱፑን ዶረቴዳ ዶርሳቱዋነ ዳሮ ኩቶቱዋ ሹክ ሹኪደ፥ አሳዉ ሺሽኖ፤ ቃይ ታሙ ጋላሳን እት ገደ ዳሮ ባ ዎይንያ ኤሳ ኡንቱንቶ አጊኖ። ሽን አሳ ቦላን ደእያ ቶኩ ዴጹዋ ግድያዋ ታን ኤርያ ድራዉ፥ ጋድያ ሞድያዎ በስያ ቁማ ድርጉዋ ኦቻበይከ።19“ታ ጾሳዉ፥ ታን ሀ አሳዉ ኦዳ ሎኦተ ኡባ ቆፓደ፥ ታዉካ ሎኦተ ኦ” ያጋድ።